منو تتاعدني بإختيار هدية زواج؟

[& ياملحي كيوووت &]

والله حتى انا صديقة عمري تزوجت وابي اسوي لها هدية سنعه ابي افكار

 

[BaiTotia]

سمارتيز أكيد بقولكم بس يبيلها وقت مو الحين بتتزوج توها مالجه

أسماء اليوسف أممممممممممممم الفلوس الصراحة ما أعطيه إلا حق الأهل
حق الصديقات هدايا أحسن

رفرف بالعكس أنا عن نفسي أفضل الفلوس أشتري فيه إللي أبي بس أحس مو حلوه أعطي لصديقتي فلوس بس الأهل دايما فلوس أو ذهب و إحنا أهلنا دايما نحط بدفتر فلانه شنو يابت علشان نردلها نفس الشي يعني إللي تقدرنا نقدرها

ياملحي كيوت إن شاالله تستفيدين معانا

 

[asma_alyousef]

عيل ساليها شنو تبي شنو محتاجة..؟؟؟ وايد احسن مانصحج بالماس لان سعره موفيه حرام مايسوه.. قوليلها شنو تبين ولا عطيها كوبونات قسايم من دبنهامز ... عموما اللي ملوت محلات الشايع منها مومفلوس ومنها تقدر تاخذ اللي تبي

 

[سبائك]

والله حلللللللللللللللللللوه فكرة الكوبونات

 

[BaiTotia]

إي صح حلوه فكرة الكوبونات بس جن معطيتها فلوس و مقيدتها بمحل معين!

رفيجتي لما ولدت إختي قالت إخذي كوبون من مذركير و عطيها هدية

بس فضلت أشتري لها شي للمولود على ذوقي أحسن من
الكوبون

 

[asma_alyousef]

كوبونات الشايع تقدر تشتري من اي محل من محلات الشايع دبنهامز بكبره مذركير وكل شي يملكه الشايع

 

[girl_in_abottle]

انا عن نفسي احس احسن شي تعطين فلوس
و تتركين امر الصرف لها, لانها ادرى بحاجاتها
انا اقول تشترينلها كامة فيديو ديفيدي تكون هدية كول
لانها متزوجة و اكيد تحتاج وحدة

 

[BaiTotia]

أها على بالي حق محل واحد الكوبونات



وعجبتني سالفة الكاميرا الديجيتال وناسة حلوه الفكرة

 

[ورق عنب]

انا نفس مشكلتج محتااارة ... مادري ششتري

 

[BaiTotia]

ورق عنب حياج الله

أنا الحين ببالي جنطة أو ساعة أو إكسسوار كريستال (شوارفسكي و الفراولة و الكشك إللي بالمهلب عندهم تشكيلة روعة) أو كاميرا ديجيتال

 

[سبائك]

والله يا بيتوتيه فكرة الكاميرا حلللللللوه

بس شرط تكون البنت عندها هالهوايه

 

[BaiTotia]

لا تحب التصوير أشوه

بس عاد في كاميرات زينه بحدود ال100!!

 

[Smarties]

حبيبتي باناسونيك عندهم كاميرا على 80 وايد زينه و في اغلى منها لان تختلف بالمواصفات .. في منها اللون الوردي وايد حلوو و شاشتها كبيرة خوش كاميرا و عملية و راح تنفع صديقتج لانها اكيد بعد الزواج راح اتسافر و محتاجة كاميرا...

و هذي صورتها

تلقينها عند اليوسفي

اذا رفيجتج ما عندها كاميرا توكلي على الله و اخذيلها ... لانها فكرة يديدة و ما اتوقع احد فكر ان يشتريلها كاميرا :eh_s(15):

 

[قمه النعومه و الأنوثه]

انا انصحكم كل وحدة قبل عرس رفيجتها ابيوم تحجزلها جلسه مساج او فيشل بس مو جلسه عاديه اللي ايكون بو 4 او 5 ساعات ايرخي اعصابها او هديه وايد حلوه او حد الدلع او حلو بعد ثاني يوم العرس مساج بو ساعه او نص عشان اتكون حدها ريلاكس الهلتون في اسبا او اسبا تايم بالمهلب او في كوبونات الهدايا او قيمتها للبرامج الطويله 30 لين 100 او شي

 

[BaiTotia]

سمارتيز أي باناسونيك ناويه أشتريها حق نفسي

بس جنه إللي شفتهم بفيرجن سعرهم فوق ال100!!!!!!!!!!!

ميس حبيبتي مشكورة عالفكرة

بس جنها مو ذاك الزود مع سوالف المساج ما تنفع لها

 

[النبيطة]

من رأي ساعه حلوة تلبسها دايما+ شغله لبيت يعني حطي الساعه داخل صندوق حلو وحطي معاه سجادة صلاة وطقمها شرشف وارشحلك اللي بالعود معرقه+ مصحف بعض المطابع يحفرون عليه الاسم

 

[BaiTotia]

النبيطة

حلوه فكرتج بس جنها دزة هههههههههههههههههه

بعطيها شي واحد أحسن

 

[Smarties]

سمارتيز أي باناسونيك ناويه أشتريها حق نفسي

بس جنه إللي شفتهم بفيرجن سعرهم فوق ال100!!!!!!!!!!!

قبل فترة شفتهم بكاتالوج اليوسفي في منها انواع اقل من 100 ... روحي اليوسفي احسن لج لانهم وكيل باناسونيك و تحصلين عندهم كل الأنواع قوليلهم يطلعون لج الكاميرات اللي سعرها اقل من 100 وان شاء الله تحصلين اللي يعجبج

 

[BaiTotia]

مشكورة سمارتيزززززززززززززززززززز

عاد بروح أشوف و آخذ لي وحدة فوق ال100 و حقها تحت ال 100 ههههههههههههههههههههههههههههه

بحط جم شغلة ببالي لين استقر على شي فكرة الساعة وايد حلوه بعد لأنها كانت تبي ساعات وجناط

 

[Smarties]

العفو حبيبتي حياج الله