منو تعرف عن الحنه السوده لتنعم الشعر؟

[ببي جونسون]

:68_asmilies-com:اهيا تنفع لنوع شعر عن ثاني اذا شعرج فيه نعومه راح يتكسر ويطيح اما اذا شعرج نوعيه الشعره قويه وغليظه يطلع روعه

انا اختي مجربتها بس من السعوديه ماخذتها وماشاء الله صارلها الحين قريب ال6 سنين تاخذ منها ورووعه عليها بس قررت توقفها لانها اشتاقت للصبغات هههههههه:dddds:


انا خذيتها من الحواي وجربتها من 3 سنين شعري خفيف شوي وفيه نعومه وقام يطيح وصاير خشن يعني يفرق من شعر لشعر​

 

[ببي جونسون]

والله يا بنت الاحلام كلمتج كذا مرة وشكيتلج الحال وقلتيلي اخذي حبوب واخذت كورس 3 شهور والشعر يطيح من الحنه يوم عن يوم وانا شعري طويل واستخمت زيتج غرشتين ماكو فايده وسويت كل شي مع ان شعري قبل الحنه ما كان يتساقط كلش الحين من بعد الحنه بشهر افففف وربي اشكثر .. صج في البدايه استانست بس الحين ندمت قد شعر راسي اني حطيت الحنه

انا اقولج تجربتي وهاذي الحقيقه المره .. والله يجزا مره خير ساعدتني بزيوت الحمدلله بدا يخف التساقط ويارب ينتهي وماعاد اشوفه يتساقط وتووووووووبه توبه اجرب في شعري اي شي .. صج الشعر تاج المره

قبل يوم حطيتها بعد شهر رحت للصالون اتغسل شعري قالت اووووف ليش من تحت خشن حييييييييل جنه اسيام قلت الشكوى لله مت قهر كنت ببجي ومع زيوت ام خالد تحسن شعري وبدا ينبت بفضل من الله ثم منها ..

هاذي الحقيقه يا بنت الاحلام .. حنة التنعيم فرحة مؤقتة وبعدها حسرة وتساقط ..

انا قلت لج قبل نوعية شعري ونصحتيني بالحنه .. بس ابشرج الحين بدا التحسن ويارب يقل التساقط ويرجع شعري مثل اول قبل الحنه واحسن

تقبلي كلامي بصدر رحب بس لازم نعرض تجربتنا لانج قلتيلي اعرضي تجربتج وكل شي يصير معاج للبنات .. وانا حطيت تجربتي .. في موضوعج حطيت تجربة الفرح والوناسه بنتيجة الحنه بأول اسبوع والحين احطلج تجربتي بعد ما مر علي شهور للاسف وهاذي النتيجة

انا ما دشيت الموضوع لطلب نصيحه لا ابدا لاني تبت من التجارب ورسيت على زيوت ام خالد لاني شفت نتيجتها بس حطيت هالمشاركه لان البنت طالبه تجربة بنت نفسها وانا حطيتها للبنات

بنت الاحلام انتي طيبه وحبيبه ومافي مثلج احد واتخافين على مصلحتنا ودايما اتحاتين شعري وكنت ادزلج اخباري اول بأول بس يوم ما شفت فايدة بديت كورس علاجي من نفسي بس عشان اتلافى اضرار حنة التنعيم واتمنى انها تزول من شعري والله كريم​

 

[ببي جونسون]

انا استخدمتها ونعمت شعرى صج تهبل وبنت الاحلام تهبل
بس تقريبا بعد 6 شهور حت شعرى قاعد يتساقط وسويت بحث بقوقل طلعت حنه التنعيم تحت الشعر بعد 6 شهور ولما رحت اقص شعرى قالتلى راعيه الصالون الصبغه السوده قويه على شعر تعبه وماراح يتسنع الا لما طيح الصبغه
طبعا قعدت اقصص شعرى كل شهرين واستخدمت قناع اعشاب وفيتامينات ودهن فيه حلبه وصبار والحمدالله التساقط خف وشعرى تسنع حييل عن قبل

بس قمت اقصص شعرى عشان الصبغه تروح بسرعه وطبعا بريح شعرى من الصبغ​

 

[ببي جونسون]

ابيه خذامتنا الاثيوبيه بتكفخني مسكينه تعبت على شعر 4 سنين عجاف وزيوت
لين رد بفضل الله ثم بتعبها معاي مسكينه وقبل ماتسافر قالت لي والله اتحطين في شعرج

شي ايخربه والله ادربج درب خخخخخ

ياويلي مسويه نفسي ذكيه وفطينه اني حاطه حنه
ياعيني بطيح اكثر عن الحين ماصدقت يطول وينزل عن اكتوفي


انزين اختي شنو قناع الاعشاب وشهي الفيتامينات ماعليج امر ياريت تذكرينها
عشان نستفيد معاج​

