منـو سـوا لج شعرج بإستقبال المستشفى ؟

[FUSHIA-GIRL]

حبي اول يوم مافيج حيل كلش انا تسبحت اول يوم وكانت غلطتي بس بصراحه كنت كارهه نفسي
المهم انا اتصلت على وحده يت سوت شعري حق الاستقبال
وترا السلام عندهم صالون ..واذا كنتى حاجزه دسمان جنه الصالون فري ..

 

[مشتطـه]

مشكورررررررررين بنااااااات

شسوي ياربي الناس ملقف شكو إيوون من اول يوم ويع رزة ويه
نطرو المسج أي يوم الاستقبال !!!

 

[ryoonah]

ما احتجت صالون الحمدالله حطيت تاج ناعم وبس

 

[أحساس نفسي]

الله يسهل عليكم

 

[PinkLulu]

ما سويت شي بشعري...بس ربطته.

وعقب الولادة...ظليت يومين كل ما أقوم من الفراش يصير فيني هبوط

حتى الحمام وانتوا بكرامة لازم الممرضة تدش معاي عشان ما أطيح​

 

[غلا 200]

الله يعين تعبااااانة شلوون لججج خلق غريبة اول مرة اعررف اني توها والدة تيب صالوووون ماادري احسسس كلسشش ماله داعي انتي بهالفترة لازم ترتاحين لبسي شيلة تكوون طقمم مع دراعتج اكوو دراعة للنفاس مع شيلتهاااا وبعدد مو زيممم لما تولدين ماتلبسين شيلة يعني امي كله تهاوشني عشااان مايدشج هوا لازم عشاان راسججج لايحوشه هوااا اهتمي بنفسججج لاتفكرين باحددد ماتوصل انج تيبين صالون عاااد

 

[om MaRyooM]

انا ربطت شعري بشباصة

الوحدة وين لها خلق سشوار استغفرالله

احس ماله داعي وهذا رايي

 

[عمرها السعودية]

الله يعينك فديتك بس خذي استشوارك ولا السيراميكة معك

وحاولي قد ماتقدرين تكونين مرتبة لا تعتمدين على حد وخذي

لك تاج نعوم فية فيونكة نعومة على جنب ولبسية وحطي غرة

خفيفة عشان تكونين كيوووووت .. والله يقومك بالسلامة

 

[شـيـوخـهـ]

بنات عقب الولاده لازم الوحده تغسل ولو انها تدوخ بس لازم تغسل عقب
العرق والدم مكرمين عشان تلبس قميصها على نظافه

انا بولاداتي قبل قبل لا اروح المستشفى اتسبح بالبيت بعد الولاده بس اغسل جسمي لاني ادوخ بالحمام يمسكوني لا اطيح

وشعري بالعاده اقط ملفعي قط علي لاني ما اسوي استقبال بالمستشفى او اكون لامته وحاطه البناد الضعيف

 

[مشتطـه]

بنات انا وحده ما احب اهلق بنفسي واخلي شوشتي معفوسة ومو مرتبه

فـ بليز اللي تعارض فكرة الستشوار وتقول فراغه
ياعمري انتي وحده تحبين شعرج يكون مو مرتب

انا شذنبي اذا شعري مو ناعم واحب اطلع للناس بشكل حلو وذرب
انا ما كلمت السنة على عرسي
يعني بالعربي الناس شافتني بكشختي دايم

مابي اهل ريلي يشوفوني مهلقة


وسالفة الهوا انا اعتبرها خراااااافه ولا تهمني ابدآ وسالفة صدقوها امهتنا من يداتنا
ومو كل يقولونه اليدات صح على فكرة ؟؟؟؟؟؟؟؟؟؟؟

 

[مشتطـه]

ولما قلت ابي صالون ما قلت بحط مكياج اوفر ولا قلت بصبغ اظافري ولا قلت بسوي مغربي بالمستشفى
وما قلت بسوي تسريحة والا كيرلي


قلت استشوار سييييييييده
فرد للشعر لا اكثر


عموما شكرآ لللكل

 

[cute_batoota]

أنا بجر بس الي بسويه ان شاء الله أني راح اكون متسبحة ومسشورة وعقب الولادة راح أغسل جسمي بس وهذا في حاله ولدت باليوم الي متسبحة فيه لوووووووول اما اذا ولدت عقبها بيوم وما مداني اتسبح واضبط نفسي راح اتوكل على الله واتسبح لأني مرح أتحمل اعرف نفسي وراح اخلي صالون الي موجود بالمستشفى يسشورولي وبس برفعه ذيل حصان مرتب وتاج ضعيف وذرب
بس انتي قلتي بالسلام فيه صالون مع دسمان أكيد ولا لَا؟؟

 

[الحورية الصغيرة]

ليش ما تيبين الستريت و السشوار معاج المستشفى و تطلبين من السستر تساعدج ؟؟؟

او طلبي كوافيره ,

 

[امووووما]

حبيبتي أنشاءالله اقدر افيدج من تجربتي .....

