منو تعرف هالحبوب PregnaPlan

[MisS Z]

ايي انا بعد اخذهم من بدايه حملي

واايد مفيدين

 

[ام عفاف الكويت]

هو مو للحمل لكل شي بعد متروووس فيتامينات
تاكلينه قبل الحمل واثناء الحمل وعند الرضاعه

 

[دلع86]

وايد زينين الصراحه بس بعد جم شهر من الاستخدام سوت لي حساسيه لان فيها زيت السمج وهديتهم ماناسبتني معنهم من افضل الانواع

 

[pusy cat]

انا آكلهم ماتفتح الشهيه ولا تمتن بس تقريبا فيها كل العناصر اللي تفيد الجسم

وبالنسبه للحمل اول ماتدرين انج حامل وقفي كل الحبوب ماعدا الفوليك اسيد اخذيه لانه يمنع التشوهات بالبيبي باذن الله

واذا وصلتي للشهر الرابع اخذي الفيتامينات عادي

لان الفيتامينات تضر البيبي اول الحمل مالج شغل بالدكتوره

 

[فاقده ابوهاااا]

اصلا انا اخذهم ومكتوب عليهم قبل الحمل واثناء الحمل وبعد الولاده يعني زينيين حقج

 

[رتبه دبلوماسيه]

اب اب

 

[تبطي عظم!]

فضيعين شوي عليهم ناويه ارجع اكلهم بعد الولاده لان تعدل الشعر والبشره

 

[q6aiwa]

انا خذيتهم من نفسي وصفهم لي صيدلاني وباديه اخذهم للحين ماخلصت العلبه باقي فيها شويه والتغيير لاحظته بشعري
الشهيه جنه انسدت نفسيتي مو مثل قبل يمكن من شي ثاني مو منهم
مالاحظت اني متنت عليهم
من اسمهم ينفعون للحامل والي مخططه تحمل (قبل الحمل)

 

[worood82]

هذي الحبوب وايد زينه لان فيها اوميقا 3 انه أخذتها قبل حمالي ولي الحين مستمره فيهم

 

[dlll3]

اي وااااااااااايد زينه انا دكتوري مادحها لي واستخدمهاااا

 

[Ghaima]

حبوب ممتازة وما تسبب اي تشوهات واتوقع كلام البنات كفى ووفى ويالله تسهل عليج ويرزقج يا رب باللي تمنين =)

كلها فيتامينات وتاخذها الوحده قبل واثناء وعقب الحمل وايد ممتازة ما في اي دكتور متخصص الا صرف حبوب بريقنا بلان للحامل لأنها مفيده حيللللل

 

[شاغلتهم بجمالي]

ياريت احد يفيدني انا بالشهور الاولى اخذها بس اهي ولا معاها الفوليك اسيد وشكر

 

[@سيدة نفسي@]

ياريت احد يفيدني انا بالشهور الاولى اخذها بس اهي ولا معاها الفوليك اسيد وشكر

اهي من مكوناتها فوليك أسيد بس جم حاطين نسبتها؟ اذا بس 400 اشتري حبوب فوليك أسيد حجمها 400 لأن أغلب الدكاترة يوصون الحامل تاخذ 800 وحدة من الفوليك أسيد