منو تعرف مقدمة برامج أعياد ميلاد ؟

[ام حمود@22]

اوبرا و واو ارقى من الباجي وعندج كرمز اللي بالافينيوز كب كيك جنا لولي بوب وكرامل وممكن كيكة برد من باسكن روبنز او كولد ستون الافينيوز
هذا اللي فبالي

 

[meen_ana]

كل عام وبنتج بالف خير وعقبال مليون سنه

 

[mrs.perfect]

انا اتفقت مع مقدمة برامج بروحها
وباخذ كل شغلة بروح
صج يطلعلي اغلى بس كل من يمدحلي شي
وخذيت رقم مال صاج
وبغيت ادق على رسم ويوه بس قالولي ممكن ناس تتضاشق ان ماترضى عيالها يرسمون على ويوههم فقلت ادور اشياء ثانيه

بس زين المقدمه ب50 دينار؟

 

[ام حمود@22]

mrs حبيبتي انتي شايفه المقدمه بعينج؟ يعني حليوه وخفيفة دم وتشيل الحفله؟ انا ابي وحده تونس اليهال مو تنومهم
بعدين 50 دك حق المقدمه بس ولا مع المسابقات والهدايا؟
ومن وين ماخذتها؟
اذيتج بسالتي

 

[mrs.perfect]

لا والله موشايفتها بس كانت متفقه مع مذركير و اهي تابعه لشخابيط
ومقدمه اتوقع بعد هدايا بس انا هم بشتري

 

[eva-deva]

مشكورين حبيباتي ..

ام حمودي اليوم بروح اشوف الكيكة في الجابرية

=========

مس بيرفكت .. اي مقدمة الي ب50 ؟ تبع شخابيط ؟

عشان قي شركة اسمها المدير يقول عنده وحده خبره 17 سنة وتتكلم كويتي

ب40 .. بس ما شفتها ولا اعرفها .. وهذا رقمهم 66211262

============

وفي بارتي اوسيس يقول وحده اسمها نورهان .. بس مصرية وايده يمدحها

===========

وفي بارتي هاوس عندهم فلبينيات ..

=========

شخابيط ممكن يوفر لج اعلامية كويتية تشتغل بالتلفزيون بس 300 د.ك

 

[eva-deva]

كل عام وبنتج بالف خير وعقبال مليون سنه

تسلمين يا قلبي .. من ذوقج :eh_s(7):

 

[mrs.perfect]

اي شخابيط
خل ادق اشوف اذا 17 سنه خبره بعد احسن والسعر مو مشكله حتى لو يروح العربون المهم الوناسه و جودة العمل(يعيني علمصطلحات يا برفكت)
والله كريم

صج ايفا احنا عيد ميلاد عيالنا بقرقيعان او قبله بيومين الله يعطينا عمر ليش ماتسوينه مع بعض احسن واونس

 

[mrs.perfect]

ايفا دقيت عليهم قالو مايصير احجز من الحين حق قرقيعان
ولازم اخذ بكح كامل
وانا مابي بو طبيله وهالسوالف
وترددت على شخابيط بسوي استخاره

 

[mrs.perfect]

انصدمت!!!!!!!!!!!!


توني راده من بيت يدتي
ولا مجلة الوسيطفتحتها ولا حاطين اعلان شخابيط العيد ميلاد ب 80 وانا قايلتلي مع ويها المقدمه بروحها 50 دينار

وسالت بنت خالتي عن عيد ميلاد عيالها قالتلي عن حبايبنا في احد عنده رقمهم؟ ضروووووري

 

[ام حمود@22]

"للاستفاده"
دقيت على بارتي لنك اللي مدحوه البنات وحجزت عنده الاخت ايفا الله يتمم عليها بخير
البكج اللي 150دك : المقدمه + مسابقات + هدايا + دي جي
البكج اللي ب300 او 350 موذاكره : نفس بو150دك بس زياده شخصيتين + تزيين بالونات + وعربانه مزينه للكيكه + واعتقد بالونه كبيره تنفجر داخلها مفاجاءه
طبعا ممكن تاخذون كلشي بروح اذا تبون او تزيدون اي شي على البكج اللي تنقونه


اتمنى افدتكم

 

[eva-deva]

هلا فيكم حبيبايتي

=========

مس بيرفكت هل الحفلة حق بنتي .. ولدي الي عيد ميلاده وقت القرقيعان

وراح اسوي له شي بسيط بس

============

ام حمود .. عدل كلامج بالنسبة للسعر .. بس انا حطت لي مهرج والبالونات خذت عليهم 70 دينار

معاهم هيليوم بالسقف ..

============

حفلات .. حياج الله يا ام بدر .. نورتينا وشكرا على المشاركة

 

[eva-deva]

بنات مشتية احط مكينة العلج المكوره

وماكينة بوب كورن ..

بالغانم عندهم على اشكال

 

[eva-deva]

حفلتنا باجر

 

[eva-deva]

يا رب تكون حلوة وتونس

 

[ام حمود@22]

الله يتمم عليكم وتستانسون ان شالله
موتنسينا بتقرير وصور حلوه وبالتفصيل الممل (;

 

[AVE.NJ]

الله يتمم عليكم العيد ميلاد ونسفيد منج

 

[eva-deva]

السلام عليكم حبيباتي جميعا ..

==============

تمت بحمد الله حفلة عيد ميلاد بنتي ..

والحمد الله الحفلة كانت ناجحة وبتقدير (إمتياز) << متأثره للدراسة

ومثل ما وعدتكم من قبل ابي اكتب تقرير عن الحفلة ..

يعني ملاحظات ونصايح للاستفاده ..

عشان اذا في افكار حلوة ومفيده تستفيدون واذا في اخطاء تتجنبونها ..

==================

اول الشي لازم كل وحده ناوية تسوي حفلة بالبيت تعرف انها راح تكون مكلفة

اكثر من المطعم .. بس فيها فوايد وبنفس الوقت فيها سلبيات ..

==============

اول شي نبدي بالفوايد ..

طبعا اريح لج اذا تبين تلبسين وتكشخين وبنتج تبدل اكثر من مره ..

يكون عندج مكان نظيف لتبديل الشخصيات والمهرج ..

اذا عندج بيبي عادي تصعدين له بين وقت والثاني << انا عندي رضيع فوايد فايدني ..

==================

السلبيات ..

التنظيف بعد الحفلة !!!!!!!!!!!!!!!!!!!!

تعبت وانا اخم وامسح واشيل الزينه !!!!!!!!!!!!!!!!!

====================

الحين بالنسبة للتقرير عن شركة بارتي لنك ..

بصراحة باختصار .. اقوووووووووول عنهم ممتازيـــــــــــــــــــــــــــــــــــــن

للامانه المقدمة تهبل وشالت القعده شيل .. وفلوسها حلالا زلالا .. عليها بالعافية ,,,,,,

تهبل اتيين شحلاتها .. خووووووووووووش وحده ..

تعرف لليهال وسوت مسابقات كبار وصغار .. وجوائز ...

والدجي يهبل .. وكل شي حلووووووووووووووو

===============

الحين انا تعبانه بس حبيت امدح الحفلة ..

الي عندها اي سؤال انا حاضره

 

[eva-deva]

صورت للمنتدى الشخصيات والزينة ..

بس وقت ثاني انزلهم .. عشان امس سهرانه الى الفجر ..

مالي خلق بصراحة .. لوووووووووول

===============

بس والله شغلهم مرتب وذرب

 

[Q8_QT]

عليكم بالعافية حبوبة وكل عام وبنوتج بألف خير وعقبال ماتجهزينها بعرسها يارب ناطرين التقرير