منحة الألف ..تجنبا لاحداث تونس ومصر!!!معقولة؟؟

[ذكرى الفراق]

السلام عليكم ورحمة الله وبركاته



شلونكم خواتي وشخباركم ؟؟...بصراحه كلام كثير طلع عقب منحة الألف سواء داخل المنتدى ..وبره المنتدى...شلي قاعد اسمعه ...؟؟؟

منحة الألف ..سببها الخوف من احداث تونس ومصر ..انها تتكرر بالكويت ....؟؟ معقووولة ...
يعني احنا عشان الف ...؟ نشتت الامان اللي الكل حاسدنا عليه عشان الف دينار ؟؟

حتى لو الكلمة تنقال بغشمرة ...موالمفروض ...تطلع من اي شخص يحب الكويت اللي ماتتقدر بأي ثمن ؟

صحيح انه العيشه صعبة مومثل اول ومن ابسط حقوقنا انا نتمتع بخير ديرتنا ..بس هذي امور تخص الدولة وراعيها الله يطول بعمره ...وله بعد نظر اكثر من اي شخص ثاني فيهااا...

كلي رجاء لكل شخص يحب الكويت مايسيء لديرته ولاهل ديرته لوبضحك...​

 

[الرشوف]

شكـــــــــــــــــو


شكــــــــــــــــو



الحافظ الله ياكويت

 

[joudi]

رد : منحة الألف ..تجنبا لاحداث تونس ومصر!!!معقولة؟؟

استغفر الله

هذيل ناس يبون يسببون فتنه عندنا

الله يديم الامن والامان انشاءالله
والله يحفظلنا كويتنا من كل مكروه انشاءالله

 

[(أم نونو)]

رد : منحة الألف ..تجنبا لاحداث تونس ومصر!!!معقولة؟؟

مشكرة يعطيج العافيه واظم صوتي لج

 

[غلا الهيلا]

رد : منحة الألف ..تجنبا لاحداث تونس ومصر!!!معقولة؟؟



آستغفر آلله
هـ آلنآس مدري شلون يفكرووون

شكو حنآ بتونس

حنآ بلدنآ لآفيه قمع ولآنهب
آلحمدلله بلد ديمقرآطي عآيشين فيه ملووووك
وآ لكل حآسدنآ
تعليم ، مشتفيآت ، سكن ...... إلخ بلآش غير آلخدمآت آلثآنيه
ونحمد ربنآ آنآ كويتين وآل صبآح حكآمنآآ
ورآضين فيهم ومآنبي غيرهم

تونس ومصر غير مآيبون آلبطآنه آلفآسده من حكآم ومسوولين ذىبحهم آلفقر وآلجوع و آلقمع
وسآلفه آلمنحه شي مو غريب علينآ هذي من عوآيد شيوخنآ طول آلله بعمآرهم

ولحد يجي يقول بيسكتونآ ب آلآلف

 

[مـــامى]

ما فيه اصلا مجال للمقارنه بينا وبينهم !!!!!!!
الحمد لله الله يحفظ لنا ديرتنا ويحميها من كل شر آآآآآآآمين

 

[أم الشيخ 2010]

رد : منحة الألف ..تجنبا لاحداث تونس ومصر!!!معقولة؟؟

لا ..مو تجنبا للأحداث..
..
بدليل أن أخبار المنحة من غير تحديد نوعها.. كانت تتداول قبل شهر من اقرارها وقبل الأحداث اللي صارت بمصر وتونس..

من شهر تقريبا طلعت تصريحات بمناسبة ال50 سنة للاستقلال..

.....

حفظ الله الكويت من كل حاسد وحقود

 

[امـ جوجو]

لا شكو وهذيل ناس غرضهم الفتنه

والفتنة اشد من القتل

 

[جــوريــه]

رد : منحة الألف ..تجنبا لاحداث تونس ومصر!!!معقولة؟؟

شكوو هذا كلام فااضي يااالله من فضلك احنااا بخير ونعمه ومافي مقاااارنه اصلا من عمرنا واحنا شايفين خير وعايشبن باماااان بظل ال صبااااااااااااح الله يحفظهم ويحفظ ديرتناا
مصر وتونس الله يعينم ويفرج عنهم يعاانون من ظلم وفقر وبطااااله
انا باليوم احمد ربي مليووون مره اني كويتيه وعاايشه بالكويت
؟؟؟؟؟؟؟؟؟؟

 

[lolayasmeen]

يا حياتي مافي وجهه مقارنه بالنسبه للدول هذ مثل مصر وسوريا
وتونس واليمن وغيرهم الشعوب من الفقر اللي فيها يجيب معاه الفساد والكفر
وغيره من سلبيات ومن حق الشعوب انها تنتفض الحرامي عايش بنعيم
والفقير مو لاقي يعيش

 

[Grass]

رد : منحة الألف ..تجنبا لاحداث تونس ومصر!!!معقولة؟؟

شكوووووووووووو!!!!

