منو حضرت العرض العسكري ؟

[اخت واختها]

منو حضرت العرض امس وعاشت الفلم لوول

امس التنظيم مو شي الباصات شويه الناس يتداززون عشان يصعدونها ولما خلصنا ردينا مشي ما ادري وين الباصات

احنا واليهال والشياب كلنا نمشي على التراب جنه داشين دورة مغاوير لوول :eh_s(9): ومن شارع لي شارع يالله وصلنا سياييرنا

صارلنا ساعه ونص واحنا واقفين بالمسافط من الزحمه الي خلاص كرهت نفسي وطلع العرض من جبدي

حتى ويهي للحين طماطه تخيلو :eh_s(14):

لا ويع مو خوش تنظيم وتوبه اروح عرض عسكري بعد
​

 

[بحر الرمال]

الله يعينج
احس الفعاليات و العروض بس تصلح حق شباب مو مالت بنات اذا تبين تطالعين في بالتلفزيون

 

[اجمل نساء 2011]

رد : منو حضرت العرض العسكري ؟

صجج ما ادري والله ماحضرنا بس رحنا العبدلي ونشوف الناس رايحة العرض يالله خيرها بغيرها

 

[ˆώ• اح ـساس المطر •ώˆ]

وانا زعلانه عشان ماقدرت اروح !

لوووووووووول

الا بسألكم شسالفة الكرنفال اليوم متى يبدي ؟؟

 

[أم@الحلوين]

انا رحت مع ريلي وعيالي امبيييه زحمه ولويه وقعدنا عالتراب ماكو تنظيم كلش
والناس كلها واقفه وزحمه ومانشوف شي بصراحه عرض الابراج واااااااااااااايد أحلى

 

[اخت واختها]

رد : منو حضرت العرض العسكري ؟

الكل تاذى حتى الشباب اشوه كان غيم امس شوي ولا جان متىنا من الحر

في ناس نصبت الخيام هذي الي تسفط ما ادري من وين يابوهم لوول

 

[قطــرات مطــر]

صج لوية وزحمه وكنتت خايفه على امي تتعب لان من الصبح اهناك بس وناسه وتحسين روحج مفتخره

الله يديم هالعز وهالفخر علينا


اليوم

بشارع الخليج كرنفال العصر يبلش

لايطوووووووووووووووووفكم بنات استعراض فيه وشغل عدل يقولون وكل شي مفاجاة

الله لايغير علينا قولو امين

 

[♥ SWeeRa ♥]

رد : منو حضرت العرض العسكري ؟

توقعت مافي تنظيم
لانه بالبر وحوسهـ


<~مارحت

 

[تهاني الاميره]

رد : منو حضرت العرض العسكري ؟

انا رحت وكان وناسه بس لو
في تنظيم يكون احلى

 

[CALM]

رد : منو حضرت العرض العسكري ؟

واحنا رايحيين العبدلى شفت شوي من سيارات شرطه ورا بعض ودبابات


<< وحسسافه مارحت كان ودى اروح

 

[المستغفرة 74]

اية والله ما شفنا شي من الزحمة وطول الوقت سافطين بالمصافط لين ملينا وردينا البيت
وهذا غير التغريزات الي صارت للسيارات الصغيرة
وتوبة ما كررها اشوفها يالتلفزيون ولا الشحططة

 

[اخت واختها]

رد : منو حضرت العرض العسكري ؟

اى صح هو وناسه وصورنا هناك بس الي عفسنا ان ماكو تنظيم

 

[جـــواهر]

قبلها بيوم طلع عسكري ع التلفزيون وتكلم
وقال اللي بيحضر العرض يحضر مبجرررر
وتكلم عنه ... عرفت ان بيكون زحمه لان المدرجات شويه

 

[ضيا نجد]

ليش متنرفزين اللي حضروا العرض العسكري ؟؟؟

والله انا عندي اي شي تقدمه الكويت سواء كان عرض او كرنفال او اي شي حتى لو بسيط في مستواه مثل العسل على قلبي ..

خاصة امس الاجواء كانت حلوة ومطر وغيم ... كافي غيرنا شوي من البيت والمولات والاماكن المسكرة !!

والله في ناس اول مرة تطلع البر امس !! واول مرة يشوفون بر الكويت !!

