منو احسن دكتورة حق الالتهابات ؟؟؟؟

[زبــــــــدة]

سلاااام



بنات منو احسن دكتورة حق الالتهابات ...وشرايكم بطيبه كلينك منو جربت العلاج عندهم ومنو احسن دكتورة عندهم ؟؟؟


وابي اعرف الدورة الحين تغيرت عندي موعدها عقب الزواج ..صارت كل عشرين او 25 يوم تنزل

يعني جذي مو منتظمه ؟؟؟ يأثر عالحمل ؟؟؟

والدكتورة اللي بعالج عندها اقدر اقولها اذا يصير اخذ كلوميد ولالا ؟؟

والكلوميد زين ولا لالا؟؟

ابي احممممل

:eh_s(22):

صارلي 6لا شهور بس مادري ليش خايفه

 

[عروسة فوشيآ]

هلا زبدة

انتي من عرايس فبراير معاي

انا نفس حالتج لالحين ماحملت

الله يكتب لي ولج الخير والذرية الصالحة



روحي لدكتورة زينة خليها تسوي لج فحوصات وتطمنج

 

[beauty rose]

حبيبتي لا تلعبين بنفسج بالكلوميد
توج بسم الله صبري

و بالنسبة للالتهابات ترى اهيه سبب في منع الحمل تقتل الحيوانات المنوية شنو ما كان نوعه انا عانيت من هالشي

اذا كان الاتهاب اللي فيج التهاب بالمهبل سوري عالكلمة عندج دكتورة ماجدة اليتامى شاطرة تعطيج غسول و ادوية و تسويلج مسحة تعرف شنو فيج بالضبط و تقولج شتسوين عشان تحملين يعني تنصحج

و اذا كان الالتهاب بالبول و هذا اللي عانيت منه عندج دكتور روووعه اسمه ايفان بمستشفى الراشد
عانيت من الالتهابات لمدة 6 شهور من تزوجت و محد عالجني غير ربي ثم اهوه
فاهم و شاطر و يدري شنو يعطيج و حمدلله من بعدها ما شفت الالتهابات بعد

و ان شاء الله ربي يرزقج الحمل و الذرية الصالحة يارب

 

[زبــــــــدة]

عروسه فوشيا

حبيبتي مشكووورة امين يااارب


بيوتي روز

اي الالتهاب اول مرة يصير وياي من تزوجت ...التهاب بالمهبل مو بالبول ..يعني تنزل افرازات ووقت ال....يحرقني وايد ماتحمل ...

ان شاء الله بروح حق ماجده اليتامى ...

بس لازم موعد صح ؟؟

ومشكووورة

 

[Flower20]

شنو كلوميد وانتي توج ٦ شهور وما فيج ضعف ولا شي من صجج
صدقيني اذا راحت الالتهابات تحملين ان شاءالله لانها تاثر واااايد عالحمل مو شوية
وخل ريلج يعالج معاج لان الالتهاب يعدي
واذا عالجتي الالتهابات شربي اعشابواهتمي بدورتج وبتحملين ان شاءالله

 

[ام الحلوااات]

اللــه يــشــفــيــج ويــكــتـــب لــج الــحــمــــل عـــاجــــلآ يـــااارب

 

[غرام القمة]

الله يشفيج اكلي مضاد خمي ايام يقضي علي اي التهاب موجود

 

[q8helwa]

حبيبتي ماله شغل الدكتورة بالالتهابات
اللي عليج تسوينه

روحي مختبر سوي تحليل بول حق الالتهابات
واذا فيج

كثري ماي اشربي واجد يعني باليوم اشربي
مايقارب ٨ اكواب

وروحي صيدلاني يعطيج غسول ممتاز
حق الالتهاب اللي فيج

واساليه عن حبوب التوت البري
مفعوله قوي

والله يكتب لج الحمل القريب

 

[زبــــــــدة]

مشكوووورين :**

 

[رووو الروح وووح]

عندج الدكتوره سكينه روووعه انا اراجع عندها للنسا او متابعه حمل تريحج حيل
ودامج تحسين بالم وقت الجماع يمكن معاج قرحه
وصدقيني انا جاتني التهابات وتعالجت منها وحملت بنفس الشهر
الكلوميد حرام تاخذينه يخرب عليج الهرمونات وكل شي
الوحده ماتفكر بالعلاج للحمل الا اذا تم سنه على الزواج

 

[موت وميلاد]

الدكتوره نهله في عيادة الدكتوره فوزيه القطان

 

[sweet-kamelia]

لحظة لحظة لحظة
لاتلعبين بروحج ودكاترة ومادري شنو
الالتهابات انا عانيت منها بشكل مو طبيعي وبداية زواجي
حبيبتي الاشياء الطبيعية احسن لج من اشياء كيميائية ماتدرين هي تنفعج والا لا
الملح الخشن معروف
ومسك الطهارة اللي اهوا مسك الغزال عقب الدورة والله مانفعني الا اهوا من الالتهابات لدرجة كنت اعاني من ريحة من الالتهابات حتى وانا حامل
ماخليت شي وما استخدمته تحاميل ادوية وماراحت الا عقب ماقطعت الغسولات واستخدمت مسك الطهارة
ترى كثرة استخدام الغسول موزينة انا مجربة وعانيت شهور
وقريت مره موضوع حق وحده كانت تستخدم الغسول وصارت فيها التهابات وماراحت والسبب انه الغسول يقتل البكتيريا النافعة ابهالمنطقة


وإذا ع الحمل انا كان عرسي شهر ١١ وماحملت الا شهر ٤
حبيبتي الرزق من الله ولاتفكرين ابهالشي توج عروس استانسي
لاحقة ع التعب
وفي اشياء طبيعية تساعد ع الحمل سوي بحث بالانترنت
عليها وامدحو عصير الاناناس حيل

واذا ع الدورة شي طبيعي الهرمونات تتغير عندج وطبيعية جسمج تتغير بعد الزواج
وقت الدورة شربي مردقوش حق تنظيم


وبالتوفيق حبيبتي .. والله يحقق لج ماتبينه

 

[زبــــــــدة]

^^

حياااتي مشكوووورين :***

 

[مناوووي]

شوفي حبيبتي عن تجربه موكم شهر اكثر
ماعرفتلي الا دكتوره رندا بمستوصف الامل الفحيحيل
هي اعرفت لي ومارتحت منها من بعد الله الا من عالدكتوره
الله يشافيج ويرزقج

 

[مناوووي]

الفحص والعلاج مولج آْنَـỲǑŲـْتي بس لا
الفحص ضروري زوجج يسوي بعد لا ن ماكو فايده تتعالجين وهو مايفحص
المسحه تاخذ منج
وهو يروح لدكتور يفحص وياخذون منه مسحه

 

[زبــــــــدة]

^^

مستوصف حكومه ؟؟؟ اللي رحتيلها ؟؟

 

[مناوووي]

لاخاص
معروف هو بالفحيحيل مستوصف الامل
والدكتوره معروفه ابحثي عنها عشان تتطمنين
وانا شخصيا كنت عندها

 

[مناوووي]

توني انتبه للكلوميد حبيبين اول شي تو الناس عليج
وانا يوم عندها احن عليها عالكلوميد وجزاها الله خير كله تقولي انطري
مع اني جايتها وانا صارلي سنتين ونص من تزوجت لو غيرها ععطتني كلوميد
بس حمدلله انطرت وبفضل الله حملت