منو جربت زيت جدايل للشعر ؟!

[برنسس أوراق]

مراحب بنات

منو جربت زيت جدايل للشعر ؟!
شريت الأصلي من عبد الصمد القرشي مكتوب عليه ضد تساقط الشعر
متى تبين نتيجته ؟!
يطول الشعر ولا لاااا ؟!
إذا استخدمته مره بالأسبوع كل سبت أقدر أحصل نتيجة حلوة مني لشهر 4 لأن عندنا عرس
وأنا توني من شهر قاصه اطراف شعري لنص ظهري

 

[miss $_$ semsem]

والله ماجربته بس اذكر اختي كانت تجربه بس من زمان بس اعتقد كان زين بس ان شاء الله البنات يفيدونج

 

[FuNtk]

بالنسبه لي جربت جدايل و طيح شعري

 

[Starbucks.caffe]

اهوا من ناحية الشعر هذا شي طبيعي انه الشعر يطيح

انا جربته جدايل والل زين عادي بس ماشفت تغير شي بشعري يعني ماحسيت بفرق الحلو فيه ريحته حلوة بس
بس ماحسيت بنتيجه يمكن اذا استمريتي فيه يكون زين

 

[لمى الهاجري]

تبين نتيجة حلوة عندج الحلبة اشتريها من الحواي خلطيها مع زيت خروع او زيت الوز رهيب وعنج روب زبادي حطيه بشعرح او خلطيه مع ازيت حطيه كم من ساعة وغسليه

 

[om janoona]

اب
اب
اب
والله ما جربته
وان شاءالله البنات يفيدووونج

 

[برنسس أوراق]

يعطيكم العافيه البنات اللي ردوا

أنا حاليا استخدم زيت جوز الهند العلبة البنفسجية

وحيل مستفيدة منه والكل ملاحظ

وما راح استخدم جدايل إلا لما أخلص منه وأسأل عنه عشان أضمن نتيجته