منو تساعدني بفكره حلوه حق تعليق الصور؟

[جاي وحليب]

السلام عليكم..

بنات انا احب اصور .. وعندي مجموعه كبيره من الصور..
بس اكيد فيها المميز او الاقرب لي واللي احبهم حيل....

فـ ودي اطبع المجموعه المميزه منهم في نظري.. واعلقهم في داري
بس.. ودي بفكره غريبه او فنتق .. وحلوه بالتعليق...
وماادري يعني اطبعهم بحجم صغير ولا كبير.. انا ودي صغير علشان اعلق عدد كبير او اذا شفت صور يديده حلوه هم يكون في مجال اعلقهم بعد

شرايكم .. شلون اعلق الصور بطريقه حلوه بالغرفه ؟
ودي بشكل عشوائي احس بيكون احلى ماادري
ابي افكاركم واقتراحاتكم .. ولو كانت بالصور بعد افضل علشان يكون الشرح للفكره اوضح

وشكراً مقدماً.....

 

[جاي وحليب]

لقيت بعض الصور وانا ادور بقوقل اكثر من طريقه حق تعليق الصور.. قلت احط الصور اوريكم .... يمكن باضافات من عندكم ولا شي نطلع بفكره خطيييررره

اهني قلت جان القى اللوحة اللي كلها فلين البنيه .. مالقيت نفسها بالضبط
بس تخيلوها من غير الشاذي والشغلات الاضافيه واعلق الصور بالدبابيس بشكل عشوائي عليها....
ماادري بس احس هالفكره استهلكت وايد وقديمه اللوحة الفلين...

او قلت هاذي اللوحه من ايكيا انا خبري من زمان عندهم بس ماادري اذا ليلحين..
بس جنه صغيره على مجموعة صور .. وفكرتها عاديه جداً ...

يعني لو اكو منها انعم بدون حواف خشب.. يعني مثل هاذي مثلا.. اقدر احط ثنتين يم بعض

هاذي الفكره اعجبتني وايد واااايد .. واحسها راقيه وتصلح حتى حق الاستقبال او الصاله ..
بس المشكله ان الشغلات اللي تعجبني بالنت وين اقدر احصلها.. فـ ياليت اللي تقولي فكره بنفس الوقت تقولي من وين اقدر احصل الشغلات....

هاذي فكرة الربطات اعجبتني .. بس البراويز احسهم كبار.. انا ودي بشي انعم ..
او مودرن نفس الشفافين اللي بالصوره اللي قبلها

فكرة عاديه .. واحسها تقليديه وايد

شفت هالصوره ويتني فكرة .. اني احط حبال واعلق الصور بكلبسات خشب .. او الخشب الملونيين نفس هذولي مثلا...

هاذي الفكره بعد اعجبتني حيل.. بس مع تغيير شوي بالخشب احط براويز شفافه مثلا.. بس وايد حبيت فكرة ان تكون طوفه كامله كلها جذي .... شرايكم؟؟

 

[سبائك]

جاي وحليب عندج فكرة البرواز الالكتروني

الي تخزنين الصور فيه ويقلب لج 60 صوره ورا بعض

 

[جاي وحليب]

اهلين سبائك .. والله فكره حلوه..
من وين هالبرواز ؟

بس مادري ليش اميل لتعليق الصور بالطريقه الاعتياديه .. احس علشان كل صورة تاخذ حقها .. ماادري يمكن لاني وايد احب الصور

 

[سبائك]

والله اذكر يبيعونه البنات بكويتيات مول من زمان

 

[زيـنـه]

جاي و حليب ..

في بيت احد من اهلنا حاطين قطعه زجاج كبيره و بينها و بين الطوفه تقريبا 3-5 سم و مثبته بالطوفه بمسامير معدن تقريبا و الصور ملزقينها بلزاق شفاف على اطرافهم .. طبعا الجامه كبيره تقريبا مترين او مترين و نص و عرضها نص متر او متر .. وايد حلوه الفكره و تشبه الصورة الرابعه بمشاركتج بس مو معلقه بخيوط .. لا تكون مثبته بالطوفه .. يعني تخيلي البراويز اللي فيها على شكل برواز واحد عود .. اتمنى فهمتيني .

 

[جاي وحليب]

شكراً سباجه ..



