منحه ماليه للزواج من زوجه ثانيه ...!!!!

[رونـق]

شالخبر بهالشهر الفضيل

عاد الرياييل ما يصدقون يتطبق هالقرار

قرار يحل مشكلة العنوسة و يزيد مشاكل خراب البيوت

الله يحمي زواجنا و بيوتنا من هالقرار

 

[رونـق]

مكرر

 

[وصيّه جــــابر]

رد : منحه ماليه للزواج من زوجه ثانيه ...!!!!

يعني اذا واحد من سمع الخبر وتقرر بيتزوج عشان عيون الكويتية يبه ميت ع المنحة .. حرام عليكم ترضون الرياجيل
وتحرقون قلوب الحريم

 

[nandeny]

لا تعليق لان بطني قام يعورني

 

[Freakya]

الشرع حلل اربع بعد الله حلله مافي احد يقدر يعارض

صح و الكل يدري ..

لكن الزواج بأكثر من زوجة حالة استثنائية مو قاعدة ..

 

[.. رفيع الشآن ..]

رد : منحه ماليه للزواج من زوجه ثانيه ...!!!!

بالجات عالتلفزيون شباب ينطرون رمضان يخلص بس

 

[Q8NV]

مسكين دويسان يبي يسوي شي يقترح خو الاقتراح ابلاش مو بفلوس يما اطلعت اقتراحات و اخرتها اقعدت بالدرج اخر شي اسمه انه اقترح
و بعدين الاخ دويسان اشلون رب البيت بتحمل بيتين بس شاطر تحرك مشاعر الناس هذا ويهي اذا صوتت لك مره بشوف اشلون تذل روحك بالانتخابات معروف دويسان خالف تعرف مسكين يبي شي يبرزه الشوي الحجي ابلاش مو بفلوس خلووه مسكين خل يقرون صندوق المتعثرين مو اي عضو يقترح قالوله ان شاءالله و بصير اقتراح و يما سمعنا اقتراحات

 

[رووز q8]

هذا الي يبونه !!

لا ان شالله ما يوافقون على هالاقتراح الدايخ

اذا صج يبون يقللون العنوسه يخلون الكويتين ماياخذون الا كويتيات , ويعه بس

 

[أورااااااد]

الله يستر ههههه

ما تلاحظون الخبر هذا متزامن ومناسب لاحداث حلقة زوارة خميس شكلهم طابخينها

ولا الدويسان يازت له الامور ويبي يطبقه على الناس


عش رجبا ترى عجبا هههه

 

[Cander]

بناااات

على هونكم شفيكم

الشرع حلل اربع والله سبحانة حلل للريال مثنى وثلاث ورباع

شكو تقولون قرار منحة الزوجة الثانية غبي !!

الحمد لله والشكر

 

[ماما نونا]

امبيه من صجه الدويسان!!! , بليز لا ينجح مره ثانيه اشهالاقتراح العجييييييييييب يعني بينفع بنات الديره ويقلل من العنوسه؟؟

ألحيييييييييييين بدال لا يضبطون السكن اللي الواحد يقعد دهر ينطر وتلوع جبده وبدال لا يقترح انه اللي ياخذ مو كويتيه وتحديدا غير خليجيه ما تتجنس عليه بس عياله وخل يزيدون الزوجيه أو يوحدون المهر أو يسووون زواج جماعي أو أو أو ..

يعني في اكثر من طريقه للتقليل من العنوسه أما منحه للزوجه الثانيه بعد ولا يعني بيكحلها يقول كويتيه لووووووووووووووول
لا يبه مانبي واحنا ضد هالاقتراح اللي ما وراه غير خراب البيوت

 

[الغاليه نونو]

والله اذا الريال له نية يعرس علي مرته ماترده البيزات حتي لو ياخذها اقساط عالتسهيلات مايقول لاء


بس اذا هذا راي الحكوومه عيل انا اقترح انهم يسووون مدينه فاضيه ويحطون فيها خوش بيوت وخدمااااات من جميع شي لان كل الحريم بيتطلقون وينحاشون من غثا الشريجه واذا الشايب فكر يعرس علي مع اني استبعد هالشي بس مادري الشيطان شاطر ههههههههههههههههههههههههههههههه انا اقول ان سواهااااااااااا وسولت له نفسه بالزواج ماقعد له ولا دقيقه لانه بهالحاله يكون مبيت النيه من زمان وناوي وخاش علي وماقال لي لانه مفلس ويوم سمع خبر الحكومه قال بيعرس خنت حيلي وينه وين الزواج من يت له الامراض واهو يمشي ويتشهد علي عمره ياعل ربي يشفيه ويعافيه ويخليه لي فديت قلبه

 

[ماما نونا]

بناااات

على هونكم شفيكم

الشرع حلل اربع والله سبحانة حلل للريال مثنى وثلاث ورباع

شكو تقولون قرار منحة الزوجة الثانية غبي !!

