منهج الروضة الجديد

[الحياة]

السلام عليكم شلونكم معلمات وخاصة معلمات مستوى أول

اللي راح يطبقون المنهج اليديد ادخال اللغه العربية والرياضيات والانجليزي في مستوى اول كتجريبي:gathering:
شسويتووو شلون الاستعداد للمنهج اليديد
يالله نبي همتكم نبي نطلع المنهج الناجح بس ببدون تكاليف يا ابلات علشان نمشي على منهج مريح
يعني حلاته من المتوفر _03BA:

وبعض المرات المتوفر والبسيط يخدم اكثر من الغالي
انا عن نفسي رحت سويت لي بطاقات مفرغه الاحرف الانجليزية كلها والعربية:68_asmilies-com:
وقاعده انزل من النت اغاني حق الانجليزي وبارني ينفع عنده افكار حلوة والرياضيات مافي شي يديد غير المفاهيم الرياضيه بس الخطوات مثل ما اهيه

كل وحده اذا حابة تقول رايها او فكرتها وشسوت من تجهيزات حق هالمنهج اللي بيدنا بنخليه حلو تقولنا نفيد ونستفيد بهالموضوع ​

 

[نوووونـــي]

سوووري ابله :eh_s(1):

دااااشه عررض حددددي

بس بسألج حبيبتي انا عندي بنوته (بجري) وان شاالله شهر 9 بتدش الروضه سجلناها بروضه حكومه

بس تبين الصج الكل يذم بالروضه الحكومه ويقولون كلها اغاني ورقص والطفل مهمل الابلات مايدرون عن اليهال يعني ينطق _يبجي محد درا عنه وفوووق هذا يرد البيت مو مستفيد ولا شي كله لعب بلعب


والعكس صحيح يمدحوون الروضه الخاصه وااايد وان الطفل اييج متعلم مهارات وااايد

وحديييي تعبت من التفكيرررر

لاني ابي بنتي تستفيد جد والا اشخانت قعدت الصبح والروحه والرده بهالشموس واذا عاللعب انا ساكنه ابيت حموله ومتروووسه يهال يعني البنت شبعانه لعب

اهم شي الفااايده كـ تعليم

انتي اشرررايج هل صحيح كلامهم

وسووري مره ثانيه لاني دشيت عرررض :tek:

 

[الحياة]

هلا فيج حبوبة الرياض الحكومية تعتمد على المعلمة اكثر المنهج صح ماشي بس كل ابلة وضميرها ومشالله معظم الابلات الموجودات
والنعم فيهم والله .. والروضة اول اهيه دق ورقص بس الحين كل شي تغير يتعلمون كل شي والحين في منهج يديد متطبق على بعض الرياض الحكومية بندخل انجليزي ورياضيات وعربي وراح نبدي من مستوى اول الكتابة والقراءة ولا تحاتين بنتج حياها عندي بروضتي واحطها يعيوني
والله يخلي لكم عيالكم وتشوفونهم متخرجين من الجامعة يارب

 

[نوووونـــي]

مشكووووووووره ياقلبي

ماتقصرررين وتسلم عنوووووووووووونج ^_^

 

[فرحه ولكن؟]

سلام عليكم
الحياة شكر خاص لج على هالموضوع الروعة بس انا مفكرة اسوي ايام الاسبوع عربي انجليزي و وبحط على لوحة الانتاج مالت الارقام ارقام انجليزيه
بس بسالج المنهج راح يطبق اول شي على رياض مختارينها بعدين ثاني كورس راح يتعمم مادري نحط شغلنا ولا بتقول الموجهه ليش حاطين انجليزي في الفصل والطفل ما يعرف شئ

هاااااااااااااي نوني سؤالج حيييييييييييل مهم الكل يسال هالسؤال بس والله انا نشتغل اكثر من المدارس الخاصة ودنا اطفالنا يتفوقون على الرياض الخاصة وحنا انسوي هالشئ بس للاسف الادارة اللي اتحبطج وتخلي اهتماماتها سطحيه واهم شئ عندهم البهرجة والانشطه اللي للاسف ما تفيد الطفل بشئ انا انصحج انج تسالين عن الروضة مالت بنتج اذا ناظرتهم اتحب الانشطة فاعرفي انها ما يهمها الا نفسها وسمعتها
هذا رايي واتمني من الله التوفيق للجميع

 

[عسولة الكويت]

الله يعطيكم العافية
انا بنتي بتروح اولى روضة هل كل رياض الاطفال مدخلين لهم هالمناهج والا رياض معينة ؟؟

 

[فرحه ولكن؟]

الله يعافيج حبيبتي
الرياض اللي داخلة عليها المنهج الجديد روضتين من كل منطقة تعليميه هذا مبدئي بعدين الكورس الثاني يعمم على جميع الرياض بس يمكن تكون روضة بنتج من الرياض المختارينها في منطقتكم

 

[nero]

انا ما سويت شي لان محد يابلنا طاري بالروضة

 

[الحياة]

اعتقد بمنطقة حولي التعليمية روضة الوسم بجنوب السرة وروضة الابرار بالسالمية

واهمه بيشوفونه اذا نجح لمدة عام واحد لانه احنا بنستمر مع اطفالنا لي مستوى ثاني واذا نجح المنهج بيتطبق اعتقد من السنة اللي وراها على طول

وما راح ينجح الا واحنا شادين حيلنا

فرحة ولكن ليش مستعيله على رزقج مع انج مو من الرياض المختارة لا تخبصون لانه اهمه حاطين خطوات معينه حق المنهج ودخلينه دورات فلحد يسوي من عنده علشان لا يصير اي زيادة او نقصان

ويعطيكم العافيه حبيباتي

 

[pink Flamingo]

ليش اتجهزون وانتو ماتدرون اشلون المنهج قايل حرام اتعبون روحكم على الفاضي
انا الصراحه مومجهزه ولا شي ناطره لما اداوم و اهرف السالفه
تحياتي

 

[أوركيد]

ماكو شي!!! مايابوا لنا طاااري كلش..

