منو بنتهآ مثل بنتي ،،~

[حلوه ولمآحه]

السلآلآلآم عليكم حبيبآآتي

بنوتي عمرهآ سنه وشهرين وللحين مامشت توقف ع القنفه وتمشي عليها بس
بس للحين مامشت لحآلهآ امسكها ابي امشيها تصيح الا اشيلهآ

مآدري شسوي اذبحوني بنتج مامشت وبناتنا مشوآ من الله انا شسوي
اعطيهآ فيتامين بس ماكو فآآيده ،،

تاخرت مره مع ان معروف كل العايله عيالهم يمشون مبجر ،،~
سآعدوني فيه احد مثلي ومتى مشت بنته ،~

 

[ناتشوو]

عادي
بالنسبة لي
عيالي
سنة وشهرين
والثاني سنة و3شهور
بس حاولي تدربينها ع المشي
وهذي فروق فردية
اعرف ناس مشو وعمرهم 10شهور
ماشالله حدهم مسعجلين

 

[حلوه ولمآحه]

مشكووره حبيبتي ع الرد ،،
ايه انا اقول جذيه بس من كثر الحجي شككوني

 

[انصاريه قمره]

انا بنتي الصغيره الشهر الياي تكمل سنه ليلحين ما حبت

 

[غيمه ظميانه]

دام انها توقف على رجولها وتحسين صلبه لاتخافين قريب بتمشي

حاولي تلاعبينها جنج تمشينها وغنيلها خليها تتحمس

 

[مس جيرلان]

عادي انا بنتي سنه واربع شهور يادوب رفعت نفسها على الغنفه وبعدين مشت عاااااااااااااااااااااادي
ولا شكيت ولا خفت مع انه عيالي مشو ماشا الله وتبارك الله قبل السنه .......
عادي انت بس لا تحاتيين ولا تفكرين واتكلي على الله

 

[غلاي غير]

الاطفال فروق فرديه لا تحاتين ولا تقارنين

 

[أم حورية]

عادي حبيبتي خليها على راحتها انا ولدي عمره سنة و3 شهور توووة بدا يمشي

لا تجبرينها راح متى ما بدت تخطي ذاك الوقت مشيها بس لا تجبرينها

الله يخليها لج يارب

 

[دلع86]

اتوقع عادي لان ولدي بعد كمل سنه وللحين مايوقف بروحه ولا يمشي ياهل عن ياهل يفرق

انشاء الله مافيييه الا العافيه

 

[حلوه ولمآحه]

فديتكم حبوبآآت

 

[بربيره]

انا بنتي كلش ما قامت تمشي نمت ببيت امي اربع ايام و الكل انصدم لما رديت صارت تمشييي لان صالة بيت امي كبييرهه و خليتها تحوس على راحتها انتي لا تعبين نفسج بس لا تحكرينها بمكان صغير انا بالشقه كنت اخاف تطيح ولا تخرب فكنت احكرها و لما رحت بيت امي اطلقت العنان لجنونها لوووول سهالات لا تشيلين هم اهي مو متاخره حيل

 

[شيوم]

لا عادي لاتحاتين ومالج شغل بالناس وحجيهم لاحقه علي المشي والتخريييب هههههه

 

[orange blossom]

بنتج طبيعية
انا عيالي ثلاثتهم مشو اكبر من هالعمر
و دام انها توقف و تمشي نفسها وايد زين
يعني وايد قربت من المشي بروحها
و انتي بعد وقفيها بروحها و حطي لها شي تحبه و يكون بعيد عنها علشان تحاول تمشي له

 

[jaaanooo]

حبوبتي عاادي .. اهي طلعة ضروس امبجر ؟؟؟ ساعات الي يضرسون امبجر يتاخرون بالمشي والعكس وساعات اسم الله عليهم الاثنين ...

ما عليها الا العافية ان شاء الله لا تحاتين

 

[*ماي الورد*]

طلعيها بالشمس الصبح كل يوم و ادعيلي

 

[يارب احفظ عيالي]

اختي انا بنتي تاخرت لي سنه واربع شهور يعني كانت توقف على الاثاث وتمشي وانا اهملت الموضوع وقلت عادي آخرتها بتمشي وامي بعد قالت لي ترى البنت متاخره بالمشي وديها المستشفى وانا بعد طنشت ولما مشت بدوا ريولها يتقوسون بشكل فضيييييييع وديتها سوولها تحاليل طلع عندها نقص كالسيوم وفيتامين د ونصحوني الدكاتره اطلعها في الشمس على طول وعطوها ابر فيتامين د وكالسيوم والحمد لله الحين احسن آآسفه اختي طولت عليج بس والله لما قريت موضوعج قلت لازم اقولج اللي عندي وانتي كيفج وانشالله ماعليها شر

 

[PuPa^^SWeeT]

عادي تفرق من بنت لي بنت ولا من ولد لي ولد


بس شكلها بنتج خايفة لأنها تبجي اتقولج شليني معنج ماسكتها


عادي انشالله تمشي

 

[اينااس]

ليش مستعجله عليه انا بنتى مشت ام تسعه شهولر لانه عصقل

والله رجوله متقوووسين له مشت بدرى

وديه الطبيب اطفال ويكتب له مقو يات و طالعيه سااعه 5 المغرب اذ غربت الشمس تغرب
جر بته هالطر يقه بنتى الكبيره وبسر عه مشت من كلام الدكتووورو تقوى اعظاامه

 

[المسكـ]

وديها البحر مشيها اليال وان شالله بتمشي وتركض بعد

 

[(نبنوبه)]

انابنتي مشت عمرها سنة ونص لاتضغطين عليها راح تمشي انشا الله