منو تعرف جم دعم العماله ؟

[Little_Queen]

بنات ...



انا طالبة بالجامعة الحين و قاعده أفكر اقدم على شغل بشركة خاصة

و عندي لكم جم سؤال

اذا توظفت و مشالي دعم عماله .. تنقطع اعانتي الجامعيه ؟

و الشي الثاني هو .. يصير أسجل بالتأمينات وقتها ؟

و أخيرا .. جم دعم العماله للحاصلين على الشهاده الثانوية و ليلحين ما عندهم شهاده جامعيه ؟


شكرا و ييعطيكم الف عافيه

 

[أحـبـتـسْ]

up

up

 

[نسنس00]

اذا كنتي تدرين الخاص مايبونج ومايمشيلج دعم عماله اذا كان عمرج تحت ال 25 سنه اما اذا فوق ال25 يمكن يوضفونج مو اكيد ودعم العماله راح يمشيلج لاني كنت بسويها وسالت وهذا الرد

 

[frawlah_83]

رد : منو تعرف جم دعم العماله ؟

اي صح انا سمعت اذا طالبه مايمشى لها دعم العماله .. بس شرط العمر ماعندي فكره بس شرط العمر بس حق الي يدرسوون ماتخرجوا

تدرين ليش سوو هالقرار الخايس !! بالسبة هالناس الي اسجلوون بالشركات الوهميه واهم طلبه ويمشي لهم دعم عماله بدون لادوام ولاشي !! صراحه هذوول بخربوون علينا واايد

 

[frawlah_83]

رد : منو تعرف جم دعم العماله ؟

بس انتي سالي فيها دعم العماله احسن شي

 

[Om_il3ubed]

اذا اشتغلتي وانتي طالبه لازم انتي تبلغين الجامعه انج موظفه لان اهم من نفسهم ما راح يعرفون الا وقت التخرج لان يطلبون ورقه من التامينات وراح يعرفون انج كنتي موظفه وياخذون منج الفلوس باثر رجعي ولا ماكو شهاده

لما تتوظفين بالشركه اهم راح يسجلونج بالتامينات ويعطونج ورقه تراجعين فيها دعم العماله وتكملين شغلج عندهم.. وتنزلج همجه لول بعد 3 اشهر باثر رجعي

بالنسبه للجامعي يستلم 420 وماعندي فكره عن غير جذي سامحيني

و امممم ايي اذا قدمتي استقالتج لا تشيلين اسمج من التامينات عشان تخلينه حق معاشج التقاعدي

وحطي فبالج ان حتى لو كانت المده بس 6 اشهر ترى راح تنحسبلج خدمه بالتامينات وممكن بعض الوزارات والجهات الحكوميه مايرضون تقدمين على وظيفه عندهم مثل التامينات وغيره عرفتي



وبس هذا الي اعرفه . الله يوفقج

 

[فتاة.]

المؤهل العلمي (للأعزب)
1- الشهادة الجامعية وما يعلوها .................................................. .......................................... 410 دينار .
2- شهادة الدبلوم / أو شهادة الثانوية + دوره تدريبية سنتان .................................................. ........ 389 دينار .
3- شهادة الثانوية + دوره تدريبية سنة / أو شهادة المتوسطة + دوره تدريبية 3 سنوات ......................... 381 دينار .
4- شهادة الثانوية / شهادة المتوسطة + دوره تدريبية سنة .................................................. ......... 367 دينار .
5- شهادة المتوسطة .................................................. .................................................. .... 361 دينار .
6- ابتدائي و روضة .................................................. .................................................. ....... 346 دينار .

المؤهل العلمي (للمتزوج)
1- الشهادة الجامعية وما يعلوها .................................................. .......................................... 498 دينار .
2- شهادة الدبلوم / أو شهادة الثانوية + دوره تدريبية سنتان .................................................. ........ 470 دينار .
3- شهادة الثانوية + دوره تدريبية سنة / أو شهادة المتوسطة + دوره تدريبية 3 سنوات ......................... 462 دينار .
4- شهادة الثانوية / شهادة المتوسطة + دوره تدريبية سنة .................................................. ......... 442 دينار .
5- شهادة المتوسطة .................................................. .................................................. .... 436 دينار .
6- ابتدائي و روضة .................................................. .................................................. ....... 431 دينار .

ملاحظات :
1- المبالغ اعلاة نهائية وتم احتساب جميع انواع الزيادات والمكافأت التي حصلت .
2- يتم اضافة علاوه ابناء وقدره 50 دينار لكل مولود (ذكر أو انثى) للرجل .

 

[الدنيا حلوة]

والي عمرهم فوق الاربعين صج ما يمشون لهم

 

[جروح خالده]

رد : منو تعرف جم دعم العماله ؟

الاعانه بيوقفونها
ويمشي لج 350 دينار