منجب ماتستحي ...

[M!sS v!P]

لا المفروض ماتروحين بيت اهلك
ردي البيت
وهو لو يبيهااا جان ماطلقهاااا وعطيهااا طاف ولاتجيبين سيرتهااا عادي خليتها تولي
عارفه هالشي يحرررررر ويقهرررر ويبط الجبد
ولكن حاولي قد ماتقدرين ماتجيبين طاريهاا ولو شفتيها عادي سلمي وانتي ماشيه

والله يهديكم ويصلح حالكم

 

[شهووووودة]

يا حيااااتي انتي قلتيها :
اهيا منجب ..طيب وراج تزعلين اذا رجلج ما يبيها ؟؟؟؟
وهو لو يبيها جان ماطلقها صح
مهما كان موقف حماتج .. انتي لازم تكونين اعقل ...
يعني رجلج عندج ... و يحبج ... و ما يبي يتفاهم معاج و انتي زعلانه او معصبه
و تعوذي بالله من ابليس و ردي لبيتج و بالنهايه .. انتي اللي كسبااااااااااااانه
و هي اللي خسرت حياتها
بس انتي قاعده تبينين انج محتره
ليش محتره ؟
انتي احلى << ما شالله
و اصغر
و كافي كافي ماليه عين زوجج
اسمعي الكلام اللي يجمد على الشارب << حشا رجال مهوب انا

انتي مالج دخل فيها يا بعد حيي
ومالج شغل فيها

بالطقااااااااااااااااااااااااااااااااااااااااااااق
و طنش تعش تنتعش !

<<< حزب الطماشه
بس ما حبيت اخلي موضوعج بدون رد

 

[love love]

رد: رد : منجب ماتستحي ...

وانتي شفيج قاعده عند أهلج أسبوع وخليه الريال بروحه!!!!!!!!!!!!!!!!!!!
اهوا ما غلط عليج ولا زعلج
ليش تخلينه وتروحين؟؟؟

انا اقول ردي بيتج وبلا سوالف يهال

هذا بيتهم واخته تستقبل اللي تبيه

وطليقته أكيد محتره و ودها ترجع له
لاتعطينها فرصه وتخلينه

الحين يقعد يقارن بينج وبينها ويقول طليقتي تبيني وقاعده تيني البيت وتكشخ لي
و زوجتي اللي فضلتها عليها هادتني وقاعده عند أهلها و تعاندني

الريال اخذيه بالمسايس مو بالعناد والأوامر
في وحده تقول حق ريلها يا تحطني بشقه بروحي يا تقول حق اختك ما ادخل طليقتك البيت!!!!
هذ كلام وحده فاهمه وعاقله؟؟ :23_asmilies-com:

تبين تطلعين بشقه بروحج دوريلج عذر ثاني و حاولي تقنعينه بهداوه ودله
مو كل ساعه تييبين طاري طليقته وتقثينه

اهوا مطلقها و متزوجج عشان اكيد يبي يرتاح
لا تلوعين جبده زياده

ديري بالج ترى عادي يرجع لها

خلج خووووش وحده و ردي بيتج
باجر الصبح من 9 روحي الصالون ورتبي حالج
ولبسي وتمكيجي :sfg:
وروحي شقتج
لايرجع زوجج من صلاة الجمعه ومايلقاج بالبيت
رتبي الشقه وبخريها وسنعيها
وتأسفي منه
وخلج انتي الزينه
و قوليله اشتقتلك وانا الغيره عمت عيوني
بس خلاص مابي أغقثك بعد مره ثانيه
وانا مالي شغل لا بأختك ولا طليقتك
انت لو تبيها جان ما طلقتها وخذيتني (خلج واثقه من نفسج جدامه)
وانتي عاد دبريلج حجه ثانيه وطلعي من بيت حمولتج أحسن
لا تصيرين عاد متسرعه

عيل وين كيد النساه؟؟؟؟؟؟

اي والله وين كيد النساا

وكلامها صح

ما أنصحج نطلعين بشقة بروحج
لأن حتى لو طلعتي بتستمر تعزمها و يفضالم الجو
و أكيد زوجج يزور أهله أحيانا من غيرج ولا يطل عليهم بدونج


