** منو أكثر شخصية كويتية نسائية تمثل الكويت؟ و من أي ناحية **

[بنت جنيف]

الشيخة أوراد الجابر الصباح

 

[The Boutique]

وايد حريم يمثلون الكويت من غير ما يكونون مشهورات

لمن ادخل اي وزاره او شركه واشوف بنات الكويت يشتغلون بكل ذمه وضمير هذول يمثلون الكويت
لمن اشوف كل مره كويتيه تربي عيالها احسن تربيه هذي تمثل الكويت
والمدرسات بالمدارس لمن يدرسون عيالنا ويعطون من كل قلبهم بالتدريس هذول احسن من يمثل الكويت


ومشكوره على الموضوع حبيبتي

هذا الكلام الصــــح

 

[MELANO]

فوزيه الدريع + منار الحشاش

 

[(كويتيه عسل)]

كل بنت واخت وام وابله وطالبه دكتوره ومهندسه ولاعبه وموظفه وصحفيه وكاتبه ......الخ مخلصه وتحب الكويت

تمثل الكويت وترفع علم الكويت عالي

اذا تبون شخصيه مشهوره :الشهداء والاسرى الله يرحمهم

 

[أنــثــى]

الشيخه أوراد و فريحه الصباح قمة في التواضع والطيبه شفتهم وصورت معاهم يعاملونج مثل بنتهم ^_^
بس انا ألاحظ فريحه دايما اعمالها انسانيه ^_^ والله يوفقهم

 

[أنــثــى]

اي نسيت الشيخه اللي حلم حياتي أشوفها بس بسلم عليها

اهي الشيخه سعاد الصباح

اانا من قرائها بالجرايد وكتبها

اموووووت على أشعارها وكتاباتها تعكس شخصيتها الرومانسية الحالمة الحنونة الأنثوية مثلي :$

تموت على زوجها وعيالها -ما شاء الله -والله أهي مثال لربة البيت المتكاملة والكامل الله الله يوفقها ويحفظها ^_^

طبعا هي تمثل الكويت من ناحية الثقافه والشعر.. ربي يحفظها يبارك لها..

 

[نينا ريتشي]

طبعا مايبيله حجي الشيخه فريحه ام الكويتين حفظها الله

 

[basema]

أعتقد في كثير من النساء الكويتيات الناشطات في مجال عملهم لكن غير ظاهرات علي الساحة الإعلامية أو لم تتاح لهم الفرصة هناك الكثير من المخترعات و المهندسات و الطبييبات لذلك يكون ظلم أن أختار شخصية لأن الكويت تزخر بالكثير

 

[N.springflawer]

اول وحده أمي بصراحه ماشفت ولا راح أشوف مثلها عسى الله يخليها لنا

ثانيا خولة العتيقي بصراح تعجبني..

 

[alooq8]

ياسلام ردود طيبه وأكثر من رائعه وبالفعل كل وحده تمثل الكويت بحسن خلقها وتفانيها بعملها وبرها لوالديها داخل وخارج الكويت تستاهل تكون خير من يمثلنا ككويتيات.
نبي شخصيات بعد ودنا نتعرف على بنات بلدنا المبدعات.

 

[&رعبوووبه&]

1- الشيخه فريــحه الاحمد الام المثالية

2- الشيخه سعاد الصباح مثال للادب والرزانه والحكمه والشاعريه

3- سعاد الحميضي سيدة اعمال ذكيه

4- حليمه بولند مذيعه ناجحه ومهذبه وجميله

5- حياة الفهد فنانه ذات حس مرهف اثبتت ان الفن رساله وليس حثاله (عزكم الله)

6- انسام الخلف مبدعه كويتيه وفنانه بمعنى اخر

7- حنان دشتي بنت نفسها بنفسها

وااااااااااااااااااي اسم الله عليهم الكويتيات كلهم سنع بعد افبالي واااااااااايد

 

[alooq8]

الحمد لله ردود الفعل من خلال هذا الموضوع أكثر من رائعة وخصوصا بالنسبة لبناتنا الشابات سئلتني وحده منو ساره أكبر لأنها إنولدت بالغزو وما إتعرفها وقلت لها هي المهندسة الكويتية اللي كان لها دور في إطفاء آبار الكويت، ووحده ذكرت د. فاطمه الثلاب بس حسافه ماذكرت لنا في أي مجال وكذلك خوله العتيقي ولو إني أعرفها في مجال التربية والدعوة لله فياليت كل وحده تذكر لنا مجال الشخصية اللي إختارتها علشان نتعرف أكثر على بنات الكويت المبدعات والرائدات.

 

[FOZQ8]

أولا الشيخه أوراد
التزام واحترام وطيبة قلب

ثانيا منار الحشاش
احبها
ومحترمه
ومثقفه وذكيه تبارك الرحمن

 

[لميــاء]

بصــــرراااحــة انا اقــــــــول حيــــــــاة الفهــــــد ياحلوهــــــــــــــا بكـــلاهــــا الكويتـــي الاصــــلي وكلمــــاتهــا القديمــــة

وااااي تهبــــــــــــــــــل الله يخليـــــــــج يـــــــــا أم ســــــــوزان

 

[alooq8]

مشكورين على هالتفاعل الأكثر من رائع

 

[wzw]

كل امراه تقدر ترفع من شان الكويت بمجالها

فهى تمثل الكويت

:balo::e3:

 

[جمر بردان...]

انا اشوف ان كل مرأه كويتيه تخاف على وطنها وتغار عليه تمثل وطنها كلنا سفيرات لديرتنا وحريم نمثل الكويت الحبيبه

انا اشوف عالميا نوريه الصبيح المراة الحديديه الكل عرفها بالكويت وبرا الكويت من صيتها الحديدي الله يعيننا على قوانينها
الشيخه فريحه الله يطول بعمرها لمساعدتها الشباب والطلبه ورعايتها مسابقة الام المثاليه و الشيخه اوراد الصباح لتواصلها مع الناس
وعايشه الصباح لاعمالها الخيريه الله يطول بعمرها

 

[بنت حمايل]

جدتي ام ابوي

 

[Fesforya]

مـــاما انيسه ..

 

[مطيريه ماركه]

أكيد اوراد الأحمد ، فريحة الصباح

عساهم على القوة متواجدين دايما ويدافعون عن الكويت ويصححون الإعوجاج بالمجتمع الكويتي