منو جربت اللولب وتنصحون فيه ؟؟

[om MaRyooM]

السلااااااااام










بنات حبايبي صارلي سنة ونص تقريبا من ولادتي .. وماودي احمل الحين كللللش وكنت اخذ ابرة المانع لستة اشهر بعدين صار فيني نزيف

وعشان يوقفونه الدكاترة وصفولي حبوب المانع عشان يوقف الدم وتتنظم الهرمونات .. مع اني مو مقتنعة بهالسالفة


بس المشكلة الحيييييييييييين


الحبوب تافختني واحس بكآبة واحس موقاعد ينزل وزني لأني مسوية رجيم ..


ودي احط لولب .. شرايكم منو جربته ؟؟؟ تحسون فيه ؟؟؟ وانا مرة سمعت وحدة تقول زوجها يحس فيه !!!!!!!!!!!!!!! :eh_s(10):



وشنو برايكم الاحسن من تجاربكم الهرموني ولا العادي؟؟؟


يليت تفيدوني ادري الدكاترة ابخض بس بشوف اللولب للي جربته مريح ولا لووعة ؟؟؟

 

[ملح اهلها]

شوفى حبيبتى اهو ايريح من ناحية انج ماتشيلين هم زيادة الوزن
او انج تنسين تاكلين حبة وتلخبطين ومن قال الرجال يحس فية ماسمعتة شكى منة
انا حطيتة سنتين وتونى قبل شهر قاطتة حلو وتاخذين راحتج ومايلعب بالنفسية مثل الاشياء الثانية
بس شوى تحسين برطوبة مو دايما ولما قلت للدكتورة قالت من اللولب بس اهم شى كل فترة سوى فحص متابعة

 

["*آآآنؤؤؤقهـ*"]

ام مريومه انا بعد سمعت مثلج
وسمعت سالفه خطيره كافي الشر هههههههههههه انا اخترع
لاني قيصريه وصرفلي دكتور مانع لسنه جدام
فقلت احط لولب ابرك
مانصحوني فيييه كلش حتى شكثر حطو اللولب العادي مو الهرموني قوووووي حيييييييييييل
العادي في حريم حملو منه

 

[حرم_طيار]

اي والله نبي تجارب حتى انا ودي اركبه

 

[om MaRyooM]

up


مشكورين للي ردو علي ويليت الباجي يفيدونا

 

[ام حمادنه]

اااااااااااااي نبي تجارب حتى انا ابيه

وبسالح اختي شلون الابره تنصحيني فيها؟؟ قالولي تزيد هرمون الذكزره يعني تشعرين وتصيرين تخرعين خخخخ صج؟؟

 

[خبيرة اعشاب]

اللولب عدو المراة ​

تعددت اشكال اللولب و اختلفت طرق الترويج عنه , و لكن يبقى في الاساس جسما غريبا يوضع في الرحم لمنع الحمل ..

ردة فعل الجسم تختلف تجاه هذا الجسم الغريب فينقبض الرحم بشكل متواصل لطرد هذه القطعة المعدنية الغريبة ..
هذه الزيادة في الانقباضات تنتج عنها غالبا دورة غزيرة و مستمرة و كذلك افرازات مائية حيث تعاني من تستعمل اللولب من رطوبة المنطقة بشكل دائم

كثرة التقلصات ترهق عضلة الرحم فيرتخي و ينتج عن ذلك ارتخاء شديد في الرحم و قد وضحنا في السابق مظاهر ارتخاء الرحم و مضاعفاته

الالتهابات : شكوى متكررة لمن تستعمل اللولب كمانع للحمل

و له اعراض جانبية عديدة بغض النظر عن امراض الرحم حيث يؤثر على صحة الجسم عموما

اللولب الهرموني : ظهرت مؤخرا نوعية جديدة من اللولب تعتمد على ضخ الهرمونات الانثوية بشكل مستمر في الرحم لايقاف التقلصات و تخفيف الدورة الشهرية
و بالتالي بدل ان تصبح الدورة شهرية تصبح كل 3 اشهر او 4 اشهر .. و هذا ايضا شئ منافي للطبيعة

