منو جرب الترانزيت في مطار الدوحة في قطر

[q8tiaa81]

السلام عليكم بنات منو جرب الترانزيت في مطار الدوحة بقطر لاني اخر مرة جربته في 2005 كنت رايحة سنغافورة وكان المطار تعييييس ومافيه الا مطعم واحد وتكرمون حمام واحد وعليه دور طويل والمطعم مافيه كراسي كان تعيس بمعنى الكلمة ابي اعرف راي اي وحدة فيكم راحت عليه من مدة قصيرة وجربت الترانزيت هناك ومشكورين

 

[Samurai]

انا يمكن جربته قبلج .. وفعلا كان تعييييس بمعنى الكلمه .. ان شاءالله غيروه

 

[*loveli-noni*]

لاوالله ماجربته..



تقلبي مروري..

 

[لولوة الكويتية]

السلام عليكم بنات منو جرب الترانزيت في مطار الدوحة بقطر لاني اخر مرة جربته في 2005 كنت رايحة سنغافورة وكان المطار تعييييس ومافيه الا مطعم واحد وتكرمون حمام واحد وعليه دور طويل والمطعم مافيه كراسي كان تعيس بمعنى الكلمة ابي اعرف راي اي وحدة فيكم راحت عليه من مدة قصيرة وجربت الترانزيت هناك ومشكورين

انتي رايحه من. خمس سنين. اكيد الحين تغير الديره بكبرها. تغيرت بعدين انتي اشعليك كلها ساعه او اكثر وانتي الي ماشيه

 

[bambena]

المطار زين بس وايد صغير

 

[لولوة الكويتية]

اب اب اب كويتيه 81 تستاهل لا تخلونها

 

[كرز أخضر]

انا مريته ترانزيت ساعتين في 2008..ومثل ماقلتي..مطعم واحد وزحمه عليه...ويلوع الجبد...يمكن تسنع بهالسنتين مادري..

 

[q8tiaa81]

مشكورين حبايبي ماقصرتوا ومشكورة لولوة الكويتية بس تدرون معاي يهال ويبون حمام تكرمون واكيد يبون ياكلون والحمام زحمة مادري بعد حلو الواحد يسأل لو علي انا عادي اتحمل ساعتين انا اذكر كنت انا وريلي بروحنا رايحين حتى كرسي مالقينا نقعد عليه وكله خدم يالله الله يسهل شنسوي بعد انسب خطوط لقيتهم القطرية والهولندية وريلي يقول نروح عالقطرية احسن مادري ليش

 

[للحين ناطره]

انا الصيف اللي طاف نازله فيه ترانزيت
ماتعديت صالة الانتظار
لكن مريت الحمام ماكان زحمه
المطار بشكل عام كان صغيييييييير

 

[لولوة الكويتية]

كويتيه 81 اذا تحسين انك محتاره استخيري والله ترتاحين والله بيسر كل امورك

 

[q8tiaa81]

اي شسوي بعد على اي طيران احجز ماكو الا القطرية بتوكل على الله وانشالله خير مو الا ياكلون بالمطار )) وجان عالحمام ننطر دور اي والله يختي المطار حيل صغير مادري ليش جذي

 

[البندري]

انا رايحتله العام .....زحمة .........ماكو كوفي إلا اثنين مادري عن المطاعم ...لكن إلا ضايقني ركوبج للطيارة ونزلتج منها تركبين الباص ماعندهم الممر ...ماأنصحج بالترانيت قطر .. دوري ترانيت ثاني ..عندج دبي أفضل من قطر

 

[لولوة الكويتية]

خلك على القطريه

 

[q8tiaa81]

البندري شسوي الاماراتية صراحة وايد غالية فرق الف دينار صراحة مو شوية

 

[franshiska]

رد : رد: منو جرب الترانزيت في مطار الدوحة في قطر

المطار زين وصارت فيه توسعه
توكلي على الله وروحي

 

[قـہۈه فـرنسيـہ™]

جيته ترانزيت صج صغيروون بس كان زين مادري كان ترانزيتي 45 دقيقه فما مداني أفتر ...

اللي صج حلووو مطار البحرين ...هههههه صج مجكنم بس يووونس

 

[الدلال]

ماقط جربته بصراحه

بس سمعت نفس كلامج اللي قلتيه ان صغير حيييل

 

[كويتية أصيله]

العام رحت له تراتزيت ساعتين فااااااااضي لانه وصلنا خمس الفجر ونظيييييييف بس صغير تريقنا فيه ودخلنا الحمام وصلينا بالعكس زين ماشوف فيه شي شين

 

[q8tiaa81]

كل اللي ردوا علي مشكورين وايد ماقصروتوا

 

[دولكة ماي]

هلا حبيبتي

آآنا رحت السنه اللي طافت ترانزيت لندن بطيران قطر الدوحه .. صراحه كان عادي
وقفنا بالدوحه قعدنا يمكن ساعه او ساعه ونص وماطولنا حيل ونزلنا تحت في محل كبيير مثل دبنهامز وجذي فيه كل شي