اختي هذه الحبوب اسمها سيرازيت واهيا وايد زينة انا مجربتها مرتين مع عيالي الله يسلمهم
وطريقتهم انج تاخذين الحبة الاولى في اليوم الثلاثين من الولادة وانت بالنفاس و تستمرين عليهم كل يوم حبة بنفس الموعد يعني انا كنت اخذ الحبة كل يوم الساعة 11 مساء
والعلبة فيها 28 حبة واذا خلصت العلبة على طول تبدين بالعلبة الثانية ما كو فترة استراحة بين العلب
وطبعا ما تزل عليج الدورة دام انج مستمرة عليهم كل يوم بنفس الموعد
وبالنسبة للرضاعة فهذه الحبوب ما تاثر على الحليب نهائيا و يستمر افراز الحليب دام الطفل يرضع باستمرار وتغذيتج تكون صحية
والاعراض الجانبية ما اذكر شي معين كنت مرتاحة عليهم وبطفلي الاول استخدمتهم مدة 6 شهور وبعدين وقفت الرضاعة واستخدمت حبوب ياسمين
وبطفلي الثاني استخدمتهم مدة سنتين متواصلة وبدون نزول الدورة مع استمرار الحليب و الرضاعة وبعدين وقفت الرضاعة ووقفت هذه الحبوب وبعدها استخدمت حبوب ياسمين بس تعبت منها والحين استخدم حبوب ياز مرتاحة عليها
بس لازم تراجعين الدكتور وقت الانتقال من حبوب سيرازيت الى حبوب ثانية عشان يعلمج الطريقة الصحيحة لتغيير الحبوب
وطبعا تاخذين احتياطج اذا خذيتي حبوب المضاد الحيوي لانها تخرب مفعول حبوب منع الحمل
