منو الي يسجل اذا كانو اهل الولد منفصلين الام و لا الولد

[جلكسيه اس 3]

السلام عليكم و رحمة الله و بركاته

بنات اذا كانو الام و الابو منفصلين.
اذا بيسجلون ولدهم بالخاص منو الي يسجل الابو ولا الام
و اذا حكومه هم منو الي يسجل الابو ولا الام
ضروري اتردون

 

[الصابرة المحتسبة]

وعليكم السلام

اذا كانت الأم تملك وصاية على الابن تقدر تسجل لازم ورقة من المحكمة تثبت هالشي.

 

[Um Hasan]

الحين حتى اذا الأهل مو منفصلين لازم موافقة الأب
هذا اللي أعرفه

 

[manoooram]

في حال تم الانفصال من يملك الوصايه على الابن سواء الام او الاب
هو القادر على تسجيل الابن بالمدارس شرط احضار حكم وصاية الابن للمسجل نفسه
اما في حال الاستمراريه بالزواج الاب هو المسؤول بتسجيل الابن





*

 

[om deaj]

الحين حتى اذا الأهل مو منفصلين لازم موافقة الأب
هذا اللي أعرفه

اي صح

حتى لو كانت الوصاية للام او الحضانة لها
ماتقدر تسوي اي شي الا بموافقة وساعات بحضور الاب

حتى حساب بالبنك لازم الابو يبطله
ووزارة التربية الاكيد انها ماتنقل ولا تسجل اي شي الا بحضور ولي الامر

 

[جمالي مو صج]

انا مو منفصله بس سجلت ولدي بالخاص وكله بروحي ماطلبوا الاب ابدا سهالات

بس الحكومه يوم سجلت بنتي يطلبون الاب واذا الاب مو موجود يطلبون العم او ابو الزوج هذا وانا مو منفصله*

 

[ام كوثر2007]

معروف حبيبتي مدارس الحكومه الابوو اللى يسجل حتي لو عندج حضااانه بالولد او البنت

ومثل ما قالت اختنا صابره .. لازم يكون عندج حكم محكمه يعطيج الحق انج تسجلين اليهال بالمدارس وهالشي اغلب الامهات المطلقاات يطالبون فيه عشان يسجلون عيالهم لانه الحضانه بروحها ما تسوي شي


وبالنسبه للمدارس الخاصه صراحه ما عندي فكره ..

 

[مطلقه وأفتخر]

عن نفسي ماسويت شي الا وثاني يوم لازم يحضر أبوه سواء بالمنطقة التعليميه او الروضه
واعرف وحده سوت أوراق بنتها بروحها ولاسألوا عن أبوها كلش


حسب المنطقه يمكن

 

[PuPa^^SWeeT]

في كل الحالات الاب هو المسئول


منفصلين او لا




اذا لم يكن بامكان الاب تسجيلهم اما لظروف قهرية او خصام ما


على الام ان تحصل من المحكمة على حق الحضانة التربوية

التي تؤهل للام حق استخراج و تسجيل الاوراق الثبوتية و التعليم و الصحة للابناء

 

[شيخه28]

حبيبتي في نوعين من الحضانه حضانة الابناء انهم إكونون عندج وحضانه ثانيه على الدراسه
الي عنده الحضانه على الدراسه ويسمونها ولايه هذي على المدراس على الجنسيه الجواز البطاقه فانتي عندج الولايه ولا لاء اذا ماعندج امرج لله كلميه وخليه إروح إسجل العيال اغلب المدارس الخاصه يطلبونها​

 

[جوري الكويت]

قي مدارس خاصه يطلبون الاب حتا لو ما كان فيه انفصال

و في مدارس ما يطلبون


و اعرف وحده منفصله عقب ما دفعت و سجلت عيالها من فلوسها .. في بدايه السنه راح الاب و نقل عياله مدارس حكومه ..

مع انه الحضانه لها .. لكن في شي اسمه الوصايه التعليميه .. حرصي انج تاخذينه بس ما اعرف شنو شرووطه

بس ينفع اذا ولدج انشالله ب يددرس بالمستقبل بره الويت

 

[PuPa^^SWeeT]

اذا انتي تبين اتسجلين



لازم اتطالبين بالمحكمة بالحضانة التربوية




اللي تخليج تستخرجين كل اوراقهم بنفسج


جوازات ولا بطاقات ولا مدارس

 

[عشق]

اذا الخاص انتي تروحين عادي بس الحكومه لازم الاب او ترفعين قضيه حضانة تعليمية علشان تسوين كل شي بروحج والاب ما يدخل بشي

 

[أم عبووووود]

يعطيكم العافيه خواتي عالردووود

ربي يبارك لكم بعيالكم ان شالله

سيتم اغلاق الموضوع