منو جربت الولاده الطبيعيه من غير كمام ولا ابره

[حلوه بكيفي]

السلام عليكم كروشات
شلونكم؟
شلون الحمال معاكم؟

طبعا الموضوع باين من عنوانه
انا بجريه وفي اول السابع وبصراحه ابي اكون واعيه لمن ينولد البيبي مابي اكون مخدره
وكنت ناويه اخذ ابره ظهر بس اخترعت من تجارب البنات وخاصه اللس دكتورتها ناهده يوم تقول البيبي راح يموت:eh_s(11): فعلشان جذي قاعده افكر اني اولد طبيعي والسهالات تجي من الله ان شالله
والخياط يحطولي مخدر
فبلييييييز بنات ابي تجاربكم اللي ولدوا طبيعي من غير كمام ولا ابره

 

[الأميرات الثلاثة]

يؤوه. انتي من صجج. أنا ولدت. بدون ولا شيء طبيعي. يومين. و ربي تعبت نفسيتي حيل مو شوي. ا نصيحه. لوجه الله. اخذي كمام. انتي ما اصارخ عليهم. يعطوني كمام من كثر الالم. مارضوا. اولدي بمستشفى. خاص و فكي نفسج

 

[سوسن1980]

انا جربتها مره بس صح تعذبت بس كانت اسرع ولاده ماطولت عندهم خلال ساعتين ولدت

 

[ضحاوي الديره]

يااااااااربي !!!
من صجج انتي ؟! شاللي حادج ؟
الحريم كمام وابرة ظهر وباليالله يالله يتولدون من العوار وانتي ماتبين لا هذي ولا هذي !!
صدقيني بحزة الولاده من العوااااار بتقولين قربوووو الكمام
هههههههه ضحكتيني اصلا انا من ادخل غرفة الولاده بخمط الكمام يمي واجلب فيه وماهده لين اولد

شكلج شجاعه 

 

[ام فوااز]

ههههههه
يعني ولادة بيت
عيل ليش اتعبين عمرج وتروحين المستشفى
الطب تطور والحمدالله مسكنات وكمام وإبرة الظهر ليش شالله حادج
لإنج ماجربتي الطلق وطاعة الراس الله يسهل عليج

 

[قلبي خالد]

صاحه من العوار تبي اي مسكن بس انصحج اولدي بالهادي طلعت الراس و الخياط ماحسيت فيهم كنت نايمة اهم ينمونج بطلعت الراس

 

[حلوه بكيفي]

انا مابي انام ولا اكون بعالم ثاني ابي اكون واعيه لمن اشوف الياهل

والله مادري يمكن اخذ ابره الظهر

 

[فرح79]

حبيبتي نصيحه ابره الظهر رووووووووووووعه ما تحسين بالم ابدا وتكوني واعيه 100% وتشوفين البيبي لما يطالعوه

 

[ام الحلوااات]

اللــــه يـــهـــــووون عــــلـــيـــج ويـــقــــومــــج بـــاالــــســـلامــــه

 

[عنـــآق ..!]

،








خخخخخخخخخخخخخ / ما آتوقع بتصبرين وقتهآ
آلله يهوهآ عليييييييييييييييج ..

 

[ام فواازي]

ماعليج من سوالف البنات العوار ماراح يذبحج كل طلق يجيج ثثواني و يروح مو صعب تتحملينه
انا عيالي 2 بدون مخدر واحلى ولاده واحد بالعدان والثاني بالمواساه اصلا احلا شي لما تحسين فيه و بطلوقه صج عوار بس تحسين بعواره احسن من تكونين مخدره ولما يطلع وتشوفينه و تسمعين صيحته شعور ولا احلى ويخطونه على بطنج تالي يعطوني ابره عقبها انام عشان الخياط والولاده عواره تنسينه بعد ماتولدين على طول
ولدي بالسلام نومونيي بالابر و لدت ماحسيت فيه صراحه مو شي نمت وقعدت لا شفت طلعته ولا سمعت صوته
وبالسلامه ان شاءالله و انا وياج

 

[ورود خذلتها العاصفه]

الولادة من غير ابرة ولا كماام ====تحسين روحج بتموتيييين تشوفين المووووت بعيووووونج


عذااااااااب وبالاخص اللحظات الاخيرة

 

[حب1985]

انا جربت الكمام فتره الطلق وكان بصراحة يخفف الألم علي بس وقت الولادة الفعلية قريب طلعة الراس شالو عني الكمام علشان اصحى واقدر اني ادفع الياهل

 

[حبة جالكسي]

شوفي حبيبتي انا جربتة بدون كمام في ولدي الثاني ورب البيت مع اذكار الولادة والاستغفار طلع بكل سهولة بس مااقولج بدون الالم لزم في كل الولادت الالم تدرين ليش لن ربي يكفر عن كل الذنوب اللي ارتكبتيها مع كل طلق تحسينة
ولدي الثالث اخذت كمام في البداية بس شالوة مني علشان اساعدهم ويطلع بسرعة والحمدللة تخيل كل ماحسيتي بالالم انمسحت ذنوبج ورجعتي كيوم ولدتكي امك تخيل
صج ان اللة كريم ونحن لانستحق كرمة
نصيحة ابرة لا ثم لا اخذي كمام بس في البداية

 

[حرم النقيب]

من صجك يمعودة راح تموتين من العوار لا يبا اخذي الابرة انا ماجربت بس اسمع ومن الحين خايفة مرات افكر بليل ماقدر انام من اسمع العوار فلبطن والظهر كانة واحد يكسر ظهرك

 

[أم صقر المنصوري]

حلوة أنا بجرية وماأخذت لا كمام ولأ إبرة ظهر عطوني أول مادخلت
الولادة كمام خفيف حيل عشان لا أحس بالألم بس لمن ياني الطلق قطيت
الكمام ولأ دريت عنه وحسيت بالألم بس مو الألم اللي نفس بعض البنات يقولون
بتموتين لا لا شدعوه عادي ؤالحمدالله ساعتين وولدت بسرعه وحسيت بطلعة رأس البيبي
وكنت واعية حق كل شيء يعني لا تحاتين بالعكس لحظات حلوة تعيشنها مع ألم تقدرين أتحملينه
والسهالأت من الله ....

 

[دلال و غلا]

استخيري و ربي يسهل علييييج

 

[حلوه بكيفي]

مشكورين بناااات

وحييييل شجعوني اللي ولدوا طبيعي كلها سهالات من الله وصح مع كل طلقه تنغفر الذنووب

وبنات ترا انا صار عندي ولاده مبكره في الشهر الرابع وطلقت على يومين صج انه يذبح بس اح اني اقدر اتحمل ان شالله مع ان خرعوني وقالي بو 4 غير عن 9 بس كلها سهالات من ربي ان شالله

وبستخير وبكلم دكتوري بس الاكيد اني راح اولد طبيعي

 

[ام توفي وزنوبه]

لا كمام ولا ابرة الكمام ما احبه لان احس بدوخة واظل ارجع والابرة الحمدلله ما احتاجيتها والتسهيل من الله

 

[zoooba]

كل وحده عن الثانيه تفرق في ولادات اطول و ولادات لا الله يهون عليج ويسهل يا ﺭﺏ