منو الغلطان انا ولا زوجي ؟ لو انتي بمكاني شتسوين ؟

[انسام الكويت]

انا ما الومج حبوبه هالطبه باغلب المتزوجات باول سنين زواجهم بعدين تطخ

وتتعود على هالشي ويصير الامر عااادي انتي تحاتينه وخايفه عليه وتبينه اربع وعشرين ساعه

يرد عليج خلاص اذا طلع من البيت انسيه شيليه من راسج وخليه يتأخر ترا مارده لج دايمن سوالف

الديوانيه والربع يغثونا ومناشبينا برياييلنا بس لازم يطلع ويشوف هالناس واللي صج ماحبيته فيج

لمن دزيتي اخر مسج المفروض لعبتي على عقله وسايستيه بالكلام الحلو جان الحين طاح الحطب

ترا الريال بالكلمه الطيبه تاخذينه ويصير معاج زوين حاليا لاتدزين شي نطري جم يوم واحتمال يدز

مسج واذا مادز انتي بادري ودزيله مسج حلو ورومنسي يمكن تحن القلوب لبعضها

 

[ســـــاره]

خيولي بس والله العظيم وانا حلفت وقسمت ماردله الا لما احرق قلبه

انا انقهر وتنزل دمعتي عشانه والله يصير خير

اليوم الصبح ادز له مسج يقولي ا(نا بالبر ماقدر اكلمج لما اخلص ادق فديتج باي )

مشاءالله من الشاليه للبر صاير ابن بطوطه على غفله وليش مايقدر يكلمني ان شاء الله اذا رد علي بيقزونه الاشواك ولا شنو

بس يصير خير وقسم بالله لا اعلمه اذا ماحرقت قلبه عدل ماكون بنت ابوي

 

[ضوء امل]

يا سارونه ياحبيبتى افهمينى انا تقريبا نفس حالتج وطبع زوجى يشبه طبع زوجج اخذت زوجى عن حب وتحديت اهلي عشانه وكنت اغار عليه ولا اتحمل غيابه ثانيه صار اهو دنيتى وحياتى كلها وهذا غلط ولولا انشغالى بالوظيفه والبيت والحمال جان علوم كنت مااطيق يتاخر بالديوانيه كنت شغاله عليه مسجات واتصالات وكان يحقرنى طبعا والا ويصكرجهازه ويخلينى احترق بس بعدين عقلت وطخيت لان الرجال حتى لو يحب مايطيق الحكره والاستجواب نصيحتى لج ارضى بالواقع واركدى ولا توقفيله ع الوحده طوفى ياقلبي وخلي المركب يعدى

 

[عشق ريلها]

أنا معاج ومو معاج
أنتي من حقج تخافين على ريلج وتحاتينه
ومن بعد هالعاصفه ! ومن حقج تتطمنين عليه وين فيه وشيسوي الحين
بس الشي الغلط أنج لو مادزيتي مسج بس أتصلتي فيه مره جان زين !
لانه أنا اذا ريلي طلع ومارد للحين والساعه 2 اتصل مره بعدين خلاآص
يعني خلاآص حطيها ببالج أنج بس تتصلين له مره يعني اكيد بينفجر
وبيعصب عليج قآطعتيه بونآسته مع رفجآآنه لوول

 

[فوفو22]

انتي يبيلج شغل

وجايز زوجج تخسرينه والسبب التهديد بدون تنفيذ

يعني كلااااااااااااام هواااا ...لا يودي ولا يجيب

ما وراه الا عوار الراس ومضيعة الوقت

*********************

حبيبتي اوعي تهددين الزوج باي ردة فعل

لانه مو بهالطريقة تمنعينه عن اي فعل او سلوك

وحاولي تثقلين شوي

شنو يعني 12 مسج ومليون اتصال

ترى بجد الرجال لما يشوف زوجته تركض وراه يرتاح وما يحاتيها

قلبي الاوراق

خليج انتي بجو غموض لا اتصال ولا مسج ولا شي

تلاقينه كل شوي يتصل يطمن عليج

مع الوقت رح تفهمين زوجج اكثر

فوفو

 

