** منو أكثر شخصية كويتية نسائية تمثل الكويت؟ و من أي ناحية **

[alooq8]

إستطلاع ** منو أكثر شخصية كويتية نسائية تمثل الكويت؟ و من أي ناحية **

سيدات الكويت و بناتنا الكرام عندي سؤال خطر في بالي و أعتقد فيه وجهة نظر و فايده!تعرفنا على شخصيات نسائية كويتية إحنا ما نعرفها وغافلين عنها؟؟
منو بإعتقادج أكثر شخصية كويتية نسائية تمثل الكويت؟؟؟ ومن أي ناحية؟؟؟
آنا بإعتقادي أمي هي أكثر شخصية نسائية كويتية تمثل الكويت، من ناحية الأصالة.

 

[الـخـشـفـ الـنـداويـ]

اممممممممممممممممممممممم

والله للاسف ما في وحده مشهوووره

برايي جدتي الاصاله

وامي الثقافه

وانا الجمال لووووووووووووووووووووول

مشكوووووووووووووووره

 

[alooq8]

حلا الآداب مشكوره على التفاعل السريع بالرد على الموضوع والمرور الكريم

 

[alooq8]

على فكره من بنات الكويت تعجبني منار الحشاش بعلمها في مجال الكمبيوتر و تمثيلها للكويت في عدة مسابقات عالمية و إختيارها من ضمن لجنة التحكيم على الرغم من صغر سنها، الحقيقة هالبنت ما شاء الله عليها مبدعه

 

[معكرونه أسبكتى يم يم]

طبعا امى الحب كله يارب يسلم عمرها .......

بس انا وايد معجبه بمعصومه مبارك .......... احسها فعلا واجهه مشرفه للمراه الكويتيه ...... عقليه سياسيه ممتازه وعلى قدر كبير من الثقافه

 

[عدسات ملونة]

الشيخة لطيفة فهد السالم الصباح زوجة الشيخ سعد العبدالله الله يرحمه

 

[local]

د.فايزة الخرافي

انسانة مثقفة رزينة ثقيلة .. اعتلت كثير من المناصب لم نسمع عنها أي شيء

تستحق انها تمثل سيدات الكويت

 

[حناينq8]

وايد حريم يمثلون الكويت من غير ما يكونون مشهورات

لمن ادخل اي وزاره او شركه واشوف بنات الكويت يشتغلون بكل ذمه وضمير هذول يمثلون الكويت
لمن اشوف كل مره كويتيه تربي عيالها احسن تربيه هذي تمثل الكويت
والمدرسات بالمدارس لمن يدرسون عيالنا ويعطون من كل قلبهم بالتدريس هذول احسن من يمثل الكويت


ومشكوره على الموضوع حبيبتي

 

[أميرة الحزن:)]

ساره اكبر
الي ساعدت في اطفاء بئر الكويت المحترقه بعد الغزو العرااقي
هذي السيده فنانه ومبدعه بحبها لوطنها

 

[alooq8]

معكرونه أسبكتي يم يم + عدسات ملونه + local + حناين q8 + كويتيه كيوت مشكورين على التفاعل و كل الأسامي والشخصيات اللي ذكرتوها بالفعل جديرة بالذكر و ياليت نتعرف على شخصيات غيرها بعد ويزاكم الله خير على المرور الكريم :33_1185028183:

 

[a7la tooota]

أنا أشوووف انه سعاد الصباح اهي اكثر شخصيه تمثل الكويت ,, ماشاء الله عليها ,,


بصراحه تعجبني ,,

 

[~q8ia~]

منار الحشاش...

الشيخة امثال...

 

[الفريده]

انا اكثر وحده تعجبنى الدكتوره معصومه مبارك

 

[عندي طموح]

الشيخة اوراد جابر الصباح . خير من يمثل الكويت

 

[ScarletteO'Hara]

هذا الموضوع ينطبق على كل كويتية مخلصة في حبها للكويت, شايلة الجنسية الكويتية, تربي عيالها حتى يكونون مواطنين ينشد فيهم الظهر, بارة بامها و ابوها, تادي شغلها باخلاص سواءا في البيت او في دوامها, سنعة, جميلة, مثقفة.... و وايد اشياء ما تحضرني الحين
مو شرط المرة عشان تمثل الكويت تكون مشهورة او شخص معين

 

[اخت اخوانها]

أنا أرشح أكثر من شخصية:

1- (((( الشيخة امثال الاحمد الصباح)))) امووووووووووووووووووت فيها وامنية حياتي اشوفها شخصيا اكيييييييييييييييد اذا تحققت هالامنية بيغمى علي...

2- المبعوثة في الامم المتحدة مومتذكرة اسمها 00000الملا

3- بكلللللللللللللللللللللللللللللللللللللللللللل فخر بنوتة الكويت منور الحشاش اللي يحفظها ويكفيها شر العين ان شاء الله

 

[مانيكان]

رولا دشتي

انسانه مثقفه بجداااااااااره

 

[girl_in_abottle]

وايد حريم
1- منار الحشاش, ارفعت راسنا بخلاقها و بتمثيلها لنا في الأمم المتحدة
2- د. معصومة المبارك, اول وزيرة و للأسف يليتها ماضعفت بوجوه الإسلاميين
3- د. هيلة المكيمي, شخصية سياسية وناجحة و قابلت اكبر الشخصيات بالعالم
4- د. فايزة الخرافي, اول من حصل على درجة وزير, و افضل من مسك جامعة الكويت برأيي, و انسانة متواضعة
5- د. اسيل العوضي, يعجبني قوتها و قدرة اقناعها في فترة الإتخابات لدرجة انها كانت آل موست تفوز, و لكن للأسف ماحصل

و الله يزيدهم ان شاء الله

 

[ام حمني المطيري]

مــــــــــــامـــــــا انيسة / فوزية الدريع / منار الحشاش

 

[غيدآء]

ماما انيسه احسهااا مثال للمراه الكويتيه ثقل وثقافه وذكاء

الشيخه اوراد الجابر ....

كافي انها بنت بابا جابر الله يرحمه...انسانه قويه وواعيه ماشالله عليها صج بنت ابوها