منو أجرت شقة و افرشتها - مغتربات امريكا

[Filakawyia]

السلام عليكم

شلونكم خواتي

حبيت اسال و اخذ منكم خبره

امأجرين شقة و نبي نفرشها . . . فكرت اطلب الاثاث من النت من وول مارت

عطوني رايكم و خبرتكم

 

[كشموووشه]

عاد قبل جم يوم بغيت انقل شقه بنيوجيرسي ( مادري اذا لهم افرع بمناطق ثانيه ) وعطوني بروشور حق شركه تأجر اثاث شقه كامله طبعا وجديد واسعاره معقوله اسمها Churchill وهذا سايتهم www.Furnishedhousing.com واتمنى اني فدتج حياتي

 

[irresistible]

حسب قعدتج اذا انتي مطولة و لا بس جم شهر عموما الوول مارت في كل شي ماعدا القنفات انا شريت منهم www.rcwilley.com

 

[q8_toffee]

اثاث ول مارت جنه من طقة ايكيا عندنا بالكويت في زين وفي مو زين احنا طالبين طاولة من عندهم طاولة طعام وايد زبينه ماركة
better home and garden وهذي صورتها

http://www.walmart.com/Better-Homes-Farm-Dining-Set/ip/10670901

وطالبه اثاث غرفتي زوين بس مو من النوع الى يكد معاج ويعمر يكون الخشب خفيف وصفايح ويبيله تركيب انتي الى تركنبين كل شي

 

[om-3abdallah]

ووول مارت فيه شغلات زينة لكن انتي الي تركبينه والصراحة اهما يركبونه اضبط لانهم خبرة

انا خذيت غرفة النوم من z-galery غرفة الاطفال من rooms-to-go وعندهم سايتات بنفس الاسماء الي ذكرتها اكيد
اهما ايون يركبون وياخذون الكراتين معاهم ويروحون اريح

 

[sereen]

اخذيها من خبرة , اذا مطوله قعدت نصيحه لا تشترين اثاث بوطقه لان كل سنه بتقطين وتشترين , اخذى شى يصمد ينقط على اخر مدتكم الدراسيه , خاصه القعدة مالت الصاله , غرف النوم , طاولات الطعاهم , صدقى حتى خزانات الكتب ترى ماتتحمل شى تفجج والظهر خشب مضغووووووط خفيف حيل

باجى السوالف اخذى بس هالاشياء الثقيله لا

 

[@ الجوري @]

موفقين ان شاء الله

 

[Filakawyia]

الحمدلله اثثت شقتي

بس باقي قعدة الصالةو شوية خرابيط

 

[كشموووشه]

زين الحمدلله ارتحتي
تتهنين فيها ان شاء الله

 

[Filakawyia]

ثانكيو حبيبتي

 

[منورة الكويتية]

عساه منزل مبارك ان شاءالله

 

[Filakawyia]

يسلموووووووو حبيبتي