منو اخذت خدامتها امريكا

[BOSTON^girl]

هاي بنات

بغيت اسال منو فيكم راحت وياها خدامتها امريكا انا يصراحه ابي اخذ خدامتي معاي يهال مالي خلق للشغل

هل في شروط معينه للفيزا حق الخدامه لان انا قبل لخذت خدامتي لندن وعادي مافي مشاكل بالفيزا

 

[*دانة الخليج*]

أنا خذيتها معاي لكن انتى سياحه او اقامه فتره ( دراسه او علاج )
لازم تكون مشتغله اكثر من سنه عندج

ومعاشه فوق 150 دينار واجازة اسبوعيه وماتشتغل اكثر من 10 ساعات باليوم ( طبعا هذى الاشياء تحفظينها علشان تقولها بس كلام فاضي )
لان لازم مقابله شخصيه وبروحها
واي سؤال انا حاااااااااضر

 

[مشمشة رمانة]

انا قدمت فيزة حق خدامتي لكن انرفضت خيرة سبحان الله

من الشروط انها تكون عندج 5سنين تشتغل ولازم يكون لها يومين بالاسبرع راحة ولا تشتغل اكثر من 8 ساعات متواصلة بالبيت

ومعاشها مايقل باليوم عن 10 $ يعني بالشهر مو اقل من 90 دينار وتوقعين علي ورقة انج ماتسيئين معااملتها وانج تلتزمين بالشروط هذي كلها

بس بعد ما نرفضت الفيزا واايد قالولي خيرة لانة صايرة سوالف من قبل خدمهم منحاشين ومشتكين عليهم ومدفعينهم تعويض والله كريم ان شاءالله

 

[مشمشة رمانة]

انا قدمت فيزة حق خدامتي لكن انرفضت خيرة سبحان الله

من الشروط انها تكون عندج 5سنين تشتغل ولازم يكون لها يومين بالاسبرع راحة ولا تشتغل اكثر من ٨ ساعات متواصلة بالبيت

ومعاشها مايقل باليوم عن 10 $ يعني بالشهر مو اقل من 90 دينار وتوقعين علي ورقة انج ماتسيئين معااملتها وانج تلتزمين بالشروط هذي كلها

بس بعد ما نرفضت الفيزا واايد قالولي خيرة لانة صايرة سوالف من قبل خدمهم منحاشين ومشتكين عليهم ومدفعينهم تعويض والله كريم ان شاءالله

 

[:: Diva ::]

لا تودينها وياج !
سمعيها مني
والله تندمين


تنحاش و تطلب لجوء او تتهمج بسوء المعامله و تروحين فيها
و لا تطالبج بتعويض و تعالي دفعي لها اقل شي 30 الف !

 

[ريحانة_14]

رد : منو اخذت خدامتها امريكا

والله قوانينهم صارمة
زين وإللي بتاخذ خادمتها معاها للدراسة شنو الشروط بنات ؟

 

[mrsq8]

لازم اتكون مشتغله عندج سنه عالاقل واقل راتب 1400 دولار بالشهر
تقدرين تخصمين منه اقامتها معاكم ووجباتها او تصيحه لاتاخذينها عن
تجربه شخصيه اول ماتوصلين روحي اي كنيسه مكسيكيه او طلبي
منهم خادمه .

 

[BOSTON^girl]

رد : منو اخذت خدامتها امريكا

دانه الخليج

احنا رايحين دراسه فتره طويله واهي المشكله تشتغل عندي صار لها ست سنين بس باسم اخوي عاد ماادري اذا هذي مشكله او احولها قبل الفيزا او بعدها ومو مشكله على الحجي احفضها بس الله يستر منهم

 

[BOSTON^girl]

رد : منو اخذت خدامتها امريكا

ثانكس مشمه رمانه حبيتي ماقصرتي

بس مافيها تنحاش عجيز وماتدري وين الله حاطها انا عندي فلبينيه وماحبيت اخذها خفت منها قلت اخذ الهنديه العجوز مع انه الفلبينيه شغلها احسن بس اظمن

 

[BOSTON^girl]

