منويعرف العتيبي؟؟؟؟؟

[حب من طرف واحد]

بنات منو فيكم سمع عن العتيبي اللي يجبر الكسور؟؟؟؟؟في الفحيحيل
:0bee2e8d89:
قريبتي يدها انكسرت انصحوها تروح يمه يجبرها لها

فديتكم اللي تعرف احد راح له ومدحه او العكس تنفعنا

وشرايكم جبر الطبيب افضل والا الطب الشعبي افضل؟؟؟؟؟؟؟؟؟؟؟؟؟​

:tek:

 

[أسرار الطبيعة]

تأخذ اشعتها له ، ويجبرها لها اكيد هو افضل من أي دكتور
وانا جربته في عيالي ، وكثير نعرفهم استمروا على جبر الدكاتره وما نفع وأخرتهم رجعوا له
مكانه عند دوار الميره بالفحاحيل صوب مركز سلطان
وما تشوفون شر

 

[! بنت العاشره !]

ماشاء الله خبري فيه من سنين يجبر

الله يعطيه الصحه والعافيه

كان يجبر عيال خالي يومهم صغار روعه تجبيره ومقابل الميره بالضبط مثل ماقالت اختي اسرار الطبيعه

وماتشوفين شر

 

[حب من طرف واحد]

جزاكم الله خير بنت العاشرة واسرار الطبيعه كفيتو ووفيتو
الله يعطيكم العاقية

 

[نجوم الظهر]

ممتاز

 

[معلمة متقاعدة]

اللى اعرفه انه معاد يشوف وهندية معلمة كل شى

رفيجتى العام راحتله قالت بس لمس ايدى وقال لى والله يبوج ما اشوف الاشعه وهندية سوا لها كل شى

 

[تعبتني طيبتي]

صح أهو أصلا شايب كبيييير .. و أعور .. أنا مارحتله .. بس تبارك الرحمن عليه ..


حيل يمدحونه .. و هنديه عنده معلمه .. عسالله يعطيه طولة العمر .. والصحه .. يارب..


ربج معطيه على نقص بالبصر .. قوة بالبصيره .

عيال خالتي مجنن .. 7 صبيان تبارك الرحمن ..

موصاحين .. مره بالإسبوع .. عالأقل لازم .. كسر أو شرخ أو شعر .. أو أقل ما فيها .. تقطيب وغرز ...


الله يعين خالتي .. مسكينه ..

ومداومه عند هالعتيبي . دايم تروحله ..


بس مره .. رجل ولدها جبرت .. وفيه عرج ..

كسر .. عضمه وجبرها مره ثاانيه . .. وتم شهرين .. بعدها قام جنه الجني ... ماجنه إنكسر. .

 

[فـيـونـكـا]

ماشاء الله تبارك الرحمن عليه
احسن من الدكاتره وابوي معالج عنده

 

[القرآن ربيع قلبي]

حبيبتي توكلو على الله وروحو له

معروف على مستوى الخليج ومن كل مكان يروحون له

الله الشافي بس اهو ممتاز واتوقع الهندي الي عنده دكتور اشعة يمكن او فاهم بالاشعة

واحسن من الدكاترة بسوالف الكسر
الله يعطيه الصحة والعافية

 

[شيهانة الكويت]

ياحليله بومرزوق العتيبي والله خووووش واحد
جبر راس اخوووي لمن انكسر تخيلي اخوي لمن كان عمره 7 سنين انكسر بسبه انه كان منسدح تحت السياره ومحد يدري عنه واندهس راسه وانكسر
والله اهو اللي عالجه تم عنده اكثر من شهرين

وهمن وحده من جماعتنا انكسر عندها الحوض قالوا لها الاطبه ماكو امل للعلاج بس لمن راحت له قال فيه بس شرط اني املج عليها عشان اقدر اعالجها وصج عالجها عقب جم شهر عاد عقب قال بطلقج واهي رفضت بس طلقها

الله يعاافيه انشالله ويخيليه

 

[عطر الكادي]

معروف بو مرزوق ما يبيله كلام روحيله وان شاء الله بايده الشفاء .. انا اختي يوم كانت صغيره انكسرت ايدها وتعالجت عنده والحين عمرها بالثلاثين ولا جنها انكسرت .. الله يعطيه العافية و طولة العمر ..

 

[حب من طرف واحد]

الله يعطيكم العافية يابنات كفيتوووفيتو
الله لايخليني من مشورتكم

 

[السنافيه]

هلا وغلا
ياقلبي هذا مرزوق عبد العالي كمن جماعتنا موجود في الفحيحيل قطعه 3
معرووف مشالله عليه روحوله وماراح تندمون....

 

[نور الكويت]

طيب ممكن تعطوني رقمه للي تعرفه لو سمحتوا

 

[! .. ريبـاس .. !]

اختي سمعت فيه وايد وقدييييييييييييم حيييييييييييييييييل من يوم كنا صغار

واللي اعرفه انه زحمه عنده حيل

الله يشفيها وماتشوف شر

 

[أم ريـــوف]

مرحبا
شهادة حق في عبالعالي العتيبي رجل احسن من الدكاترة وانا من سكان الفحيحيل واليوم امي راحت وجبرت ايدها عنده ومن راحله ماعليه شر واللي بتروحله مراح تضيع تروح للبيوت اللي قبال دوار الميرة بالفحيحيل وتسال ومستحيييييييييييييييييييييييييييييل احد مايعرفه

والله يعطيه طولة العمر والعافية

 

[nfs007]

ياحليله بومرزوق العتيبي والله خووووش واحد
جبر راس اخوووي لمن انكسر تخيلي اخوي لمن كان عمره 7 سنين انكسر بسبه انه كان منسدح تحت السياره ومحد يدري عنه واندهس راسه وانكسر
والله اهو اللي عالجه تم عنده اكثر من شهرين

وهمن وحده من جماعتنا انكسر عندها الحوض قالوا لها الاطبه ماكو امل للعلاج بس لمن راحت له قال فيه بس شرط اني املج عليها عشان اقدر اعالجها وصج عالجها عقب جم شهر عاد عقب قال بطلقج واهي رفضت بس طلقها

الله يعاافيه انشالله ويخيليه

ليش ملج عليها؟​

 

[دلـع ^ العجـمان]

مشاءلله سمعته حلوووه ويمدحووونه