[الـــغـــلآ]

تحسسيني انه رفيجج مو زوجج ؟؟؟
تدرين ليش لأنج كلش مو خآيفه يضيع من يدينج
اعذريني بس والله جد شهالطبع
أنآ لو إني رجآل و مرتي جذي أسوي فيه جذي و أكثر
شنو هالطبع الخآيس أنآ البنت مآ أتحمل جذي
أكره عيشتي والله
انتي غلطآآآآنه من الأسآس والرجآل مآ قصر و حذرج
و طبعج هذآ رآح يوصلج لمشآكل مآلهآ نهآيه
و يمكن يوصلج للطلآق أعوذ بالله
المفروض مآ تقثينه بهالمسجآت
هذآ بدآل لآ تخلينه يشتآق لج و هو عند ربعه
تدزين له مسجآت تبط الجبد !!
حبيبتي ترآ الرجآل بهالزمن صعب ينوجد
و احمدي ربج على زوجج و دوري رآحته و رضآهـ
و إن طلع بينيله إنج بتشتآقين له و بتفقدينه
مو يطلع مني و انتي شغآله مسجآت مني
إذآ تضآيقتي صلي ركعتين و اقري سورة يس
بترتآحين صج مو تدزين له مسجآت و بالأخير كلكم تنضرون
و محد فيكم يرتآح و مآ ربحتي ولآ شي !
شلون تبينه يرتآح معآج و يشتآق لج مدآم هذآ طبعج
ترآ من خوفي عليج قآعدهـ أقولج هالكلآم
مآ ينهدم بيتكم و السبب تآفه و أتفه من التآفه :eh_s(4):
ديري بآلج على زوجج و الله يهديكم إن شآء الله :eh_s(17):

 

[*^ *الليليم]

بس حبيبتي ردلج المسج بمسج
و قال " بدق فديتج .."

يعني طاح اللي في باله و مشتاق لج

بس يبا كملي حياتج عادي
وقتنا بالدنيا قصير اذا ضيعناه بالاشياء هذي عمرنا ماراح نستانس

 

[Rinoa]

باين عليج حاره وما يفوتج حق لول
حبيبتي عشان دخلتي قلبي بعطيج نصيحه ذهبيه..
الحياه الزوجيه تحتاج برودة اعصاب.. انتي معاه كل العمر
ياما بتمرون بأوقات اصعب من جذي , بعدين لا تقولين له كل شوي
إنت مت عشان تاخذني مو حلوه منج ولا حلوه بحقه.. جذي تقللين من شأنه وتخلينه يدور
عن اللي تعرف قدره.. بحالتج ما فيه مشكله غير طبيعيه الموضوع محتاج منج تعقل ونضج​

خلي العناد والعصبيه على صوب , والله يهديكم لبعض ^_^​

 

[الـــغـــلآ]

بس يصير خير وقسم بالله لا اعلمه اذا ماحرقت قلبه عدل ماكون بنت ابوي

عشآن هالسبب هو مو قآعد يكلمج لأنه يدري بيصير هوآش فـ قآعد يتفآدى المشآكل على كثر مآ يقدر

 

[اشتياق]

عمرها المره ماتقدر تحكم الريال
ولا تقدر تحددله اقعد والا روح والاتعال
عطيه حريته لاتخلينه يحس انه مقيد
وخليه فتره ليمى يهدا
وهالشي مو ذل لا اذا قسى ليني شوي وتنازلي

 

[مخدوشة الوريد]

يامعوده طنشيه مو اهو مايبي مسجات خلص لا تحطين مسجات
اذا تأخر عليج دقي عليه اذا مارد معناته بشوف اتصالج ويرد يدق عليج
الي مايبيه لاتسوينه يوم عن يوم بخف خو الدونيات وطلعات الشباب والشاليه
اذا حاطه بالج تغيرينه ترى بتموتين وماتغير هالطبع الان مو بس بريلج بكل ريايل الكويت

 

[om_lili]

حبيبتي نفس معاناتي حاسه فيج , ماعرف اذا طالع طلعة ماتعجبني لازم انكد عليه لول
ماعليج انتي ماغلطتي اهو بعد الله يهداه يحقرج ويعاند
المهم لي يا عندج تدلعي عليه على جم دمعة قهر من اللي بخاطرج هاليومين و جم كلمة عتاب
راح اييلج يراضيج ويبوس راسج
لوووووول راح يقولج اللي تبينه يصير وترد حليمه لعادتها القديمه /: ياختي مايتوبون هالرياييل

 

[قلبي سلومي]

كلكم غلطانين

انتي بدبتي واهو ختمها

الله يهديكم

 

[Tom ♥ Jerry]

.