رد : منو اخذت خدامتها امريكا

Diva
ثانكس على النصيحه

بس ماعتقد تنحاش اهني بالكويت تضيع وماتعرف حرف انجليزي وصارلها وقت عندنا

 

[BOSTON^girl]

رد : منو اخذت خدامتها امريكا

ريحانه_14

اعتقد نفس الشروط مافي فرق بس مالت عليهم اول مره اشوف دوله ماتبي احد يزورهم على الرغم انه من مصلحتهم اقتصاديا

 

[BOSTON^girl]

رد : منو اخذت خدامتها امريكا

mrsq8
خدامتي ابيها عند عيالي يعني صعبه اتطمن من المكسيكه عليهم وهم عشان الطباخ يعني المكسيكيه ماراح تعرف المجابيس

واهم شي سوالف رمضان لان اتوقع نقضي رمضان هناك

 

[BOSTON^girl]

رد : منو اخذت خدامتها امريكا

لا وبعد المكسيكيات ينخاف منهم واحد نعرفه عشق له مكسيكيه ونسته اهله

صار جنه هالمسلسلات المكسيكيه اللي قبل الله يكافينا شرهم

 

[mrsq8]

انا اخذ معاي وحده انحاشت الثانيه ماقت الثالثه نفسها صارت خايسه من يينا اهني
وللعلم كلهم رواتبهم كانت 60 دينار بالكويت او ياخذون 300 دينار من ايون اهني

 

[*peace*]

انا اقول صلي استخاره وتوكلي على الله

 

[BOSTON^girl]

رد : منو اخذت خدامتها امريكا

pease

ثانكس قلبي صج هذا اللي في بالي حاليا اصلي استخاره والله يكتب الخيره

 

[وحشني شوف الكويت]

رد : منو اخذت خدامتها امريكا

الله يكتب اللي فيه الخير

بس والله نصيحه لاتاخذينها احسن لك =(

انا من بعد السالفه اللي صارت لـ (حميدان التركي) الله يفك اسره وانا خلاص لا احبذ هذي الفكره

 

[قلبي القرآن]

رد : منو اخذت خدامتها امريكا

شوفي حبيبتي قبل لا تروحين السفارة صلي استخاره
واهم شي سألي خدامتج وفهميها انكم بتسافرون ومحتاجينها
وشووووفي رايها اخاف توهقج بالسفاره لأن خدامة رفيجتي
سألتها السفاره وقالت لهم ان غاصبينها وهي ماتبي السفر لأن على قولتها امريكا بعيده !!
وانا خدامتي ررفضوها مرتين اول شي لأن مو مكمله بيانتها وراحت علي 42
والمره الثانيه ان لازم تكون على كفالتج سنه وانا خدامتي صار لها 6 شهور وراحت 42 ثانيه
ورحت من غير خدامه والصراااااااحه تعبت حدي ولااازم خدامه لأنج بتقعدين فترة طويلة
بس لاتخلينها تطلع برا شقتج ولا تكلم احد عشان مايخربونها
واذا باسم اخوج ماراح يوافقون عليها لازم اخوج يسافر ويوديها
واذا حولتيها على كفالتج يعني ماراح يوافقون عليها لأن لازم تكون على كفالتج سنه

 

[BOSTON^girl]

رد : منو اخذت خدامتها امريكا

الخدامه صعب اخليها

ومشكله اخوي مايقدر يسافر يوديها اخاف يقولون بعد لاترجع الاوياها

مايصير ادق على السفاره الامريكيه واشرح لهم مثلا او استفسر منهم بالتفصيل والا مايعطون ويه

 

[قلبي القرآن]

رد : منو اخذت خدامتها امريكا

اي صح تدرين انا باخذ خدامة حماتي وحماتي بتجي فتره وبتروح لأن خدامتها على كفالتها 4 سنين
قالولها وقعي انها تروح وترد معاج
وتخيلي احنا علاج وماخذين ورقه من المستشفى ورقه ان بحاجة خدامه ووروها السفاره
لأن بنطول وبحاجة خداامه
ورفضوووووووووووووا