زينه.. مشالله عليهم بالعافيه .. وااايد حلوه الفكره.. وعجبتني مشكوووره
تخيلتها بالضبط من اول ما قلتيها.. افكره اسويها حق الصاله مو حق الغرفه احسها لايقه اكثر .... مشكوره مره ثانيه

 

[أم شهاب]

حبيبتي جي وخليب أنا احب الصور بشكل موعادي شكثر اصور بس ليلحين ماعلقتهم ، إذا ممكن تفيدني من أفكارج وتعرظينهم عشان أستوعب لاني ماأستوعب بالشرح بس.

 

[جاي وحليب]

اهلين ام شهاب.. اشوه يعني انتي نفسي.. تصورين وموعارفه شلون تعلقينهم
المهم .. انا الشرح اللي بالرد الاولي لي.. حاطه فيه صور مع كل شرح..
بس ماادري اذا الصور موطالعه لج عطيني خبر انزلهم على موقع ثاني...

اما الافكار فـ اهيا مجرد افكار لقيتها بالنت منها العادي ومنها الحلو.. بس حطيتهم بالصور علشان اشوف اضافات البنات ونطلع بنتيجة حلوه .....

 

[$الثــــريــا$]

اختي


الافكار اللي عارضتهم حلوين :eh_s(3):

قبل شريت من "ذ ون " فرعهم اللي بالرياض .. قطعه سيم طولها 15 سم تقريبا .. عاليمين فيها النايلون اللي يثبت بالطوفه او الخشب .. وعاليسار نفس الشي ..

وبالنص حاطين نفس مشابك الغسيل بس حديد وصغار حيل .. وانتي تثبتين الصور فيهم .. بس كان شكلها رووووووعه ..


بعد مده طاحت .. ومعد تثبت وعقب حذفتها ..


انتي ممكن تسوين نفسها .. واحلى بعد ..


:eh_s(17):


:eh_s(17):


الثريا​

 

[ام الحبيب]

افكاركم كلكم وايووووووووويد حلوه تسلمولى

 

[جاي وحليب]

شكراً يالثريا على الفكره الحلوه .. اعجبتني والله .. يعطيج العافيه


ام الحبيب.. حياج الله وان شالله تكونين استفدتي من الافكار اللي انطرحت
البنات ماقصروا والله ...

 

[أم شهاب]

حبيبتي جاي وحليب ، توني شريت السيم إلي يتعلق بالطوف ومعاه علاليق بس إحترت شلون أشتري البراويز ، إذا عندج فكرة حلوه قوليلي.

 

[supermarket]

جايونة خر صورة تيييييييييييييييييينن

سويها مع شوي تغييرات ولمسات من ايدج الحلوة

وبالعافية عليج مقدما يا احلى مصورة بالمنتدى

 

[اوركيدا]

في فريمات من هالنوع .. يكون شكلها كأنها داخله فبعض
تحصلينهم في The One أو Ikea .. يشيلون صور وايد .. وممكن تطبعينهم على احجام مختلفه كلن بحسب الصوره وتفاصيلها

 

[جاي وحليب]

أم شهاب
والله انا ودي اروح the one اتوقع راح احصل شغلات تنفع اهناك
انتي بعد شوفي يمكن تلاقين اللي يناسبج....

المشكله ان الغرفه راح تكون فيها تغييرات كبيره، فـ اضطريت اأجل الموضوع شوي
ولا الصور طبعت جزء منهم وشحلوهم يشوقون ..
واستقريت على فكرة ان استغل طوفه كامله ومع الديكور ان شالله تطلع النتيجة حلوه

ولاتنسين لي قررتي شلون بتعلقينهم قوليلها او ورينا صوره وفيدينا والله يوفقج

===

supermarket

اهلين سوبر ماركت .. تصدقين انا هالصوره اهيا اللي ميننتني
احسها حدها فنتق.. بسسس يبيلها لمسات نفس ماقلتي جذي نفس الصوره احسها ماتشجع يبيلها اضافات
شكرررا لج على المرور


===

اوركيدا

شكراً لج على المرور اختي
وفعلا انا ناويه اروح the one و IKEA بس مثل ما ذكرت للاخت فوق ان الموضوع تأجل شوي
بالنسبه لي.. وان شالله بعدها اروح واشتغل بهالفكره واوريكم شصار معاي

مشكوره ماقصرتي....
على فكره الصوره بتوقيعج تشوووق.. احب الاوركيد

 

[om yousif]

يعطيج العافية ,,, خوش افكار