منو تتاعدني بإختيار هدية زواج؟

[BaiTotia]

السلام عليكم..

رفيجة عمري بتعرس إن شاالله و خاطري أشتري لها هدية مميييييييييييييييييييزة و حلوه

عطوني أفكار بليز مع طريقة التزيين

 

[beauty]

الله يوفقها ويسعدها

ما دام تمونين عليها شوفي شنو ناقصها او شنو تبي واشتريه لها

حلوووو لما تكون الهديه شي اهيا تبيه ومحتاجته

اساليها شنو ناقصج او من كلامها وسوالفها تعرفين شنو تبي

لما رفيجه خالتي تزوجت شرتلها اشياء اهيا تبيها بسسس ما تدري وين ينباعون

اتمنى اني فدتج ... سامحيني ع القصور

 

[BaiTotia]

مشكورة بيوتي حلوه فكرتج
و الله يوقج بالثانوية إن شاالله شدي حيلج
بإنتظار باجي البنات

 

[.]

وعليكم السلام..

تبين افكار للتزين الهديه؟؟؟

وديها بوابه الهدايا يغلفها ..

 

[supermarket]

الاحسن انج تاخذيلها شغلة للبيت

شوفي شنو ناقصها

 

[دلوعة امها]

هلااااا فيج حبيبتي انا عندي كذا فكره حلوه بس حبيت اعرف الميزانيه اللي انتي حاطتهاااا للهديه ..:eh_s(22): ​

 

[رفرف]

بيتوتيا تبين الهدية بحدود جم .؟؟
والتغليف روحي بوابة الهدايا وافتكي ..

 

[q8 83]

حبيبتي سوي لها طقم قمصان نوم + مجموعه لوشنات للجسم والعاب زوجيه

وشموع يعني ظبطيها ههههههههه

 

[عنايد]

انا لما تزوجت رفيجتي قالت لي لاتشترين روب حمام اهي شرت لي طقم لي لزوجي
بصراحه حيل استفدت منه

 

[atosha]

مافي احلى واغلى من الذهب لانها تقدر تستفيد منة .. اخذيلها طقم مميز وحلو على قد ميزانيتج وغلفية بطريقة غريبة مثلا تحطينة بفازة او سلة وقش و فراشات وهسوالف...

 

[BaiTotia]

مشكورين بنات

مو مشكلة التزيين

بس الهدية شنو؟ أنا ما أشتغل فميزانيتي على قدي بس أبيها الهدية بحدود ال 100 مو أكثر ؟ محتاااااااااااااارة شاخذ لها وهي راح تتخرج مع عرسها يعني ودي أعطيها هدية سنعه حق الأثنين

 

[سبائك]

اخذيلها خاتم الماس من المحلات الي بشارع بن خلدون

ولا تراجي كبار الماس

او ساعه ماركه حلوه من روائع جنيف

 

[Smarties]

دام ان ميزانيتج تقريبا 100 دينار احسن شي تاخذين لها ذهب ... لان الذهب راح يظل طول العمر معاها و شي قيمته فيه احسن من العطورات اللي راح اتخلص و لا قمصان النوم .... و طبعا التغليف خليه علي انا اضبطج شوفي موضوعي اللي بالتوقيع ... والله يوفق رفيجتج ان شاء الله و يهنيها .

 

[رفرف]

ساعة من روائع جنيف أو أون تايم ..
أو
جنطة ماركة شيروتي أو تشارلز جوردان أو بربري من هالطقة تلقين شي حلو بحدود 100 ..
أو
اكسسوار حلو وناعم من شواروفسكي أو آيقنر أو ديور ..
أو
ذهب (مانصح لأنه الحين واااااااايد غالي مايسوى)
أو
كفر كشخة حق سريرها ..

 

[BaiTotia]

شوفوا بنات أنا هب و ألماس ما أفكر فيه لأن يكلف أكثر من 100

فساعة أو جنطة مثل ماقلتوا فكرت فيها لأنها تبي هالسوالف

و حلو بعد أشتري حلق كريستال شرايكم؟

رفرف وين ألاقي هالماركات (شيروتي أو تشارلز جوردان )؟

سبائك و سمارتيز و رفرف مشكورين وايد

 

[رفرف]

شيروتي عند سامبا (قصر الجلود) بسوق شرق أو الفنار أو المثني ومادري وين بعد ....

وتشارلز جوردان بسوق شرق يم زارا ... وجناطه اتهبل على 70 و80 وتقدرين تاخذين معاها بوكها بعد ...
والالوان اليديدة هادية وبناتية انصح فيه وبشدة

 

[BaiTotia]

أهااااااااااااا حلو سامبا خبري فيه قبل جم يوم مسوي تنزيلات خوش شي

و بشوف بعد تشارلز جوردان

مشكووووووووووووووووووووورة حبيبتي

 

[Smarties]

العفو ولووو .... عاد قوليلنا بعدين شنو شريتيلها عشان نستفيد عندنا عرايس وايد هالفترة

 

[asma_alyousef]

نصيحة مني لاتاخذين لها اي شي حطيلها مبلغ يعني انتي وللي تقدرين عليه وايد احسن بما انها جريب تخرج يعني موموظفة وتوها متزوجة يعني اكيد سبحان الله تحتاج شي تستحي تقول حق ريلها الا عندها فلوس عرفتي .

بصراحة الساعات والعطور وهالسوالف من الشغلات اللي الوحدة مخلصتهم وقت جهازها يعني ماتبي زيادة ...

حطيهم بس بصندوق ذرب ويالله تولة بخور ولا دهن عود معاها واذا ماتبين خليه مجرد كشكش اورد مجفف بس ريحته حلوة وتعبي على الصندوق من بره والله انا لما كنت توني متزوجة الشي اللي نفعني الهدايا اللي جذي لاني كنت طالبة

 

[رفرف]

عاد انا ما أأيد الفلوس كلش لأنها تروح وترد مالها ذكرى ..
بس لي شريتيلها هدية بتظل لها معزة خاصة وذكرة بقلبها ---> وحدة عاطفية شوي