منو جربت مركز عبير 2 ؟

[بنت الكويت1]

السلام عليكم حبيباتي منو فيكم مجربة مركز عبير 2 لذوي الاحتياجات الخاصة انا كلمتهم قالولي عندنا علا عن طريق ركوب الخيل ويفتحون شهر 3 لانهم الحين باجازة فياريت اللي مجربته تفيدنا ودي ادخل بنتي عندهم :q8:

 

[الريادة]

ان شاء الله البنات يفيدونج.

 

[HearT ChocolaTe]

هلا بالريادة .. هلا بالرقي والتوت
فديتج وينج زعلانه علينا ..؟؟

بنت الكويت 1 ما عندي فكرة عنه .. وان شاء الله بفيدونج البنات

 

[mosa3ada]

انا متطوعة هناك ..و والله المركز واايد زين مو عشان انا متطوعه فيه بس وايد يعتنون بالمعاقين ومدرسين زينين وانتي تعالي وشوفي بنفسج المركز وهذا سايت المركز
www.abeer2.com

 

[memes]

بصراحه ماعندي فكره
انشاء الله البنات يفيدونج

 

[الصابرة المحتسبة]

رفع

 

[thundercats]

السلام عليكم انا كنت اودي ولدي مركز عبير2 لمدة 3 أشهر و الله المركز ممتاز و حلو و عندهم نشاطات و رحلات متنوعه و انا ولدي كان يستانس لمه يروح اهناك و الأساتذه ممتازين و حنونين على اليهال بس اهوه أعتقد حق الكبار أحسن أكثر من الاطفال الصغار

 

[ريحانة_14]

أعتقد البنات تكلموا عن مركز عبير 2 صبري دقايق أدورلج الرابط ياقلبي

 

[ريحانة_14]

بنت الكويت 1 .. طلعتي إنتي إللي كاتبه الموضوع من قبل لووووووووووووووووووووول

هذا الرابط مادري عاد إذا يفيدج والا لأ ؟؟

دشي شوفي : http://www.q8yat.net/showthread.php?t=320995

 

[*دانة الخليج*]

اهو حلو دخلينه لنشاط العصر وليس مدرسه

يعني هو نادى تطوعي وليس اكاديمي واغلب اللي فيه متطوعين
وكل مكان له محاسن وعيوب

وتجارب الناس تختلف بس الاداره وايد متفهم

 

[Miss_Hopless]

مرحبا بنات اشلونكم شخباركم؟
انا عيالي اثنينهم بالمركز من تقريبا سنتين والمركز حليو بالنسبه لحجمه ومايستوعب طلبه وايد وبالصف اتوقع 3 مدرسات على 7 اطفال على ماظن. مثل ماذكرو اللي قبلي كل مكان في محاسن وعيوب بس انا مرتاحه من المركز والمدرسين نفسيتهم حلوة ويساعدون باي طريقه وشهادتي فيهم مجروحه.صحيح انه مركز تطوعي بس اغلب المتطوعين يداومون بالفتره المسائيه بس الصبح كلهم مدرسين وانا اودي الصبيان الصبح لانه دوامهم اكاديمي اكثر يعني تعليم اكثر واستفاده اكثر والعصر حلو بس يكون ترفيهي اكثر. كل خميس يودونهم رحلات يا اما الخرافي او نادي الصيد والفروسيه يعني ينوعون على حسب. والصراحه اي استفسار او ملاحظه ياخذونها بعين الاعتبار ومايقصرون. واي سؤال انا حاضرة
ربي شافي عيالي وعافيهم وعيال المسلمين

 

[*دانة الخليج*]

انا متطوعة هناك ..و والله المركز واايد زين مو عشان انا متطوعه فيه بس وايد يعتنون بالمعاقين ومدرسين زينين وانتي تعالي وشوفي بنفسج المركز وهذا سايت المركز
www.abeer2.com

عندى سؤال عنهم!!!!!!!!!!!!!!!!!!!!!

انتى لما الحين متطوعه عندهم؟؟؟؟؟؟؟؟؟؟؟؟؟؟؟؟؟؟

 

[*دانة الخليج*]

مرحبا بنات اشلونكم شخباركم؟
انا عيالي اثنينهم بالمركز من تقريبا سنتين والمركز حليو بالنسبه لحجمه ومايستوعب طلبه وايد وبالصف اتوقع 3 مدرسات على 7 اطفال على ماظن. مثل ماذكرو اللي قبلي كل مكان في محاسن وعيوب بس انا مرتاحه من المركز والمدرسين نفسيتهم حلوة ويساعدون باي طريقه وشهادتي فيهم مجروحه.صحيح انه مركز تطوعي بس اغلب المتطوعين يداومون بالفتره المسائيه بس الصبح كلهم مدرسين وانا اودي الصبيان الصبح لانه دوامهم اكاديمي اكثر يعني تعليم اكثر واستفاده اكثر والعصر حلو بس يكون ترفيهي اكثر. كل خميس يودونهم رحلات يا اما الخرافي او نادي الصيد والفروسيه يعني ينوعون على حسب. والصراحه اي استفسار او ملاحظه ياخذونها بعين الاعتبار ومايقصرون. واي سؤال انا حاضرة
ربي شافي عيالي وعافيهم وعيال المسلمين

اختى ماقررتي دخلين عيالج مدرسه موافق عليها من مجلس الاعلى
الافضل لج ؟؟؟ خاصه ان اهم اثنين واكيد مصاريف وايد عليج

 

[Miss_Hopless]

هلا حبيبتي
احنا مو كويتيين والمجلس الاعلى يشمل فقط الكويتيين فكل شي عموما علينا والحمدلله على كل حال

 

[الصابرة المحتسبة]

رفع

 

[الصابرة المحتسبة]

هلا بنت الكويت بشرينا عنج

 

[هبونه]

جم اسعارهم ؟؟

 

[MooDii]

بنت الكويت ادري الرد حده متأخر لوول انا الي كان نكي mosa3da
اي انا ليلحين متطوعة هناك وانا مو قاعده اقول هالحجي لاني متطوعة بس لان انا اشوف بعيني المعاملة مكان حلو
وحتى في كاميرات يعني تأمنين على ولدج

 

[bint_looda]

والله تعاملهم ممتاز ماشاء الله