منو درست ولدها عند استاذ احمد حمزة

[سارونة الأمورة]

منو درست ولدها عند استاذ حمزة الخياط

بنات منو دخلت ولدها عند استاذ احمد حمزة اللي يستقبل فقط اطفال الروضة ويؤسسهم عدل في الرياضيات والعربي ابي ادخل ولدي بس محتارة اودية لاحمد حمزة ولا القاعدة الحلبية
نصيحتكم بنات

 

[ضحـاوي]

ما اعرف احمد حمزه

اعرف حمزه الخياط

اذا قصدج حمزه الخياط سجليه على طووووول عنده

تاسيس مو مثل اي تاسيس بس هذا الي اذا لقيتي عنده مكان

وطبعا ماكو مقارنه بينه وبين القاعده الحلبيه

حمزه الخياط اقوى بوااااايد

 

[البيداء_77]

والله انا دخلت ولدي عند الاستاذ احمد الشطي واهوه تلميذ الخياط بس الي اعرفه انه الخياط ما ياخذ الا الي يعرفون شوي يعني عندهم خلفيه

فأنصحج تودينه القاعده الحلبيه بالصيف لانها ممتازه وعقب السنه اليايه ويده الخياط

 

[سارونة الأمورة]

ضحاوي والبيداء مشكورين على الرد
ما اعرف صراحة اسمه عدل قالولي احمد حمزة بس الظاهر هو حمزة الخياط اللي بالجابرية انا دقيت عليه
وسجلت ولدي اللي باولى روضة وقالي الدراسة شهر 4 وهم سجلته بالقاعدة الحلبية لان ودي ادخله الحين
القاعدة الحلبية على ما يجي شهر 4 بس قالولي انه يبي الجاهل ما يعرف شي علشان هو ياسسه عدل
فما ادري محتارة وابي اشوف راي البنات

 

[math2020]

طبعا ودي عند حمزة الخياط انا عندي اجسن من القاعدة الحلبة انا امجربة الاثنين

 

[هوى الدار]

جم رقم حمزه الخياط ما عليكم امر ؟؟

 

[همسات ليالي]

حمزه الخياط بالخالديه وانا من خمس سنين اتعامل وياه

الحين احس انه صار مو مثل اول

والتركيز على الياهل نفسه

 

[سارونة الأمورة]

math همسات ليالي مشكورين على الرد
هوى الدار هذا رقمه 6228353 واذا بتسجلين دقي عليه بسرعة لان اذا اكتمل العدد ما يستقبل ولازم
تحجزين من الحين حق شهر 4

 

[الكروان]

اهوا ممتاز وبصراحة ما تتحسفين تودين عيالج عنده , بصراحة انا شفت بنت صديقتي صج صج مستفيده

 

[سارونة الأمورة]

الكروان مشكورة على مشاركتج

 

[سـكـر زيـادة]

بصراحة جذبني العنوان واستفدت منه مع ان ما عندي عيال


بس خشيت الرقم للمستقبل :>

 

[السنعة2]

حمزه الخياط تعاملت معاه من 6 سنوات كان ممتاز وقمه

بس تعاملت معاه العام صراحه ماعجبني وايد قام ياخذ اطفال وايد وما عاد في تركيز على الياهل مثل اول

واهو ماياخذ ياهل مايعرف الاحرف وما يفرق بينهم لا يبي ياهل يعرف يمسك القلم ويعرف الاحرف
والحين مو اهو الي يدرس لا عنده مساعدين ومكانه في الخالديه
اللجنه الثقافيه النسائيه اخذ مكان حضانه البستان


وصراحه القاعده الحلبيه تفيد الياهل بمعرفة الحروف خاصه اذا كان المدرس الي ماسك الطفل قوي وحريص

وعسى الله يوفق عيالكم اجمعين

 

[سارونة الأمورة]

إطلالة قمر حياج الله وانشاالله تستفيدين من الرقم لما ربي يرزقج الاولاد
السنعة مشكورة على مشاركتج خلاص بدخله القاعدة الحلبية بالصيف وشهر 4 عند حمزة الخياط

 

[هبونه]

اوكي سارونه عفيا ابي رقم القاعده الحلبيه علشان اسجل بناتي

 

[حبووبة 76]

مشكورة للمعلوومة

 

[العود الأصلي]

[/B][/SIZE][/COLOR]

اوكي سارونه عفيا ابي رقم القاعده الحلبيه علشان اسجل بناتي

انا بعد ابي رقم القاعدة الحلبية عفية وابي معلومات عنها اكثر يعني يهتمون بس بالعربي انا ولدي ممتاز بالانجليزي وبس بقويه بالعربي وجزاكم الله خير لاني حاولت بحمزة الخياط بس قالوا لازم من اولي ابتدائي وانا باذن الله ولدي السنه اليايه بدش ثانية ابتدائي

 

[nouna82]

انا بنتي ماكانت تعرف تمسك القلم عدل والله السنة اللي فاتت دخلتها عند حمزة ماشالله عليه كان يقعد يمها ويعلمها و ركز لين الحين خطها صار روعة و اهي الحين اولى ابتدائي

انصحكم فيه

 

[أم _ أيون]

أحمد الشطي بعد واااااااااااااااااااايد زين وممتاز وديت بنتي أول السنة 5 أسابيع ماشاء الله صارت تعرف تكتب وتقرا

 

[مارلين مونرو]

لو سمحتي ابي رقم احمد الشطي

ويعطيكم العافية

 

[روح الوردالاصلي]

سجلي وتوكلي علي الله و ما راح تتحسفين وانتبهى يبى متبعه