أنا ولدت بمستشفى السلام لما رحت مراجعتي قلت حق الدكتور افحصني لان حظرتي ابي أولد بتاريخ حلو لوووول ٨/٨ المهم ولا أنا مفتوحه ٤ سم قالي روحي وتعالي بعد ١٢ وسوي دخول

الله يسلمك رحت البيت وقعدت امشي واشرب دارسين يمكن ٣ مطارات خخخخ ان ازهب شغل الاستقبال واوصي البنات عشان التجهيز وادخل أتسبح الي حتى حمام مغربي سويتلي وطلعت تعطرت وتبخرت وتلوشنت لووول وسويت شعري استشوار

رحت المستشفى بعد اللويه وجذي رحت الجناح بعدين نزلوني الولاده على ٣ تقريبا وانا اساسا أمقرره أخذ إبرة الظهر فحصني الدكتور قتله متى ولادتي بإذن الله قالي ست او ست ونص انتي والده الحمدالله ست وربع ولدت وانا لا ماخذه كمام ولا دايخه امصحصحه اللي. أمي تقول انتي ما بتولدين ويهج مو مال ولاده

بعد الولاده تميت بالافاقه تقريبا لي ٩ ونص بعدها رحت الجناح وسويت استقبالي بنفس اليوم العصر دخلت غسلت بس جسمي ولبست وسويت شعري بس بالاستريتنر وسويته تنقوص وكنت امسويتلي تاج ولبست تراجي ناعمين وحطيت ماسكرا وبلشر وقلوس




يمكن في ناس أتعبوا وايد وايد وايد خرعوني بس أنا مقتنعة ان كل بنت غير عن الثانيه وانا اذا حديت في بالي الخوف والتهول راح أخاف من جذي سبحان الله خليت كل أموري على ربي وتوكلت على الله وسويت الي أنا مقتنعه فيه ادري يقولون والله ااهي ماخذه إبرة ظهر معذوره بس أقولك الصج أنا ما أخذتها الا لما افحصوتي ولا أنا مفتوحه سته سم قتلهم للحين ما احس بالعوار الي الناس قالو عنه قالولي يا اتركبينها الحين ولا ما انركبها لج المفروض ما انركبها بعد ٤ سم


اسفه ادري قربت وايد بس قلت أقولك التفاصيل لإنج بجر وحاسه فيج وبنفس الوقت بتولدين بنفس امستشفى الي ولدت أنا فيه


بس عفوا انتي اي دكتور ؟؟،،

 

[shak!shoka]

امبيه فرااااغه انا عقب الولاده مابي الا عمري و اتلفلف لاني امووووت من البرد اقعد يومين اطقطق بمكاني

وعقبها اصبصب عررررق يعني لو بستشور شعري راح يكش و يقب قبه محترمه ههههه

و السباحه من ثاني يوم ولازم معاي السستر و يكون الباب مو مقفول

انشالله تقومين بالسلامه و تعرفين الولاده و النفاس شلون صايرين

 

[miss_Ba6oOo6a]

لازم المستشفى فيه كوافيرة اتي
ولازم علا الاقل الشكل يترتب وسالفة غطا الراس
والهوا كله خرابيط بروحي بعد الولاده مخنوقه وحرانه واربط راسي بعد
اييني هبووط من الحر
*

 

[ام فطوووم]

خخخخخخخخخخخخ
يحليلكم والله ذكرتوني باللي مضى
انه والله كنت رايحه افحص والا اتقولي 1 ونص سم
من باب المستشفى لي باب الصالون سويت شعري وحفيت حواجبي
وانه استشور صارت الصجيه وقام ايي العوار
اشوه ماكان زحمه
خلصت بسرعه ورديت البيت لاني كنت طالعه من الدوام لان ماكان فيني شي سبحان الله
من فحصتني الدكتوره ياني الطلق
رجعت البيت زهبت اغراضي وعلى مايوني اختي وامي
والحمدلله رحت المستشفى عال 2 الظهر ااااااخ ولا طلعه المدارس وانه بالمواساه
المهم الحمدلله والللللللللللللف الحمدلله ان ساعتين وانه والده

استشواري مني وفيني

 

[bubble.gum]

انا كانت ولادتي قيصريه وما طولت ساعتين او 3 ساعات بالكثير ... ولدت الساعه 10 بليل ويوم الثاني الصبح تسبحت وكانت معاي سستر واهيه ساعدتني مسكينه ما قصرت وفركت جسمي وهمن لبستني وعطرتني >>> الله يخلي

وانا استشورت شعري بروحي وسويت عجفه ولبس الباند اللي فيه سيم وحطيت عجفتي عالجمب ولبست ترجيه لولو وشويه مسكره خفيفه وقلوس >>>مو جني قرقه

 

[ابله لوله]

كل وحده وحره باللي تسويه ..
انا وحده مفكره اني اخلي اختي تسويه بالستريتر..
وبعدين ترا البنات ينصحونج يعني ماقالو شي ..

انتي حاطه الموضوع عشان تستفسرين واهم ما قصروا ..
لا تقولين خرافات ما خرافات ..
لان اذا صارت الصجيه سمالله عليج الله لا يقول ويحوشج الهوا بتتأذين ..

وانتي حره فلي شعرج واستانسي محد قال لا بس همن اخذي الحيطه والحذر عشانج مو عشان الناس ..
لان الناس لو شنو سويتي بهمرج همن ماراح يعجبهم .. واولهم اهلج القراب فما بالج باهل ريلج ..

وسوري عالاطاله ..

 

[قتوة البدو]

هههههههههههههههههههههه لاتعليق ماشالله عليكم​