منو جربت الولاده الطبيعيه من غير كمام ولا ابره

[Miss independent]

انا نفسج بجريه وهم تمنيت الولاده الطبيعيه من غير ابر ولا كمام وقلت حق دكتورتي قعدت تضحك علي
قالت شالله حادج من صجج اذا تبين تحسين وتشوفين انصحج بابره الظهر
والحين للاسف تحددتلي قيصرية ومارح اولد طبيعي اصلا

 

[travel_addicted]

ليش عاد العذاب .. و الله ان إبرة الظهر رحمة من الله تولدين و انتي تسولفين
و انتي اذا خايفه استخيري احسن أنا من قربت ولادتي و أنا ادعي اذا الإبرة فيها مضره أبعدها عني يا رب

 

[لهفة المشتاقه]

حبيبتي انا كنت نفسج بنتي اقول ماراح اخذ لا ابرة طهر ولا كمام

بس والله العوار يخليج تطلبين الكمام والابره طيعيني ونصيحه لوجه الله

اذا تبين تحسين بالولاده اخذي ابرة ظهر والله شفت كل شي شفت بنتي وهي

تطلع وحطيتها علي صدري احلي لحظه وهي تخيطني شي وناسه الله يعطيه


العافيه اللي اخترعها صج احلي اختراع لاحد يجذب عليج ابرة الظهر فيها وفيها

حبيبتي السهالات من الله

 

[toto84]

شوفي يا قلبي اول شي السهالات من رب العالمين..
انا ولدي بجري ولدته طبيعي...خرعوني من ابره الظهر ولا خذيت الكمام ...لا اشفطو ولدي بغيت اموت من الشفط والله كنت احس كل شي فيني ينسحب..
ولدي الثاني والله ولدته 17\2 يعني فريش توه هههههههههههه..خذيت ابره الظهر وجنه العيد ..و اشفطوه بعد لانه بالولاده اكتشفت الدكتوره انه عندي مشكله بعظام الحوض و البيبي ما ينزل..وكانت ولادتها سهله حيل اسهل من دكتورتي الاوليه حسبي الله عليها العبت فيني..والله دشيت عندها الساعه 8 و لدت 10

بس ارد و اقول السهالات من رب العالمين...و الطب تطور و اخذي ابرة الظهر لانج بتكونين واعيه و انا حسيت باليهال و الضغط ماله..في ناس ماخذه فكره غلط عنها..روحي حق دكتور التخدير يشرخها..
الله يسهل ولادتج يا رب....

 

[مشتطـه]

واي كتبتلج رد وانمسح

كنت اقولج ما راح تستحملينه عوارر الطلق يذبح


واقري قصة ولادتي
انا بجررررر
وااااي رعب

وراح تتأثرين
دشي ملفي الشخصييي

انا اخذت كمام وشفته لما طلعوه ومسكته

 

[Meeesh]

انا ولدت من غير كمام ولا ابره وطلق صناعي
تعبت وحسيت اني بموت بس الحمدالله سهالات من رب العالمين وسبحان الله مادري بس الالم له حكمتة من رب العالمين

 

[حلا القادسية]

الله يكتب اللي فيه الخير ان شاء الله أنا بعد باول السابع وحدي أحاتي وان شاء الله أولد طبيعي مو قيصريه وحدي مشوقة حق الولادة

 

[نـعـومـه]

الحجي سهل

ابره الظهر انا معاج تخوف شوي يبيلها احد يغزها عدل

بس بنج وكمام اخذييييييه اصلا بدونهم اتوقع بتصفقين حيل

انا عن نفسي اللي هون علي الكمااااام صج فرق لان خدرني صج احس بلي جدامي بس موذاك الاستيعاب وخفف العوار لاني شفطت من اول مانسدحت لي نهايه الولاده

 

[FJ style]

ابرة ظهر طبعا وبتشوفين كل شي وتتمتعين بالبيبي
شاللي حادج

اقول
حزتها بتقولين اترجاكم عطوني كمام

 

[الم وجروح]

انا. جربت. مرتين. ولادة. العدان. بالاولاد
صج. حسيت بكل شي. بس الألم. مو طبيعي.
بس انچ. بوعيچ
مو نفس الخاص. تقعدين. بالساعات

بس حتى مسكن. ماعطوني.
والحين انا بالسابع. مرعوبه. بدور مستشفى خاص اولد. فيه
وطلعة الراس. تذبح صدقيني.

 

[متوترة]

حنا مستشفياتنا ومستوصفاتنا للحين ماوصلتهم الابره كله خايفين منها

ومستوصف عندنا عنده كمام بس الي تبي تذبح نفسها وتنتحر تروح عندهم



انا عارفه نفسي من الحين بولد بدون ابره وكمام ويارب رحمك ومغفرتك وتخفيفك عنا

 

[حلوه بكيفي]

قاعده ادور يقوقل عن تجارب الولاده الطبيعيه
واكتشفت ان انا اللي كاتبه الموضوع  صج الحمل يلعب في الذاكره

 

[*kim*]

الله يهوووت عليج

 

[بحور العنا]

بنات انتم مكبرين السوالف حيييل الله يهديكم
البنت تبي تاخذ اجر شجعوهاا والله يهونهاا عليهااوعلينا
هي الطلوق اللي تعور اما انكم توصفونهاا بالموت استغفرالله العلي العظيم
انا جايبه اعيالي الاربعه والله لاكمام ولا ابره وربي يشهد علي صح العوار يذبح شوي بس كلهاا ثواني ويطلع راس البيبي
وكان الله غفورآ رحيم بس ماتوصل للموت الله يهدي بعض البنات
والله يهون عليك وعلينا حبيبتي وتقومين بالسلامه

 

[BubbLe87]

اببب

 

[راقيه وجذابه]

يمه يمه يمه

والله رعب

الله يسهل وييسر ولادتنا يارب

 

[حلوه بكيفي]

والله كلامكم شجعني صج
واللي يخليني اصر على الولاده الطبيعيه من غير مسكنات ان مع كل طلقه ذنوبي تقل
الحمدالله على هالشي

وان شالله باذن الله بما ان باجيلي اسبوع ويوم على اخر موعد ولاده بكتب لكم قصه ولادتي

 

[روح الأحزان]

آنه خذيت كمام بس ضاق خلقي ماشفت عيالي الاول لمحته بس والثانيه ماشفتها ناويه الحين اقول لهم مايحطون لي الكمام احلى لما بتحسين بكل شي والله يقومج ويقومنا بالسلامه يارب

 

[KOKO_284I]

حبوبه الكمام لابد منه فتره الطلق وحزه الولاده يشيلونه وانتي قوليلهم ابي شي خفيف

وحابره الظهر ابدا ما انصحج فيها لانها ماساة بالمستقبل ..


والدكتوره اتقول هالكلام حزه الولاده لان احيانا انطخ من التعب وما انشد فتقول جذي من خوفج على ولدج يردلج النشاط واتشدين .. عرفتي

بس اذا بتولدين دار الشفا حيل ثقيل كمامهم

المواساه والسيف خفيف كمامهم

 

[نور التفاؤل]

اب اب