منزل جديد

[كبـــريـــاء]

مـــــــــــــــــــرحـــــــــــــبا




عيدكم مبارك


شلونكم انشالله بخير



بنات انا محتارة بشغلة وانشالله تساعدوني رفيجتي بالدوام سكنت ببيت جديد هي الحين باجازة وبعد اسبوع بداوم يعني لازم اهديها هدية حق نزلتها للبيت الجديد بس مادري شنهي الهدية المناسبة ؟
قلت اسالكم وشوف يالله ابي افكاركم الحلوة شقلتو؟ بتساعدوني

 

[الولو]

لمه انزلت ارفيجتي بالدوام بيت يديد تحاططنا انا و ثنتين من البنات و شرينا طقم اسكانات و فناجين مع الغندون ب ٧٣ دينار كان توه نازل الملون مع الشوارفسكي خذنا من الافنيوز المحل الي صوب ايكيا الي ديكوره مغربي ..... الفياصل حلو
او تقدرين تشترين مناظر من سنتر بوينت او تحف
صينيه البخور مع عدتها من الشايع

 

[عيش و مرق]

اكو اطقم تنباع بمجمع بيروت يصير فيها استكانات وفناييل قهوه وسكريه وجلاصات ودولكه ماى

 

[غير كل الناس]

الفلوس احسن

 

[ابلة رسم كتكوته]

اذا ميزانيتج 50 وفوق عطيها الفلوس احسن
اما اذا اقل
اخذي لها قميص نوم ولا دراعه بيت كشخه
او صينيه مبخر وتوابعه
طقم استكانات
بربيل مال الككاو عندهم اطقم استكانات حلوه ويصف فيها ككاو هم الفكره حلوه

 

[sweet lady]

اذا الميزانيه 50 وفوق اهيا اوله بالفلووس يمكن محتاجتهم اما اذا اقل ممكن كفر يديد لغرفتها

 

[المستغفرة 74]

انا جربت توني ساكنة بيتي وكانت احلى الهدايا الي فرحت فيها حييييل طقم مطارات شاي وقهوة مع استكاينهم.
واذا تبين مكان يبيع مطاطير حلوة وكشخة حيييل واسعارهم مناسبة جدا روحي سوق قصر السلطان الي بالفحيحيل.لاني توني شارية منهم طقم خيال وسعرة 48 بس .لاني فريت كل الاماكن وانصدمت من الاسعار النار.ملاحظة سوق قصر السلطان كل بضاعتة من الخفجي والحفر.

 

[كبـــريـــاء]

مشكورين عالردود

بنات ابي افكار جديده غير المطاطير والسكاين لان عندها هدايا من هالنوع

ابي شغلات ثانية

انا ميزانيتي بحدود الخمسين

 

[om ali 2009]

احسن شئ تعطينها فلوس

 

[الفراشة_البيضاء]

مثل ما قالوا خواتي الفلوس احسن
او مواعين
او صينيه مبخر من امل الكويت احلى شي الصراحه او صندوق مبيت فيه مبخر ودهن عود وما ادري شنو
منظر فخم
بس وسلامتج

 

[*أبلة*]

والله انا مع الخوات اللي قالوا الفلوس احسن

 

[لحظة لقاء]

والله حتى انا اقول فلوس احسن لها لانه الواحد لما يسكن يكون متنتف حده ,,

 

[no_need]

اللي في بالي الحين:
1) بخور و دهن عود مع مبخر
2) ماعون كشخة و حطي فيه ككاو
3) طقم استكانات و كلاسات و فناجين
4)طقم اكواب القهوه يكون فاخر
5)براويز للصور
6) اي قطعة كشخة تصلح تنحط بالاستقبال

بالنسبة لي ما احب اعطيها فلوس... الهدية احلى وايد

 

[@ الرسامة @]

عطيها فلوس

حطي الخمسين بعلبة حلوة وزينيها مع جيس كشخة نفس لون العلبة
مع كرت حلة بعبارة مناسبة واسمج


لاتشترين لها شي اهي محتاجة فلوس مو اطقم

 

[مشتاقة لأمي]

لمن سكنت بيتي كانت من احلى الهدايا اللي اعجبوني:

طقم قدور ستيل غطاتهم شفاف يجي 8 قطع .

طقم قدور الي يجي داخلها ابيض ومن برى مورد كان روعه استفدت لو بودي حق احد فخم وكان 6 قطع.

حافظات فخمه منقوشه وشكلها غريب مو متوفرة بالاسواق تقول جايبتهم لي من مكه.

طقم صواني فرن للتقديم (4قطع)+مع ماعون الشوربة مع صحونه + صحون تقديم 4 قطع بقياسات مختلفة ريحني في البوفيهات الصغيره ، يجي كل قطعه بروح وسوت لي طقم حلو كل من يسال عنه.

طقم سفرة حلو بس خليته للبيت لان من كل شي 4 قطع .<<< لو بتودين اخذي الكبير اللي من كل شي 8 او 12 قطعه.

واعرف وحده خيرت اختي قالت بشتري لك براده او ميكرويف او سيت البيت شنو منهم موعندك ؟ طبعاً تمون وتقول مو حلو اجيب لها شي متوفر عندها او ماتبيه.

 

[العنود2]

والله اذا سخان ممتاز تستفيد منه وايد تلقينه عند الغاتم او براده صغيره للماي00حق الدور الي فوق00اذا بيتها دورين 00احسن من انج تعطينها الفلوس 00ما يبين لكن هديتج كل ما شلفتها دعت لج-

 

[الدنيا ما تسوى]

روحي فحيحيل في محل اسمة قصر السلطان و محل اسمة الشاهبندر راح تلقين عندهم اشياء وايد حلوة مثل مطارات او طقم استكانات
تقبيل مروري