منو تقدر توفر لي تحضير لغة انجليزية "متوسطة"

[استغفر الله =)]

السلام عليكم أبلاتنا العزيزات​

أبلات
بغيت تحضير حق الفصل الدراسي الثاني
مرحلتين من مراحل المتوسط
لغة انجليزية​

فاللي عندها.. وحابة انها تاخذ أجر تقولي بنات
واللي تبي تبيعهم علي هم ما عندي مانع​

بس بشرط يكون فيهم الوورم أب
والراب أب
والهووم وورك​

يعني أتمنى يكون فيه كل شي.. من بداية لي نهاية الكورس الثاني
اللي جادة..
تكلمني عالخاص بنات​

 

[طالبة1990]

للاسف ماعندي للكورس الثاني

واذا باعطيج اياه مستحيل آخذ عليه شي


بس عندي ملاحظة

شتبين فيه

انا ماشوف دفاتر تحضيري القديمة كللش

والورمينغ اب سهالات وهمن الراب اب

اعتمدي لج طريقتين او ثلاث وعمميها

بس غيري في الجمل وخلصنا


واذا تبين للراب اب اذكر كان موجود كونتنتس اناليسيز مسوينه منطقة الفروانية التعليمية

وموجود تقريبا عند كل المدارس

حلو خصوصا اذا كنتي مبتدئة

موجود فيه كل المنهج حاطين لج الاهداف كل درس بيومه

والراب اب وصفحة كتاب الطالب والوورك بوك


عجيب حيل فادني بالميداني واول ما توظفت

بس عقب صرت خلاص ما استخدمه



الوورمنغ اب اعتمد طريقة اظرف صغيرة ملصقة وراها مغناطيس

واحطها اول ما ادش ع اللوحة وداخلها اسئلة قواعد او فنكشن

واطلع بنت تختار ظرف وتقرا السؤال وتختار الطالبة اللي تجاوب واللي تجارب تختار ظرف ثاني وتختار بنت تجاوب

حلو وماياخذ دقيقتين من الحصة

وانصحج كثري اسئلة الفنكشن

لان مو موجودة عندهم لا بالكتاب ولا الورك بوك

خصوصا مراحل سابع وثامن وتاسع


وحطي بدفتر التحضير ان الوورمنغ اب
Playing secret envelopes game
Which contains function and grammar ex.