منو جربت البلاك بيري؟

[غلآة امي]

دوسي على قلبج وامشي ورا عقلج >>مادري شكو

شوفي انتي شنو ودج فييه واخذيه

 

[أم مشاري_88]

حبيبتي بالعكس الكل يمدح بلاك بيري
و هو سهل وايد يعني يعتمد عليج
وبالنسبة لي أنا عندي بلاك بيري كيرف
واحسن وأيد من ايفون ..

 

[q8_ToOoOtah 3L]

انا خاطرى ببلاك بيرى بولد يمحونه وانا خايفه اشتريه واتوهق وانا استعمل سوني وحلوا استعماله والله محتاره؟؟

وجم سعر بولد؟؟ وشنو فرق البولد عن الكيرف؟؟

وهو شنو صناعته؟؟؟؟؟؟

 

[أم مشاري_88]

حبيبتي أنا عندي بلاك ببري كيرف واستعماله روعه
أهو بالبدايه راح يكون صعب عليج بس من النت كل شيء بتعرفينه
وبالنسبة لج حبيبتي تبين تعرقين الفرق بين بولد وكيرف
شوفي موضوع تجمع بلاك بيري راج تشوفين ميزات كل واحد

 

[كويتية هيبه]

رمز الترف
والله مادري حالي حالج

دارك انجل
مشكوووووووره على التجربه

السحر الحلال

ان شاء الله البنات يفيدونا

غمازه
مااعتقد في شي بالكويت نادر احنا ماشاء الله ورا الهبه لووووووووووووووووول

كويت قيرل
اهالدرجه واااااااااااااي


ضحوي

لووووووووووووووووووووووووول مشكوره ))

 

[كويتية هيبه]

ام مشاري

مشكوره وايد حبيبتي

 

[Om-Bashaar]

مو صعب حبيبتي واستعماله حلو انا عندي الكيرف واي سؤال انا حاضره

 

[رمز الترف]

فيه بلاك بيري تاتش ؟؟ اول مره اسمع !
وين ألقاه و بجم سعره و شكله شلون اللي عندها صورة تحطه لي ضروووووري


انا غراااااااااااامي التاتش و ما اواطن الموبااااااااااااااايلاااااااااااااات العادية كلللللللللللللش

 

[ღ ƒḋảіŧňėỷ ღ]

اختي اخذي نصيحتي لا تاخذين بلاك بيري واللي اتقوول بلاك بيري احسن من الايفون بليز لحد يقارن بلاك بيري بالايفون


يا جماعه فهمو ان البلاك بيري هبه ورخيص يعني حتى لو خدامتنا بتاخذه تاخذه بس بدون اشتراك
والله مع الاشتراك يصك على سعر الايفون واهو مافيه شي يسوىىىىىىىى

حسبو معاي .. اخر سعر للكيرف اعتقد 99 دينار يعني 100 دينار على تلفون
+
15 دينار في 12 شهر .. = 180 دينار يعني هذا احنا قطينا 280 دينار

انا شاريه اي فون 3 جي بـ 240 دينار .. ويتم معاي طول حياتي حتى لو لاعت جبدي منه بقطه وبشتري تلفون ثاني اخليه اهوه كــ اي بود او مثل هارد ديسك صور

السنه الثانيه : بترجعون تدفعون 180 حق اشتراكات بلاك بيري وبجذي انتو قطيتو 180 + 40 دينار الفرقيه مابين سعر البلاك بيري اول ما تشترونه و بين الايفون اول ما تشترونه

خلصنا من الناحيه الاقتصاديه .. نروح حق المميزات

البلاك بيري حق رجال الاعمال فقـــــــــــــــــط .. اهمه مصممينه وفيه الاوفيس وهالخرابيط حق رجال الاعمال وحتى فيه برنامج يحدد اماكن مستخدمي البلاك بيري ليش ؟ علشان الموظفين لا اطلعوا من الشركه مالتهم يقدر المدير يعرف اماكنهم ويتأكد انهم بالمكان الي اهوه طرشهم له ومو رايحين يلعبون ويحوسون بره

البلاك بيري مافيه ولا ميزه والله ولا ميزه ! حساس جداااااااااااا .. و شكله بايخ وايد عريض وقصير .. والدقم اصغيره .. تضيع على ما تكتب بالكيبورد
شاشته صغيره وما تحسسك انك قاعد تتصفح الانترنت مثل الكمبيوتر مافي فرق ! الشاشه وايد مفلطحه وصغيره

