منو تعرف أحد يأجر حمام سباحة حقي وحق زوجي؟؟

[kaify q8ya]

up
up
up

 

[جوري وبنفسج]

السلام عليكم

قبل يومين كان حجزنا بمنتجع صحاري

بصراحة وايد حلو وراقي وخدمة فندقية ووايد أستمتعت بأجازتي فيه

تكلفة الويك أند خميس وجمعة والطلعة السبت الساعة 1 الظهر تقريباً 500 دينار طبعاً السعر وايد غالي بس أرخص من الهلتون

على العموم فيه عيبين

1) في فتحة من برا للشاليه يعني ممكن أي أحد يدخل على طول لحوض السباحة وصار لنا موقف راح أحطه لكم

2) السور مو عالي وايد وممكن أي أحد يوقف على طرف اللي يم السور ويطل وهم صار لنا موقف وراح أحطه لكم


والحين مع الصور بس ما صورت كل شيء فأسمحولي




صورة الشاليه طبعاً يتكون من طابق واحد بس وايد شرح وسقفه عالي





حوض السباحة وعمقه 5 أقدام




حوض السباحة وجدامه سور الشاليه الأمامي وتلاحظون أن ممكن تشوفون اللي برا وراح تشوفون ناس يلعبون قولف بس من بعيد يعني لما تكونون واقفين ممكن يشوفونكم من بعيد بس أذا تسبحون أو قاعدين ما يشوفونكم





وهذا شكل الشاليه من الداخل أثاثه حلو ومريح والمطبخ مجهز وفيه غلاية مع شاي وقهوة وشكر وحليب وفيه على طاولة الطعام حاطين لنا ضيافة سلة فواكهة وبسكوت وفيه على رف المطبخ فواحة فيه زيوت عطريه عجيبة






فتحة خارجية ممكن أي شخص يدخل منها على طول من برا الشاليه إلى حوض السباحة وفعلاً صار لنا موقف آخر يوم الصبح على الساعة 8:30 كنت توني قاعدة من النوم وجالسة عند الحوض ما وعيت ألا أشوف أيدين من ورا الطوفة تدخل عدة تنظيف الحوض فدخلت بسرعة وناديت زوجي وبعدها بربع ساعة ألا أشوف الموظف الهندي مدرعم عند الحوض بدون أستأذان والحمدلله أني كنت داخل الشاليه المهم طلع له زوجي وزفه زف جان يرد عليه أنه موجود بالعقد أنه الفترة الصباحية موعد تنظيف الحوض قال له زوجي مو من حقك تدخل بدون أستأذان وطرده برا المهم زوجي بلغ الأدارة وأتخذوا معاه اللازم



الموقف الثاني على الساعة 11:40 الظهر كان زوجي يسبح بالحوض وأنا كنت آخذ حمام شمس لووول علشان يصير لوني تان المهم ما وعيت ألا أسمع زوجي يسب ويطلع برا الحوض يركض وأنا من الخرعة ما أدري شن السالفة أنخشيت عند الطوفة وألا يرجع زوجي ويقول لي أن موظف اللي ينظف الشاليه وقف على الطوفة الصغيرة الي يم السور وطل علينا وطلع له زوجي عطاه ثلاث طراقات معتبره وسبهم وسفل فيهم تسفل وبلغ المدير وقال له أنهم راح يتخذ معاهم اللازم وقالوا لنا تعويض مددوا لنا ساعتين يعني نطلع الساعة 3 بدل الساعة 1

بس الحمدلله أنه محد شافني لأني كنت يم الطوفة ولأني دايماً أدعي ربي يسترني وأني محد يتكشف علي

طبعاً المواقف اللي صارت لنا كانت على آخر يوم أما اليومين اللي قبل الحمدلله كل شيء كان ممتاز .​

 

[آم آحمدو]

جوري وبنفسج مشكوووووووووووووووووووووووووووووووووووووووووووووووووووووره
انج حطيتي الصور وتسلمين وماقصرتوا ألي ردوا وانشاالله بعد أذن زوجي لمن نروح سي شيل أحط لكم صور الفندق

 

[خجوله احب الناس]

في اسطبلات كبد منتزهات رووووووووعه وفيها حمام سباحه مغلق ....وسعرها رخييييييييييييييييييييييييص مايتعدي 50 او 60 ينار في الليلة مو احسن من 300 و500 ههههههههههههههه

 

[زهرة الزهور]

ايه والله يبيبله بس هالاسعار الي تقولون عنها واجد
وبعد ما فيه خصوصية تقعدين على اعصابج
نبي شي سعره زين ويستاهل