و إنتي وياهم صج حررره قلب
بس عينج عليهم .. لكن إذا طلعتي ما تدرين شقاعد يصير

وياها بعد :tek:

 

[لوازم العائلة]

انتي الحين بيني لحماتج وحتى زوجج نقطة ضعغفج واهيه ماراح تقصر راح تستغلها
البنات كفو ووفوا بالرود
والحين المطلوب منج تسمعينا الاخبار الحلوه
صج بغيت اسال اهيه عندها عيال منه؟

 

[meen_ana]

حبووبه مفروض ماتعتربين لها اهتمام ولا تفحين عين ريلج عليها مثل ماقلتي منجب ماتستحي

 

[صمت المرافئ]

رد : منجب ماتستحي ...

شوفي يا حياتي
أولا ما ألومج صج شي يحر
انت تسرعتي وصعدت الموقف مع زوجج
واهو بدل ما يهدي الوضع زاد الطين بله
والشرهه مو على حماتج لا... على الخاله
اللي ما حشمت مرت ولدها
المفروض انها ما تتكلم ... ويعدي الموضوع على خير
ذيج الساعه بتعرفين الموضوع من زوجج
والمفروض انه يعلمج انها طليقته
ويبين لج إن اللي سوته اخته عيب وما يوافق عليه
بجذي ما راح تحترين
بس خالتج واسمحيلي ما تحبج وخبيثه نفس ( استغفر الله )
دليل انها رضت بالحركه
وانها قالتلج
وانها للحين ما دقت عليج ولا سوت شي
معقول اسبوع عند اهلج وما يا منها خبر
ولا هدت الوضع ولا نصحت ريلج يردج ؟؟؟
نصيحة الحين لا تردين
راح يصعدون الموقف ودايما راح يعزمونها
وانتي ما راح تتحملين
وراح ينفجر الموقف مره ثانيه
شوفي حبيبتي فهمي أمج وابوج الموضوع
ما دام ريلج ما اتصل
خلي أبوج يتصل عليه
ويعاتبه باسلوب حلو ومحترم انه ما يرضى لبنته
يصير لها جذي ويقول له : يكفي انك تطلقت مره
لا تخلي أحد يسبب في طلاقك مرة ثانيه
وياخذ منه وعد إن طليقته ما تدخل البيت حشمه لج
والا يطلعج في شقة وترتاحون
الله يعينج ويردكم لبعض
ويسعدكم وطمنينا عليج حبوبه

​

 

[قلبي شمري..~]

رد : منجب ماتستحي ...

الله يعينجـ على هالاشكالـ.,

 

[هامورة]

رد : منجب ماتستحي ...

يااااحظي من صجج هاده بيتج ! اهما هذا اللي يبونه زعل ومشاكل بينكم ليمن يفتك منج ويرد هذيج شفييييييييييييييييييج اصحي بطيتي جبدي خليها تمرهم كل يوم انشالله كل دقيقة مردها بتمل او تتزوج من صجج معوره راس الريال علشانها اذا اهوا متيم فيها من الاساس ماطلقهااااااااااااااا وخذاج

وخالتج وحمواتج مايستحون اسمحيلي بس مانقدر نغيرهم ... عليج ببيتج وريلج وبس لا تتحلطمين عنده سكتتتتتي كشخي ولبسي وتدلعي على ريلج وحبيه ودايما خليه يبيج ويحس انه عقلج كبييييير

وبالعكس نزلي وقعدي مع حمولتج وحري اللي ماتبيج بسنعج وذوقج

 

[!الجادل الصعب!]

رد : منجب ماتستحي ...

صح السالفه تقهر .. بس حيل كبرتيها بردة فعلج .. وكل مانغثيتي منها وجبتي طآريها بتم في باله .. ويمكن تخلى بعينه مره ثآنيه ..