المسنجر على قولتكم بي بي ام .. هذا يا ماما مسنجر اهيه شركة بلاك بيري انتجته حق الي يستخدمون بلاك بيري وقصت عليكم وقالت لكم يالله سولفو فيه وتكلمو بلاش
يا امي يا حبايـــبي يا كويتيين ياللي تحبون الهبات .. فهمو ان هالشي مو بلاش من كيفها .. قاعدين ياخذون منكم 15 دينار وحتى لو 9 دنانير على الشبك .. علشان مسنجر عااااادي تقدر تنزله في الايفون او حتى نوكيا او سوني اريكسون اقدم موديل تنزل المسنجر العادي وتتكلم بلااااش

ليش تمشون ورا الهبات وانتو ما ندرون شسالفه بالموضوع وليش بلاش وشنو هالبرنامج الي يخليكم تسولفون ؟

الايفون حساس صح .. بس في واحد قال فوق درجة حراره الكويت ما تسمح نستخدم تج

ترا الدنيا في تطور والحين كل شي قاعد يصير تج بتج حتى السيارات صارت تج والكمبيوترات تج والتلفونات تج
حتى بيبان البيت صارت بالتج تنفتح وتتسكر ! وين قاعدين من الجو يخترب التج

دا كان زمااااان

الحين الدنيا كلها بالتج يعني ماراح انعيش لما يشيلون الاجهزه الي فيها دقم ونعيش على التج ؟ وبعدين لو كان الايفون حساس في الكويت جان ما استخدموه نص الكويتيين

وبصراحه انا نظرتي للي يستخدمون البلاك بيري غير .. يعني ايا كان يقدر ياخذه وكلنا نبي نتميز بالشي الي عندنا وما نبي يكون عند ستين الف شخص
الايفون مو الكل يقدر ياخذه مو كل من هب ودب طقله ايفون ومشــى لأ .. الايفون غير حتى من شكله ومواصفاته

صج انه في اشياء تنقصه بس في برامج تعوض المستخدم عن كل النقصان

زياده على هذا .. اي فييرجن ينزل على اي فون يديد .. مو لازم تقط التلفون وتشتري اليديد لأ .. مجرد ما انك تسوي ابديت لجهازك خلاص اعتبر نفسك مالك الجهاز اليديد لان كل الميزات بالاصدار اليديد صارت على جهازك

الايفون تقدر تشبك فيه بالوايرلس وتتحجا بلاش اذا كان هذا هامكم > بعض مستخدمي البي بي < .. مليون نوع مسنجر بالايفون تقدرون تنزلونه وتسولفون سواء مكالمه صوتيه ولا بالكتابه مثل المسنجر العادي وطبعا بكل مكان الوايرلس بالمقاهي والمجمعات والفنادق والبيوت .. إلخ

بالاضافه الى انكم انتو الي تحددون مميزات الجهاز بالبرامج الي تنزلها شركه ابل ,, مو اهمه محددين لهم مواصفات معينه تتقيدون فيها ! حالكم حال اي تلفون ثاني لألألأ

وانا مو بانحياز ترا حق اي فون لاني استخدمه على فكره ترا كنت ابي بلاك بيري بس قارنت مابين الاثنين وصج صج اقتنعت ان البلاك بيري ما هو الا هبه مليييييييييييقه و هبة غباء اسميها

لان الناس هبو فيها على شي يقدرون يسوونه من سنيييييين طافت بس الجهل وما ادراك ما الجهل


وسلامتكم حبيت افيدكم بجم معلومه واطلع

لان وايد ناس ظالمين الايفون واهوه اسطووووووره التلفونات واكبر دليل انه اول شركه سوت تلفون تج اهي ابل

وانجح شركه في الـ operating systems

ماكو غيرها ابـــــل

اهي الي اصدرت هالتلفون و كل الشركات الثانيه تحاول تقلدها بانتاجهم لأجهزتهم سواء تلفونات او كمبيوترات او سماعات او ستايلات

نصيحه مني لج اشتري iphone 3Gs وتوكلي على الله

للأمانه منقوول

كاتبة الموضووع >> دلوعه <<

تحياتي اختج

Fdaitney

 

[غلآة امي]

اهوا الايفون حلو واستعماله حلو

بس من رايي البلاك بيري احسن

وو الناس اذوااق لووول


خخخ احنا شدينا حيلنا وايد خخخ


يبه اللي يعجبج اخذيه شكله بتصك هوشة هني لووووووووووول

 