 

[ببي جونسون]

يا بنات شنو الحل الي تساقط شعرها من هالحنه وعالجته تقولنا شلون انا صار لي 4 سنين ومو راضي يتعدل شعري من اضرار هالحنه :eh_s(11):والله ما خليت شي حتي أبر طقيت براسي عند الدكتور وماكو فايده صرت شبه صلعه :eh_s(16):بعد ماكان شعري يعور ايدي بالتمشيط من كثافته :eh_s(2):الله يرحم حالنا ويشافينا من كل سقم وداء !!!!! تكفون بنات الي عندها حل لاتبخل علينا والله يوفقها بالدنيا والآخره :yaaaaaarb: ردوا بليييييييز​

 

[ببي جونسون]

انا بعد مثلكم شريت حنة التنعيم من بنت الاحلام لبناتي واستعملته بنفس طريقتها اول شي الصراحه روعه ومدحتها بالمنتدي بعد 6 شهور بدا يتساقط شعر بناتي ويخشن اكثر مادري ليش وللحين اعاني وقاعدة اعدله لهم مع العلم انه مالت الصالون حذرتني اني ما استعمله بس ما سمعت كلامها والله علي ما اقوله شهيد ​

 

[ببي جونسون]

السلام
شوفي انا شعري كثيف وطويل لي تحت ركبتي
بس من كثر ما اصبغ صار جاف وفي ردات
طلبت حنه التنعيم واستخدمته على شعري
التاجره ذوق والحنه روعه خلت شعري حرير
وبنت الحلال قالتلي لاتصبغين شعرج الا بعد جنه سنه
ولاني احب الفواتح على شعري زهقت من اللون الاسود
بعد سنتين وقبل ملجتي باسبوع رحت صبغة شعري
وياريتني ماصبغته اول ماحطت الصبغه على شعري
طلع بخااااااار كثيف وشعري صار نااار وسيده دخلت
راسي بالمغسله مالت الصالون وكل ما ادخل ايدي على
شعري اوخر الصبغ بسرررعه بسرعه تعلق باصابعي
خصله شطولها
اول ماحطيت شعري بالمغسله تخيلوا كأني حاطه ( جدر الزيت
الحار بالماي نفس الصوت ) وشعري صار نفس شعر ماروكو
الحمدلله سلمت على القذله وفروة الشعر
يااو مابي اتذكر هذاك اليوم

فنصيحه اللي حطت حنه التنعيم تنسى شي اسمه صبغ
طول عمرها

 

[ببي جونسون]

بعد تبون افضح النصابه ولابس كافي كذي

 

[ألمـاسـه]

امبييييييييييييييييييه من صجكم انا دقييت على بنت الاحلام وقتلها يتساقط شعري وجاف على اساس اطلب منها الحنه لتنعيم جان تقولي اذا يتساقط شعرج اخذي الزيت لمدة شهر وشي وبعدها حطي الحنه ويابولي اياه والحنه ماستخدمتها خاشتها وبس قاعده استخدم الزيت بيصيرلي اسبوعين من استخدمتها بس ماتغير شي امممممممممم يعني الحنه مااستخدمها خلاص اخاف والله لو طاح من وين ايبلي شعر بروحه طايح وملعوزني

 

[عادت ذكرياتي]

خليج منها ...

 

[رشيديه كووول]

معاي وحده بالدوام شعرها لي ركبها وحطت حنة التنعيم وتدمرررر شعرها طاح كله وتقطععععع

 

[ام فهد العدواني]

انا حطيتها وطاح كل شعري صار بكل مكان شعري بالحمام بالصاله بغرفة النوم عالسرييييير حتى زوجي لاعت جبده منها دقيت على التجاره اللي اشتريت منها قالت غريبه انتي اول وحدة تشتكي منها بالعكس البنات كلهم يقولون طولت اشعووورنا وغير جذي لما انزلت طلعتلي شيييييييب ترس راسي وانا عمري ماتعدى25 سنه اضطريت اقصه واهوا كان طويييييل واصبغه نصيحه لا لا لا تفكرين فيها

 

[kuzime]

لا تجربينها كلللللللللللللللللللللش
نصيحه انا ندمت ندم كبيييييييييييييييييييييييييير صج صار ناعم بس للاسف تسافط فظيييييييييييييييييييع
حسبي الله ونعم الوكيل ماكو مصداقيه

 

[حبيبه ببي]

لاتفكرين تجربينها

 

[ألــمــاسه]

بنات نبي تجاربكم مع حنة التنعيم للشعر بهالموضوع


http://www.q8yat.com/t1092092.html


الله يعافيكم بنات كل وحده جربتها تكتب لنا تجربتها

والأمانـه مطلوبه سواء بالمدح أو الذم​