اللولب يمنع حدوث الحمل داخل الرحم ( مع ان هناك حالات حدث الحمل فعلا رغم ان اللولب مثبت في مكانه )
و لكنه لا يمنع حدوث الحمل في مكان آخر و ثبت ان العديد من الحالات اللواتي يستعملن اللولب تزداد لديهن فرص حدوث الحمل خارج الرحم
كما ان اضعاف عضلة الرحم يجعل المراة اكثر عرضة للجهاض في المستقبل

 

[om MaRyooM]

*ام حمادنة*


هلا والله

لا شدعوا اصير اخرع لووووووووووول ... ماحسيت باعراظ بس مثل ماقلت عقب جم شهر حاشني نزيف موقاعد يوقف الا بحبوب المانع





*خبيرة اعشاب*

خرعتيني ..

انزين والحل شنسوي يعني
ومشكورة ع النصيحة

 

[حروف من ذهب*]

انا حاطه الولب الهرموني لي 4 سنينوالحمد الله ماشوف اي مشاكل

 

[زوجة جوجي]

انا جربته سنه كامله

الحلو فيه ان ماتشيلين هم شي يعني مو حبه نسيت اخذها و اوسوس لا بالعكس حيل مريح
بالنسبه لي الشي اللي ضايقني فيه ان دورتي زادت من 7 ايام صارت 9 ايام
و شوي طولت على ماحملت عقب ماشلته تقريبا 7 شهور

 

[engnera]

وايد افرازات مع الللولب والدوه تصير 10 ايام وتطول وانا برمضان صمت 12 يوم منه
شلته اذاني
احسن طريقه العزل

 

[om-3abodey]

انا ماعندي خبرة باللولب بس كلام ام خالد يخوف مع ان بنت عمتي حاطة لولب ماشكت
وعفوا انا سمعت ان اللولب يضايق الريال بالجماع

 

[om MaRyooM]

مشكورين بنات


صج احنا الحريم مساكين

 

[shaikhat al-zain]

وحده من رفيجاتي تقول انه اللولب يوسع

انزين الابره شلونها مالها اثار جانبيه؟
ودي استخدمها لان اخاف من الحبوب واثارها النفسية

 

[om MaRyooM]

^
^

وااي خرعتوني على هاللولب الخايس



الابر انا مثل ماذكرت اني استخدمتهم أشهر وبالبداية كنت مرتااحة وماكو اعراظ اللهم شوية سوائل محبوسة بالجسم والدكتورة قالتلي مع الرجيم والمشي تنزل هالسوائل

بس عقب جم شهر صار فيني نزيف ماوقف الا لما وصتلي حبوب المانع ومن اترك الحبوب يردلي النزيف قالولي من اثر الابرة !! مادري عاد مع ان 2 من خالاتي يستخدمون الابرة ومافيهم الا العافية

 

[ام بديير]

ام مريوم اللولب مو على كل جسم يمشي ,., بنت خالتي مشالله الحين صارلها سنتين ما شافت اي مشكله فيه اما مرت ولد خالتي من حطته واهي تعابل فيه وراحت عند كذا دكتور ومنهم استشاريين قالو مو متحرك وما في شي بس مو على كل جسم يمشي ,., فمادري انا ما اييد اللولب انتي وحظج ووايد ناس احملو عليه ,., ما في شي مضمووون الا انج اديريين بالج والقذق يكوون بره ,., انا عكسج الحبوب تضعفني واتييبلي صداع وما اشتهي اشوف الاكل

 

[يازمان العجايب]

بصراحه افضل من الحبوب واضمن من العد او الابره
انا حاطته صارلي خمس سنين هالشهر بشيله واركب ثاني
اعراضه بس الدوره تزيد يومين او ثلاث