وحتى المعارضه بالكويت ... معارضه ضد الحكوومه ... موضد الاسرره الحاااااااكمه

الله يعز آآآآل الصباح ويدييمهم فوووق راسنااااا

 

[Perfect J]

منحة الألف طالعة قبل اللي قاعد يصير بمصر
ومحد توقع اللي حصل بمصر

هذي اشاعة وكلام يتناقلوه أصحاب النفوس الضعيفة
ويبون يشعلون الفتنة

 

[دلوعة حسّون]

الله خير حافظ وهو ارحم الراحمين

رأئيي الشخصي عندي

ولكن السياسه والدبلوماسيه لها اسرار وتكتيكات تتجاوز ردودنا المتواضعه

كل البلاد الاسلامية والعربية في ازمة "صبر جميل والله المستعان"

الله يحفظ ديرتنا وكل بلاد المسلمين​

 

[منوووووله]

لاشكوو

احنا بخير ونعمه الحمدالله وال صباح كل مده يعطونا الهدايا مويديده عليهم ..

 

[سارا ديور]

رد : منحة الألف ..تجنبا لاحداث تونس ومصر!!!معقولة؟؟

احنا الحمدلله راضيين بحكومتنا ونكن لهم كل الولاء والطاعه من غير المنحه
ولا يقارنون حكوماتهم بشيوخنا

 

[sweet cake]

المعارضه اللي بالكويت مو على أل صباح..
على الحكومه نفسها

 

[q8y-moon]

حجي فااااضي ماكو مقااارنه

 

[هدوء العالم]

رد : منحة الألف ..تجنبا لاحداث تونس ومصر!!!معقولة؟؟

بالأول الحمدالله أحنا شعب مسالم ويحب وطنه وحاكمه

وهذي مو أول منحة ولا أخر منحة وأحنا شدخلنا بهالأحداث تونس ومصر

أصلا كل الكويت من شهر 11 وهي تقول فيه منحة للكويتيين وقبل سنة قالوا منحة لكل رب أسره عشر ألاف دينار

وهذول ما يقوولون إلا من الحقد ويبونا ما نستاااانس

والحمدالله حاكمنا الله يطول بعمره ويخليله لنا الشيخ صباح حفظه الله ورعاه بدل ما يضيع فلوسنا في المظاهر بالإحتفالات عطانا الفلوس

والحمدالله الكويت مو خايفة من الشعب لأنه متوفر له كل شئ

الخوف بس من 10 نواب ومعاااااوينيهم

هم إلي شوهوا صورة الكويت حسبي الله ونعم الوكيل

يارب أخر مرة يدخلون مجلس الأمة

 

[Hello_kitty]

محد طلع هالكلام الا اللي طلعت عيونهم حسد وحقد بالكوووويت واهلها ميتين قهر موحاصلهم شي قاموا يألفون:krkrkr:

اولا هذا شي مويديد على شيوخنا الحمدلله والشكر لك يارب متعودين على الهدايا والمنح ما عمرهم قصروا معانا

ثانيا لو شعوب العالم كلها تسوي انقلاب ومظاهرات ضد حكومتها الشعب الكويتي عمره ما يحب ولا يفكر بغير ال صباح

اذا احنا بالغزو ناس راحت ارواحها ولا رضت تغير صوره الأمير او تفتن عن شيخ من أبناء الأسره ..مالقوا كويتي واحد

يتعاون مع العراقيين ضد حكومه الصباح ضربنا اروع مثل باقسى محنه بحبنا الكبير لهم

منو في احسن منهم اووين بنلاقي مثلهم؟؟شنوقاصرنا اصلا؟؟ نعمه وخير وحريه وامن وعز ودلال ماكودوله تعطي

نص اللي تعطينا الكويت ..شيوخنا حتى بالغزو والديره رايحه كانوا يمشون راتب شهري حق كل كويتي داخل وخارج الكويت

ومؤؤنه شهريه وتذاكرمجانيه ووين صارت..؟؟حتى بالغزوعشنا بخير ونعمه وشايلين هم كل كويتي

الناس تحسدنا على شيوخنا كافي لي سافرنا برا وقلنا من الكويت شوفوا نظره ومعامله الناس لنا نفتخر ان احنا من الكويت

والله لوبنكتب ماراح نخلص من افضال ديرتنا وحكومتنا وعسى الله لا يغير علينا يااااااااارب

 

[G!RLooNa]

يخسوووون هذا كلام العذال و الله يحفظنا و يحفظ ديرتنا و شعبها و حكومتها