الحمد لله والشكر

حبيبتي الشرع حلله مو لأي أحد في شرووووط والاغلبيه ما يقدرون عليها ولا يعدلون , وفي ناس تركض ورا الفلوس بياخذ هالمنحه جم شهر ويطلق ولا الاولى بتطلب الطلاق , إذ المنحه اللي الحين للأولى والكويتيه في ناس تلعب عليها
من صجج انتي

 

[مخروووشة]

الله يستر ههههه

 

[Q8NV]

اي الدين حلل بس بشروط مو كل هب ودب خذا اربعه و ثلاثه شنو مو غنم لازم يعدل بكل شي
الله سبحانه لما حلل للانسان الزواج مو للشهوه والا حق الوناسه لا في شروط لازم تصير والا ما يتزوج يظل على وحده
حتى رب العالمين قال اذا ما تقدرون تعدلون فواحده مو كل وحده طبيت قالت الدين حلل و خلاص اي الدين حلل بس بشروط
يعني مثل ما يلبس و يوكل و يسكن و كل الاشياء الظاهريه يعدل فيها بين الحريم يعني اذا شره سياره يشتري 2 او 3 حق حريمه هذا العدل ما يشتري حق وحده شي غالي و ثانيه بوطقه يعني شي صعب مو هين اعرف وحده سوريه ريلها ماخذ عليها كويتيه السوريه قاطها كاره حتى اعيالها و لكويتيه مدليلها و قاعد عندها و يشيل ويحط
انزين وين العدل ما اظن في ريال يقدر يعد لانه الدنيا نار كلمن يشكي الحال من له خلق يربي درزن يهال و يصرف عليهم
هذي حقيقه مره الي يتزوج و يكود يهال بس واهو قاعد هارون الرشيد بس يصرف و قاعد وين اعياله بسكه شنو يلحق عليه الي قادر يتزوج يعدل ويربي اعياله الله حلله اربع صح الي ما يقدر يظل على وحده احسن ما يتعذب باخرته

 

[البخت ضايع]

ماما نونا و q8nv .... الله ينور عليكم هذا اللي كنت بقوله ... مشكله اذا الواحد جهل بالدين ... يعني خل يعرفون شروط التعدد ذيك الساعه يقولون الشرع حلل اربع ...!!!!

 

[Q8NV]

مو في ناس ما تعرف الدين الا حزه الي يعجبها مثل الريال تلقينه لا صلاه لا صيام و يقول الله حلل اربع انت شوف الدين وشرع وشنو حكمه رب العالمين منها بس شنو انقول
انا ادري دويسان صارله فتره ماطلع فقال خل اقترح و ناس تسولف فيني و جرايد تكتب لوووووووووووووووول مسكين
وصج كلام الغاليه نونا اشدعوه ينطر مقترح الدويسان الريال والا هل حم دينار اذا بيتزوج ما ينطر احد
انا اقول اذا تزوج وين بقعدها احنا بيت ويالله يطلع بعد 15 سنه علشان نسككن فيه وين ببسكن و الحكومه تعطي بس حق 7 يهال يعني شنو بيصرف لوووووووووووووووول والله دويسان انا اقول في اشياء اهم انا اقول وظف هالجامعيين عدلوا مدارسنا عطونا بيوت امبجر الناس تصعد لي فوق واحنا بنازل حمدالله على كل حال

 

[سلايل*عبس]

اي قريته !!

ليش هي سيبه مافي حريم بالديره والا شنو @@

عندنا عناصر نسائية بالمجلس والاقتراح فاشل فاشل فاشل

 

[sweet dashttya]

رد : منحه ماليه للزواج من زوجه ثانيه ...!!!!

الحمد الله والشكر

صح كلام اختي
dr.nouf
الحين مشكلة العنوسة بتنحل اذا كل واحد تزوج ثنتين وثلاث واربع ؟!!


عيل بتزيد مشكلة الطلاق



شهالتفكير الغبي !

وانا عن نفسي ما ارضى اكون الثانيه مابي شريجه سيده بطلب الطلاق الله لا يحطني بالموقف ولا يحط احد بهالموقف

حسبي الله ونعم الوكيل والله قههههههههههههههههههههر

 

[الرمانه الفضيه]

رد : منحه ماليه للزواج من زوجه ثانيه ...!!!!

يعني الرجل الكويتي يونسونه بمنحه وزوجه ثانيه والعانس تتزوج ..... زين واحنا ما فكروا فينا ... ولا عادي احنا ننقث وهم يستانسون
اذا صج هالقرار نطلب طلاق جماعي ..... يعني حلوا مشكلة العنوسة ... وزادوا مشكلة الطلاق ... ولا شرايكم ؟