ويبقى الوضع على ما هو عليه ..

بس والله حدي مستانسة ومتشوقه للمنهج اليديد <<<< خل عيالنا شويه يستفيدون ويتعلمون

 

[عسولة الكويت]

والله ياليت يدخلون منهج عالاقل قومة اعيالنا الصبح ويردون بهالشموس يكون لها معنى ويستفيدون من شي

 

[درر**]

السلام عليكم شلوونكم
والله انا توني ماني عارفه شنو المنهج الجديد والله يستر ويكون احسن يارب

 

[الحياة]

حبايبي انا ماخذه دورة حق المنهج الجديد لانه روضتنا راح تتطبق فيها المنهج الجديد
وراح يكون كالتالي :-
بيكون في كلمات عربي وانجليزي وراح ياخذون الأحرف العربية والانجليزية وفي شي اسمه حصة عربي وحصة انجليزي ورياضيات
وراح يكتب الطفل من مستوى اول كلمات عربي وانجليزي مع ادخال الاغاني الانجليزية التعليمية مثل مالوت بارني وهالسوالف ...
المنهج وايد ممتع بس راح يخلونا نمشي على منهج معين يعني مو من كيفنا بيعطونا كتاب اول السنة طريقة التقديم وطريقة العرض مع الوسائل التعليمية
وانشالله نفيد عيالنا ويطلع المنهج هذا ناجح ويفيدهم

بس ا نتم يا ابلات لا تتشائمون كل شي بأوله صعب بس بعدين بيطلع احلى من ما توقعناه

 

[ريانا]

حبايبي انا ماخذه دورة حق المنهج الجديد لانه روضتنا راح تتطبق فيها المنهج الجديد
وراح يكون كالتالي :-
بيكون في كلمات عربي وانجليزي وراح ياخذون الأحرف العربية والانجليزية وفي شي اسمه حصة عربي وحصة انجليزي ورياضيات
وراح يكتب الطفل من مستوى اول كلمات عربي وانجليزي مع ادخال الاغاني الانجليزية التعليمية مثل مالوت بارني وهالسوالف ...
المنهج وايد ممتع بس راح يخلونا نمشي على منهج معين يعني مو من كيفنا بيعطونا كتاب اول السنة طريقة التقديم وطريقة العرض مع الوسائل التعليمية
وانشالله نفيد عيالنا ويطلع المنهج هذا ناجح ويفيدهم

بس ا نتم يا ابلات لا تتشائمون كل شي بأوله صعب بس بعدين بيطلع احلى من ما توقعناه

والله معناه راح تريحون ابلات الابتدائي بهالموضوع الله يعطيكم العافيه

 

[الحياة]

ريانا شكلج مدرسة ابتدائي وعاااااااااااااااجبج الموضوع حده
صج بنريحكم بس نبي ابلت البدنية ايبونهم عندنا

 

[Q8Buying]

الله يعطيج العافيه اختي على الموضوع
و على تلك المجهودات المبذوله للاستعداد للعام الدراسي الجديد

ألف شكر لج اختي - و يا ليت كل ابله مثلج تحب عيالها و تحب تعلمهم و يستفيدون( مع تجهيز مبكر )

و صراحه عجبتني فكره المناهج - على الرغم من انه الكثير منهم رافضها - لكن اشوف فيها فايده اكثر لو كانت مطبقه بشكل جيد
لأنه اغلب أولياء الأمور يفضلون إلحاق ابناءهم في رياض خاصه لأنها فيها مناهج و دروس معينه رياضيات - انجليزي الخ الخ
على الرغم من انه المنهج المطور المتبع حاليا في الرياض ممتاز الا انه ليس الكل يجيد تفعيله بشكل مميز أو بالأصح كما هو مطلوب

من وجهه نظري انه تطبيق المناهج يساعد المعلمات و الطفل بحيث انه المعلمه محددين لها المعلومه بشكل اكثر اللي تبي توصلها للطفل


وجهه نظر

تقبلي تحياتي

 

[عبااير]

تبون الصج عاد انا اعتقد انه ماراح يسوون شي .....هذيلا اهم كل فتره يطلعون لنا بمنهج ويقولون جديد ومدروس ...ونشوف فيه البلاوي
ترى يابنات المنهج اللي احنا اندرسه توهم مطبقينه ....تذكروووون ؟؟؟؟؟قبل ست سنين قالوا منهج مطور وطبقوه على جم روضه وبعدين على كل الرياض ...ومع الوقت تخبطوا فيه وارجعوا مثل اول
مااادري بس انا احس انهم ماعندهم سالفه خلال سنه يطلون منهج ويطبقونه ويعممونه وبعدين يقولون فاشل
بس يالله بنشوف .....خو تعودنا على الرياض واختراعاتهم :eh_s(6):

 

[miamy]

الحمدلله انه مو مطبق على روضتنا

 

[قلبي الصغير؟]

الله يقدم الي في الخير