مو المهم الحين منو غلطان
دقي عليه لا ينهدم بيتج على سالفه تافهه مثل هاذي

تعوذي من ابليس و تنازلي (=

 

[نفهمها صح]

شوفي انتي زي اختي صغيره
سالفت المسج تراه موو حلووه بحقج وحقه
انا اقوولج ايها
انا كان عندي ولد اخت وكان زوجته تسووي نفس الحركه لما يكوون يمنا حنا ياخلاته اوو عند اهله اوو عند ربعه المصيبه يكوون تحت بدوانيه حنا نسميه مجلسسسسسسسس
والله انا رجال العايله خذوو عنها فكره مووحلووه والله حتي احنا خذنا عنه فكره صراحه
وزوجها معروف بلعقل والهدووء موو علشان ولد اختي لا والله
وانتي عترفتي بنفسج انه طبع موو زيين
وحتي لوو انا مكانه مراح اردعليج
عطيه
حريه
واذا عصبتي حاولي تمسكيين اعصابج
الله يهديج ويهديه ان شاء الله​

 

[كنوشة 2009]

انت مشكلتج انج ما تعترفين انج غلطانة واللي في راسج بتسوينه
وانت كاتبة مشكلتج علشان تعرفين منو الغلطان انت او اهو
واغلب البنات قالو لج انت الغلطانة
بس هم ما اكو فايدة الي الحين تبين تسوين اللي في بالج
الريال ما يحب الزوجة اللي تمشيه يحب اهو يمشيها
لا تصرين عنيدة وخلي المركب يمشي
وابوج غير زوجك وعمرج ما راح تلاقين مثل دلال اهلج
كلنا تدللنا عند اهلنا بس الزوج شي ثاني
وترى في وايد حريم كانو مخلين الريال مثل الخاتم في ايدينهم
ولا يرد لها طلب واستمر معاها سنين لكن بعد 30 سنة زواج
طقها بالطوفة وتزوج عليها لانها مللته بالحنة والرنة والتشرط على اساس ان يحبها وما يستغني عنها

 

[شالعه ضرس العقل]

انتي غلطااااااااااااااااانه


اي غلطانه دام هذا اسلوبج معاه توقعي اكثر من جذي
حبيبتي هذا زوجج مو اصغر عيالج تربينه وتنكدين عليه بهالاسلوب

يعني وحده قاعده بالبيت وتطرش له رسايل هواش؟!!!! ........... يعني بعقلج تبينه يرجع للبيت اللي فيه هالهواش
انتي تبينه عجينه بين ايدج تجي قبل الساعه الفلانيه؟ تسوي ذا وتسوي كذا .....


انا مو اقولج خلي حياتج كلها عسل في عسل لكن غيري من اسلوبج شوي الريال بنفسه قال راح انفجر يعني منبطه جبده وساااااااكت

سوري حبيبتي على هالرد بس غيري في نفسج شوي

وبعدين واضح حبيبتي انج شايفه روحج عليه من كلامج اول شي بما معناه ..(( سوى كل شي عشان ياخذني ))) يعني ماكان له داعي هالكلام ولا يزيد ولا ينقص بفهمنا للموضوع

 

[مناير ...!]

بدايتج غلط
شنو اصغر عيالج اهوا

حبيبتي فعلا ابوج غير وريلج غير

 

[a7la_7b]

الله يهديه ويسخره لج

 

[الغاليه ام احمد]

الله يهداكم صج لعب يهال

حبيبتي حذفي التلفون اذاتبين ريلج