منو تدرس ماجستير بجامعة لكويت ؟؟؟؟

[عنابة4ذ]

السلام عليكم

بنات ممكن تفهموني هالنقطه
الحين اذا معدلي البكالريوس اقل من المطلوب ( التخصص و العام) و ابي اقدم على الماجستير في جامعة الكويت .. لازم اول شي ادش نظام الطلبة غير المقيدين و اجتااز جم مادة بعدين احول للطلبة المقيدين و ابلش دراسة الماجستير عادي بأي تخصص ابيه ؟ صح والا انا فاهمه غلط ؟ عادي اقدم بعد سنه من العمل والا لازم 3 سنين ؟

اتمنى الررررد و مشكورين موفقين :*

بناااااااااااات ردووو بالنسبة للسوال التخصص

 

[KG-Teacher]

قوة بنات شلونكم​

ابي استفسر​

انا متخرجة من جامعه الكويت من كلية التربية توظفت بس ما عندي سنوات خبرة بالمدرسة
معدلي حمدلله زين بس شنو الشروط الثانية ؟؟​

و اذا في سنوات خبرة بالمدرسة لازم اكون يايبة امتياز ؟ ولا عادي بس خبرة
و اذا لازم امتياز لازم السنوات تكون ورى بعض ؟؟​

يريت احد يفيدني و شنو الاشياء الثانية اللي لازم اسويها​

الشروط 3سنين خبره بالتدريس ومن ثالث سنه وانتي ماشيه فيها تقدمين اوراقج للجامعه بشهر 12
الجامعه مالهم شغل بتقديرج وانتي مدرسة

يبون معدل عام 2.67 وتخصص 3 وتوفل 450 او ايلز

وراح توصل نشره للمدرسة ان اللي يبي يقدم اجازة دراسية يكنب الطلب وتوقعلج ناظرتج او روحي التطوير والتدريب قسم الاجازات اخذي النشره وكتبي بياناتج وتوقعلج ناظرتج

بس واهم شي من ثاني سنه وونتي امتحني لين تيبين الدرجة للتوفل انا قدمت ايلز كان سهل

انا انقبلت هالسنه وخذيت اجازة بدوام كامل والله يوفقني ادعيلي

 

[شموووخ بدويه]

بليييييييييييز اللي عنده اجابه لاسئلتي

معدلي اقل من المطلوب،، اقدر اكمل بنظام غير المقيدين؟؟ بالنسبه للتوفل شلون؟؟ انا تخصصي تاريخ بعد لازم توفل

واذا اخذت ماستر وين ممكن اتوظف غير التدريس

 

[tabooLA^_^]

UP
Up

 

[LA TROO7]

غير المقيدين التربيه موقفته من سنتين

 

[قمرية الفيس]

حلم حياتي اكمل بس الظروف

 

[لمسات حريريه]

السلام عليكم ورحمة الله

بنات الله يجزاكم خير ..انا بقدم على الماجستير..الشروط معدل العام تمام يقبلونه ..بس التخصص يبون 3 وانا 2.97 في وحده حذي واقبلوها
عفيه اللي عندها معلومه اتفيدني الله يوفقها

 

[لمسات حريريه]

للرفع

 

[ترف بابا]

انا شايفه كل الاسئله عن القبول

هذي ارقام شعبة القبول
٢٤٩٨٥٢٧٢

٢٤٩٨٥٣٢٢

٢٤٩٨٧١٠٢

وخدمة الطالب ٢٤٩٨٧٤٦٩

يعطونكم العلم الاكيد

 

[يحبنى الله *]

بنات منو تعرف وحدة حليوة فى الخالدية فى الدراسات العليا اقدر استفسر منها

 

[يحبنى الله *]

ومتى يداومون

 

[katalee]

انا رحت بقدم،غير المقيدين للاسف،انصدنت،قالتلي معدلج ماييمح،قتلها اوكي،بقدم على هالنظام غير المقيدين قالت اي هللنزام يلي نعدل معين وانتي اقل من المطلوب
الله كؤيم بي

 

[رحيــق]

انا رحت بقدم،غير المقيدين للاسف،انصدنت،قالتلي معدلج ماييمح،قتلها اوكي،بقدم على هالنظام غير المقيدين قالت اي هللنزام يلي نعدل معين وانتي اقل من المطلوب
الله كؤيم بي

الله كريم لعله خيره

بس جم كان معدلج ؟؟

 

[رحيــق]

بنات أبي معلومات أكثر عن الإجازة الدراسيه ..؟
اذا خذيتها دوام كامل شلون ع الراتب ..؟
وهل لها شروط ؟؟

منو ماخذتها تفيدنا جزاها الله خير

 

[ترف بابا]

بنات أبي معلومات أكثر عن الإجازة الدراسيه ..؟
اذا خذيتها دوام كامل شلون ع الراتب ..؟
وهل لها شروط ؟؟

منو ماخذتها تفيدنا جزاها الله خير

انا ماخذتها من الجابرية - هناك كل شغلج حق التفرغ -وطبعا في تعهد انج تخلصين خلال سنتين وفي مجال تمددين سنه

طبعا تطيح كل البدلات والكادر - بس تشترين راحتج صراحه ( هذا اللي شفته ).

 

[Eva-SS]

التوفل يبون بس 400 ؟ زيين إذا 400 بسيطة



اللي أعرفه جامعة الكويت ماتقبل إلا خريجين الجامعة يعني مايقبلون من التربية الأساسية .. وترا سالفة الشروط خرطي أنا أعرف وحده مامعاها توفل وماتعرف كوعها من بوعها الحين معاها ماستر من جامعة الكويت .. يفتحون باب التسجيل المقاعد محدودة ومحجوزة من قبل ما يعلنون

 

[ترف بابا]

لاحبيبتي ٤٥٠

 

[jessy85]

انا قدمت السنه هذي على جامعه الكويت تخصص اداره تربويه
وايي اعرف شلون مستوى الدراسه جامعه الكويت يبيلها مجابل وايد وشغل ؟

وقدمت على جامعه الخليج لعربي في البحرين
تخصص تربيه موهوبين
انا فاضيه ولا متزوجه ولا شي ابي نصيحتكم شنو تقولون
لاني حيل متردده

 

[wardia]

حبيبتي انا معاج قدمت ماستر علم نفس جامعة الكويت وحاطه ايدي على قلبي خايفه مايقبولوني لانهم يبون عدد معين من الطلبة
وانا بعد موظفه ومادري شلون بوفق بين الدراسه والوظيفه.

 

[LuLu_Bags]

موووفقه بس ابي اعرف شنوو التوووفل ........؟؟؟؟؟؟؟ ممكن احد يوضحلي