الناس اكثرها متحلطمة علشان طولوا بالمشي :: اكيد معذورين اكثر شباب الكويت مايمشون 200 متر على بعض فأكيد يحسون بالتعب والزهقة .... بس استانسنا وونسنا بعضنا ..هذا اهم شي

هذا العرض لفتة حلوة من الجيش والشرطة والحرس الوطني .. كافي تعبوا بالتدريبات .. الله يعطيهم الف عافية

خاصة كباتن الطيارات النفاثة ... يااااحلوهم والله ​

 

[عذوب مطير]

رد: رد : منو حضرت العرض العسكري ؟

،

كنت موجوده بس مآا دخلونآا للمدرجآات ، لأن الأغلب جايين من 8 الصبح

وما شاء آلله آحس الكويت كللللهآا فيه ، قعدنآا فـ التل وقهوتنآا ويايا ، بس نشوف آلعرض الي ب الجو


وآلواحد يستآنس إذا فيه فعاليه ب الكويت حتى لو ف البر

’ ’ وماا نستغنى عن التطعيس وإستعرآاض شبابنآا

 

[اخت واختها]

رد : رد: منو حضرت العرض العسكري ؟

ليش متنرفزين اللي حضروا العرض العسكري ؟؟؟​

والله انا عندي اي شي تقدمه الكويت سواء كان عرض او كرنفال او اي شي حتى لو بسيط في مستواه مثل العسل على قلبي ..​

خاصة امس الاجواء كانت حلوة ومطر وغيم ... كافي غيرنا شوي من البيت والمولات والاماكن المسكرة !!​

والله في ناس اول مرة تطلع البر امس !! واول مرة يشوفون بر الكويت !!​

الناس اكثرها متحلطمة علشان طولوا بالمشي :: اكيد معذورين اكثر شباب الكويت مايمشون 200 متر على بعض فأكيد يحسون بالتعب والزهقة .... بس استانسنا وونسنا بعضنا ..هذا اهم شي ​

هذا العرض لفتة حلوة من الجيش والشرطة والحرس الوطني .. كافي تعبوا بالتدريبات .. الله يعطيهم الف عافية ​

خاصة كباتن الطيارات النفاثة ... يااااحلوهم والله ​

احنا نبي الي يطلع من الكويت شي اقوى واحسن من جذي

ما شفتي الامريكان شلون يطالعونا واحنا نمشي @@

انا من شفت العسكريين البحرينيين نزلو الماي حق الي قاعدين يمشون انقص ويهي فشلونا جدام القوات الصديقه لول :eh_s(16)::ggdw:

 

[الزيــALZAINــن]

رد : منو حضرت العرض العسكري ؟

انا شفت جزء منه بالاخبار و ان شاءالله اشوفه مره ثانيه :eh_s(10):..

الله يعطيهم العافيه كل من شارك بالعرض العسكري و الى من اشرف عليهم بصراحه انا اشوف انهم بذلوا جهد كبير اثناء الحجز و التدريب و ما حدث على ارض الواقع :eh_s(9):...

الله يديم عزج وافراحج ويحفظج ياكويت :q8:، شكرا لكم اخواننـا دول الخليج و دول الاشقـاء العرب والدول الصديقة :ggdw:.

كلمه خاصه جدا لزوجات احد الابطال :eh_s(7): الي شاركوا بالعرض العسكري: قرة عينكم و الله الله فيه لما يوصل بالسلامه ..

 

[جنون الـq8]

وناااااااااااااااااااااسه بس زحمه

http://www.q8yat.com/showthread.php?t=806709

و هذي مشاركتي رقم 12

 

[سحـآبة مطر✿]

رد : منو حضرت العرض العسكري ؟

آنـآ رحت وع وع احلى شي نفسيه العسكريين تهبل ويصورون مع الصغار وجذي

من آول مآطلعنا لين ردينـآ

طلعت آلسـآعه 8 انا واهلي وطول الطريج مسيرات ووناسه

وصلنا هناك هوشات وطق بين العسكرين هوشتين صارت جدامنا !!

ماكو تنظيم ابد ابد ~

الباصات شويه حيييييييييل ماراعوا كبار السن ع الاقل حنا نمشي وجذي

بس والله عفت الرووحة وامي تهاوشنـآ > مآسوت علينـآ

ومآكـآن فيه استعراض قوي يعني لا حيل عادي والدبابات خربانه تدخن خخخ

ومصورتهم اصلا . .

وخلونا نمشي 6 كيلوات طلعت روحنا والله رجوولي لليوم وارمه

والناس تدعي عليهم ماسوت عليهم من عرض الناس جاية ومتعنية وهذي اخرها مشي

وردينا الساعه 4 ونص بعد طلعه روح بين المصافط وهم ردينا من المدرجات لين المصافط مشي

والمسافه مو شويه !!

الي ماراحت لا تحكم !!


وووبس ادري طولت بالحجي بس من حر مافيني والله ~

ومشكورة ياقلبي

 

[{هتًان}]

رد : منو حضرت العرض العسكري ؟

انا حضرت هالعرض

وحضرت عرض سنة 2009

اللي بـ 2009 أفضل تنظيم وعرض وتعاون وخدمات

اما عرض هالسنه 2011 حلو ويونس وخاصة انا خذنا عيالنا الصغار

اللهم الا الزحمه اللي اجبرتنا نقطع مسافه طويلة مشياً على الأقدام وكله يهون لديرتنا

صراحه هاليوم ماينسى حيل استانسنا وورمت رجولنا بعد ههههههههههه