 

[كرزة ضايعه]

ريلج خبرج انه انتي ماليه عنه واهوا يبيج انتي ليش تسوين هالحركات وتزعلينه منج خلج واثقه بعمرج وبريلج انا اقول تاسفي من ريلج واهوا ما له ذنب انه اخته تيبه كلمي اخته وقولي لها هالشي يضايقني وهي بكيفها تصرف بالذوق الي يعجبها وخلاص

 

[one two 3]

وييع صج ما تستحي علا ويها

 

[dectora 7elwa]

وانتي شفيج قاعده عند أهلج أسبوع وخليه الريال بروحه!!!!!!!!!!!!!!!!!!!
اهوا ما غلط عليج ولا زعلج
ليش تخلينه وتروحين؟؟؟

انا اقول ردي بيتج وبلا سوالف يهال

هذا بيتهم واخته تستقبل اللي تبيه

وطليقته أكيد محتره و ودها ترجع له
لاتعطينها فرصه وتخلينه

الحين يقعد يقارن بينج وبينها ويقول طليقتي تبيني وقاعده تيني البيت وتكشخ لي
و زوجتي اللي فضلتها عليها هادتني وقاعده عند أهلها و تعاندني

الريال اخذيه بالمسايس مو بالعناد والأوامر
في وحده تقول حق ريلها يا تحطني بشقه بروحي يا تقول حق اختك ما ادخل طليقتك البيت!!!!
هذ كلام وحده فاهمه وعاقله؟؟ :23_asmilies-com:

تبين تطلعين بشقه بروحج دوريلج عذر ثاني و حاولي تقنعينه بهداوه ودله
مو كل ساعه تييبين طاري طليقته وتقثينه

اهوا مطلقها و متزوجج عشان اكيد يبي يرتاح
لا تلوعين جبده زياده

ديري بالج ترى عادي يرجع لها

خلج خووووش وحده و ردي بيتج
باجر الصبح من 9 روحي الصالون ورتبي حالج
ولبسي وتمكيجي :sfg:
وروحي شقتج
لايرجع زوجج من صلاة الجمعه ومايلقاج بالبيت
رتبي الشقه وبخريها وسنعيها
وتأسفي منه
وخلج انتي الزينه
و قوليله اشتقتلك وانا الغيره عمت عيوني
بس خلاص مابي أغقثك بعد مره ثانيه
وانا مالي شغل لا بأختك ولا طليقتك
انت لو تبيها جان ما طلقتها وخذيتني (خلج واثقه من نفسج جدامه)
وانتي عاد دبريلج حجه ثانيه وطلعي من بيت حمولتج أحسن
لا تصيرين عاد متسرعه

عيل وين كيد النساه؟؟؟؟؟؟

تبين احسن من هالكلام
حققتيلهم اللي يبونه
ردي بيتج وحريهم بدال لا تونسينهم وعقلي

 

[جوري الكويت]

رد : منجب ماتستحي ...

عادي حبيبتي محترين

اللهم لا شماته

وحده عانس و وحده مطلقه

و ما يستحون .. مجابلين بعض لا شغله ولا عمله

 

[غير كل الناس]

صراحه احتريت وارتفع ضغطي واحس اني بموووت

مادري شقو:lkmnkl:ل

 

[قطوووة]

انتي من صجج

لهالدرجة ماعندج ثقة بنفسج ؟؟؟؟؟؟؟؟

الريال لايعه جبده ممنهااااااااااااا

ولو يبيها لو فرضنا 1% انه يفكر يردها ....... مااظن بيردها لا شافها قاطه نفسها عليه قط وكل يوم رازه الفيس

 

[ام متلق]

رد : منجب ماتستحي ...

انتي بتصرفاتج قاعده تلفتين نظر زوجج لها ويمكن يفكر يردها بسبت سيرتها الي فاتحتها معاه عالفاضي والمليان الرجال يحب الي واثقه من نفسها ومايهمها احد انتي بتخربين بيتج بيدج

 

[manhattan girl]

لا يا قلبي انتي مو غلطانه هذا من حقج و زود و حماتج لا تسكتين عنها و مني لج نصيحه انتي اكيد عارفه اسباب ظدطلاق زوجج لها ديري بالج لا تسوينها معاه لان شكلها كانت متعبته عالاخر فديري بالج حبيبتي انج تسووين اخطائها

 

[وآحشنــي زمآنـك]

رد : منجب ماتستحي ...