[ღ ƒḋảіŧňėỷ ღ]

لوووووووووووووووووووووووووووول حده بتصك هوشه

وحبيبت قلبي اخذي اللي يريييحج اذا اشتريتيه واستخدمتيه واعجبج خلج عليه واذا ما اعجبج بيعيه وكا كل وحده شرته وجربته من نفسها وانتي جربيه وخلي الناس تستشيرج اذا بغوا منج لووووووووول

 

[آلسحرآلحلال]

انزين بنات سؤال غبي شوي اعذروني لاني مو فاهمة شي بالبلاك بيري :$

شنو سالفة الاشتراك .... وليش لازم اسوي اشتراك اذا خذيت البلاك بيري ؟؟؟؟؟؟؟؟

مايصير اخذة من غير اشتراك؟؟؟؟؟؟؟؟؟؟؟؟؟؟؟؟؟؟

 

[ღ ƒḋảіŧňėỷ ღ]

جووفي حبيبتي الاشتراك اهو حق المسن اللي ببلاك بيري بس طبعا مو غصب انج تدفعين الاشتراك اذا شريته واما اذا تبين تشبكين ببلاك بيري تدفعين 14 او 15 دينار << بس مادري والله اذا سعر الاشتراك جذي ولا لأ سألي بنات بلاك بيري وان شاء الله يفيدونج

 

[آلسحرآلحلال]

جووفي حبيبتي الاشتراك اهو حق المسن اللي ببلاك بيري بس طبعا مو غصب انج تدفعين الاشتراك اذا شريته واما اذا تبين تشبكين ببلاك بيري تدفعين 14 او 15 دينار << بس مادري والله اذا سعر الاشتراك جذي ولا لأ سألي بنات بلاك بيري وان شاء الله يفيدونج

صج بس عشان المسن !!!


عيل اشتري e71 واشبك مجانا من غير مصرف

 

[Q8CUPCAKE]

صباحو ياعسولات
شلون البي بي معاكم أتمنا أنه كل شي تحت السيطره بقولكم شي ترا اول ماتآخذينه تحسين انه لويه بس الناس معطينه اكبر من حجمه بالصعوبه
هذا اول شي وثاني شي سلمكم الله انا خطي اكسبرس اول ماحطيته ماشغلوا الخدمه مره ثانيه دقيت عليهم وسويت فيلم قلبي قلبي يعني عطيتهم اني ابيه حق شغلة مووت او حياااااااااااااة لووووووووووووووووووووووووووووول وماقصر ولد الحلا ل شغله لي والامور طيبه لحد الآن.
والاخت اللي تسأل عن اي نوع بي بي تآخذ أحسن شي الكيرف وعلى فكره الجافلين أهو الكيرف وبعد البحث والتحري سلمج الله الكيرف موجود بزين بس لازم خدمه وخط زين وعقد سنوي يعني يطلعون من عينج 99 اللي دفعتيها وماأتكنسل الخدمه والوطنيه سعر الجهاز 125 والخدمه تبدا من 9 د.ك شهريا بالنسبه لخط الفواتير والاكسبرس 4 د.ك اسبوعيا ومتا ماتبين تقولين لهم مع السلامه وفيفا ماجربت صوبهم اسعارهم موصج ماعجبني الاوفر مالهم . فعندج 5 اماكن تآخذين منها الجهازبروحه الغانم ويوريكا وألتكروزان والمحلات اللي جبال الرايه ومكتبة جرير وسعر الجهاز يبدا من 127 إلى 145 والجهاز حلاته بالخدمه بدونه موشي وتأكدي من 4 شغلات الكي بورد عربي انجلش وتكون أصليه والبرامج مالته نازله وأصليه ويكون معاه الميموري كارد وكفالة تكون سنه مو 6 شهور وسلامتكم وآسفه على الإطاله

ترا نقلته لج مختصر عن البي بي وتوكلي على الله وأخذيه

 

[miss butterfly]

اول مرة بتحسيين معقد بس سهل و مع الاستعمال بتعودين عليه انا احسه عملي وايد

يعني اريكسون يونس اكثرررر

انا عندي اريكسون حاذف البي بي والعب بلاريكسون

 

[آلسحرآلحلال]

انزين ماقدر اشبك بالنت بالبلاك بيري .. من غير الاشتراك

مثل تليفونات نوكيا؟