منو تلبس لفة الشيخة موزة ؟؟ (مرفق صورة)

[Esken.3yooni]

حبيبتي تقدرين تاخذينهم من زآرآ و h&m وبرشكاآ
توني ماخذه من زارا الوانهم تشووق
وانتي تتحكمين بطريقة اللف
انا استخدمهم حق السفر شكلهم وايد ذرب بس طبعا اغطي رقبتي

 

[LuLiTa]

ترا حق المحجبات تقدرين تلبسينه كـ امطة و فوقه ملفعج ,,,

 

[ماريا 1]

kayra
شغلكم حلو وين فيه مكانكم بالضبط

اسكن عيوني... اللي تاخذينهم اسكارفات تربطينهم والا ينلبسون نفس الامطه؟

لوليتا شاكره مرورج

واشكر مرور جميع البنات

 

[Kayra]

Kayra موجودة بالمهلب، العثمان، كويت ماجيك، البيرق، وأولمبيا .. تقدرين تتصلين على هذا الرقم وهم يدلونك أي مكان

22617225 هذا رقم كايرا المهلب .. إذا تبي أي فرع ثاني أهو يدلك أي مكان

وهذا الرابط عالفيس بوك

http://www.facebook.com/Kayra.KU

حياك الله ..

 

[بحر الرمال]

مو حلو امبيه جنها الفوطه اللي تنلف بعد الشاور

 

[$حبيبة عبودي$]

شكله موشي يفشل باجر اي وحده تلبسها متسلم من التعليقات تعرفون عيالنا مايخلون خفة الدم لووول

 

[نور مغليها]

مَادري والله س الي تلبسها لازم تغطي رقبتها ولا اسمحولي هذا مو حجآب

 

[نور مغليها]

شكله موشي يفشل باجر اي وحده تلبسها متسلم من التعليقات تعرفون عيالنا مايخلون خفة الدم لووول

صآآآجه ...
وشكله غريب بعد

 

[الأماكن]

يا زيني و انا نازلة عند حمولتي بهالحجاب مدري الفوطة هذه ....لووووووووول

بصير حديث الساعة

أحب هالستايل ... بس ما فكرت بيوم من الايام اني ألبسها

 

[Leann]

حبيبتي هذا فيه منه ينباع جاهز كانه قبعة و المحلات الراقيه الكبيرة قامت تبيعه مثل لوي فيتون و غيرها فنطري جم اسبوع و راح تشوفين المحلات الصغيرة مثل اتش اند ام يبيعون

و فيه منه الحريم يلفون شيلة بهالطريقه يعني شيله مستطيله عاديه يلفونها جنها turban

دوري بالبيو تيوب و راح تلاقين فيديوات عنه شلون تلفينه

وايد شوقتيني اروح الصالحية ادور على البنيه لوووووول ودي اشوف شكلها

 

[ماريا 1]

شاكره مروركم بنات

leann .. انتي اللي شوقتيني أروح لويس فيتون أشوف شعندهم وصح اسمه بالانجليزي turban لقيت منه أشكال في كذا موقع أجنبي ..

وشاكره مرورج وافادتج وترى توقيعج أكثر من راااااائع

 

[الإسراء]

والله ما أدري ..
للرفع ..

 

[فطيرة الشوكولا]

مادري ان شاءالله البنات يفيدونج

 

[NoNoFeTa]

انا من زمان البسه بالهطريقه هذي لي سافرت بس بالكويت ماسويتها لووول الف سكارف بهالطريقه وطبعا البس هاينك الصراحه وايد شكلي حلو ماشالله وكانو اجانب يسالوني شلون الفه بالهطريقه واندمجو معاي وانشرح والف جدامهم كنت ببريمارك الي شرووو سكارفات ولفو مثلي وعبالهم انا اسبانيه حدي اتشققت يومها خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

 

[Leann]

تسلمين حبيبتي ماريا من ذوقج

هذا فيديو يبين شلون تلفينها

http://www.youtube.com/watch?v=OFa-GbZwd5Y

سهل التطبيق

 

[دآنة آلرشآيده]

آب لعيونج ​

 

[jeje_522]

يعني هذا حجااب ؟!!!
الحجاب مو لفه يتغطى بها الشعر .. الحجاب هو لبس يغطي كل شي (( الشعر . الرقبه . الوجه. الصدر .جمييع مفاتن المرأه ))
بصراحة أتعجب من بعض البنات حاطه فل ميك اب كأنها بسهره ..ومغطيه شعرها ع بالها متحجبه ..
الله يهدي الجمييع

 

[محاميـــة]

تلاقينه بقرطبة مول يهببببل ب10

 

[الفدنه]

اب لعيونج
بس والله يذكرني بطريقة لف الشعر بالفوطه

 

[كويتية222]

يا حلوووهم من وين ابيهم لما اطبخ البسهم الم شعري