حركـه حمآتج فيهاا حقـآره وهذيج منجب ..


ليش تخسرين زوجج وتحققين اللي يبوونه ..


شيليهم من بآلج وزوجج كلآمه مقنع تراا ماا يقدر يقوول لأخته لاا تدخلينهااا مآله سلطه عليهااا ..


وتراا كثر التغلي يلوووع الجبد ..

 

[اميره1980]

شوفي حركه حماتج حقيره وايد و واضح تبي تستفزج ليش تخلينها تستانس وتسوي اللي تبيه؟؟ بطلعتج من البيت الحين اهيا مستانسه سوت اللي براسها والله اعلم شنو براسها بعد

ريلج يمكن معاه حق البيت مو بيته و اخته تقدر تعزم اللي تبي مدام امها وابوها راضين

و اهوا اول ماشاف طليقته طلع على طول ما طقها سوالف

خلاص تحملي بعد لما الله يفرجها

تقولين خواته الباجي زينين وياج كلميهم قوليلهم يكلمون اختهم قوليلهم ما ارتاح انا جذي وانا عندكم بالبيت خل تحترمني شوي

انزين شي ثاني انتو ما عندكم مدخل بروحكم لازم يمرون عليهم بالدشه والطلعه؟؟ اذا تقدرون تسوون لكم مدخل حقكم بترتاحون من عوار الراس

نفس الراي بالضبط

 

[أميرة القصر]

رد : منجب ماتستحي ...

السلام عليكم

الواحد لو يحسن الظن باللي حوالينه جان مافي مشاكل بالدنيا .. ومن وجهة نظري بموضوعج مافي مشكلة وان كانت موجوده فإنتي اللي سويتيها .. <<<< أتمنى اتقبلين كلامي برحابة صدر وسعة بال لأني ماتكلمت إلا بنيتي إني أنصحج لوجه الله سبحانه ...

1- انتي ساكنه عند حمولتج وهذا بيتهم من حقهم يعزمون اللي يبون ويطردون اللي يبون وإذا ماعجبوج الناس اللي زايرينهم لا تنزلين عندهم .

2- المره طليقة زوجج وزوجج عايفها وبنفس الوقت رفيجة حماتج مومعقوله حماتج بتهد صديقتها عشان مشكله صارت بين أخوها وصديقتها اللي كانت زوجته بالسابق !!!! ونقطه ثانيه ياما وياما سمعت عن مطلقات وعلاقتهم مع حمولتهم السابقه من أحسن مايكون ويوجبونهم في مناسباتهم ويزورونهم ويسألون عنهم هل معناته انه ما يستحون على ويهم !! .. بالعكس المشكله بينها وبين طليقها ليش تسيء حق أهله إذا أهم مالهم شغل !!!!

3- ماكان له داعي تشكين حق ريلج وتزعلين منه لأن اهو ماله ذنب ..

4- انتي قلتي انج كنتي بتطلعين ودخلتي سلمتي على خالتج وعلى طليقة زوجج وقلتي انج بتروحين اتعشين مع زوجج عشان تحرينها .. لو كنت أحسنتي نيتج ما كان صار اللي صار وخليتي الشيطان يدخل بينكم وبين زوجج !!!

برايي تحكمين عقلج وتحسنين النية باللي حواليج قبل لا يفوت الفوت وتغير نظرتهم لج خلج بعيونهم أحسن مره خذوها حق ولدهم وهم أكيد ما كان قصدهم يقثونج وسووا جذيه بحسن نيه ..

واستسمحي من زوجج وردي بيتج وإذا عاتبج وخذى بخاطره معاه حق لأن انتي اللي خليتيه ورحتى واهو ماله ذنب ...

وتقبلي مروري