منو راحت تصب بانزين اليووووم ؟؟

[[]نهاوند[]]

ياويلهم من ربهم اللي يستغلون حاجة هالفقارى المساكين ويحذفونهم بالشوارع

الواحد فيهم تلاقينه متسلف ومتدين بديرته واذا عنده شي هناك باعه عشان يجي الكويت ويشتغل وبالأخير ينحذف بالشوارع وبالأشهر ما ياخذ راتبه

ويلومونه ليش يسوون جرايم ويصنعون خمور ويديرون بيوت دعاره استغفرالله العظيم صج اللي يسوونه حرام وغلط بس والله ما الومهم الجوع والفقر يمكن يخلي البني آدم يكفر

ايه عاملومهم معاملة اوادم وعطوهم رواتبهم كل شهر وخلوهم يترزقون الله ويشتغلون شغل اضافي اذا قدرو وراح تختفي الجرايم ومصانع الخمور وبيوت الدعاره​

 

[شآعرة الخليج]

الله يعينهم صراحه

حرام مايعطونهم اجورهم

 

[ســــــــــما]

انا دريت عنهم وضاق خلقي

منو ورا سالفة معاشاتهم ؟؟ منو المسؤوووووووووول ؟؟؟؟؟

 

[softlady]

سما المفروض الشئون


لكل الي ردووا :tek:

 

[looooly89]

لا حول ولا قوة الا بالله
والله عورتي قلبي عليهم ...
يعني شنو بينقص منهم اذا ادفعو معاشهم :0bee2e8d89: :0bee2e8d89:

 

[غزلان]

لووووووووووووووووووول
زين مارحت عبيت اليوم والا جان حرقت المحطه عليهم ماعرف اصب
بس زين يسوون فيهم كلها 20 دينار ويتمننووون فيها

 

[جوك احلى جو]

ياويلهم من الله حرام معاشاتهم علي 15 و20 وهم مايعطون ويقولون ليش البوق زايد بعد

 

[كندية]

اتساءل وين نواب مجلسنا الجبارين إلي ماسمعنى إلا صراخهم و كلامهم الفاضي

ووقت الإنتخابات, كل واحد طاق الصدر و يتوعد انة بشوف حل

كاهو الصيف يه, كل واحد شال قشة و سافر

والله حرام, وين الذمة و الضمير
استغفر الله مرة عطيت واحد منهم مبلغ بسيط جدا لمن خذى الفلوس مات مات من البجي

عورلي قلبي والله
رواتبهم على 20 دينار؟
شلون يعيشن عايلة بهل مبلغ؟؟

شكلي بشتكي على ديرتي عند الأمم المتحدة و حقوق الإنسان لانة المسؤولين إلي فيها عاجبهم الإستعباد
لاحول ولا قوة إلا بالله

الله يخليييج شدعوه يسوون شيء الامم المتحدة...للاسف اكثر الدول العربيه جذي..ومره امريكا نفسهااا حطوا برناامج عن دبي لا واشكره يقوولوون ان الحصن ملووت الامير عايشين عيشه احسن من العماااال..اشوف محد سوى شيء..الله يخلييج الام متحد حجي على الفاااضي...​

 

[rzaan77]

اى والله يكسون الخاطر زين يسووون

 

[Anwaar]

مساكين الله يعينهم

صح كلامج

 

[ام خالد 78]

حرام عليهم والله .......

 

[حناينq8]

صح كلامج سوفت ليدي

بس الشرهه مو عليهم

على اللي كودهم بالديره على غير سنع


ويعطيج العافيه

 

[كولوراديه]

نفس الكورس إلي طاف الناظره تقول للبنات يا ويلها إلي تقط قراطيس لان الفراشات ماخذين اجازه و انظف صف راح نعطي البنات جائزه والله ضحكتني نصابه :×

 

[هبووونة]

الصراحة الله يعينهم


والله انه قلبي يتقطع لما اشوف هالعمال نص الظهر والشمس صاكة بروسهم


وهم قاعدين يحفرون ولا يصبون بنزين


واحنا سيايير وتككييف ونشكي




الله يكون بعونهم

 

[^^DADDIES GIRL^^]

صح حبيبتي في منهم مساكين

بس اكثر البنغال وصخين تخيلي مسوين لهم مكان بالجليب اتوقع اسمه دوار الشيطان يقول ريلي لو يبوقون سيارتك ويبيعونها جدامك ماتقدر تسويلهم شي لانهم مسوينلهم ديره فيها تخيلي توهم الشرطه قدرو يدشون المكان لانه كانوا يخافون منهم @@ والله العظيم عمي منصب بالداخليه يقول هالحجي مسوين شبكة دعاره وخدم وخمر....

اصلا تخيلي قلت حق سايقنا انته بنغالي جان يعصب يقول انا هندي شنو بنغال كله موزين

معروفين عسكر بنغال عند ريلي ملوعين جبده

بس يقول ريلي التجار اللله يسامحهم ايبونهم لانهم ارخص عماله

 

[softlady]

صح حبيبتي في منهم مساكين

بس اكثر البنغال وصخين تخيلي مسوين لهم مكان بالجليب اتوقع اسمه دوار الشيطان يقول ريلي لو يبوقون سيارتك ويبيعونها جدامك ماتقدر تسويلهم شي لانهم مسوينلهم ديره فيها تخيلي توهم الشرطه قدرو يدشون المكان لانه كانوا يخافون منهم @@ والله العظيم عمي منصب بالداخليه يقول هالحجي مسوين شبكة دعاره وخدم وخمر....

اصلا تخيلي قلت حق سايقنا انته بنغالي جان يعصب يقول انا هندي شنو بنغال كله موزين

معروفين عسكر بنغال عند ريلي ملوعين جبده

بس يقول ريلي التجار اللله يسامحهم ايبونهم لانهم ارخص عماله

كلامج عدل بعضهم استغلوا وجودهم بالكويت واشتغلوا بالحرام


الشره على الشركات الي كودتهم مثل ما قالت حناين

 

[N.springflawer]

الله يعينهم مساكين

 

[baby_ pink]

الله يستر خوفتوني سايق اهلي بنغالي بس امين وهادي حتى امي ما ترضا عليه اذا عصب عليه واحد من اخواني...
لأن قديم عندنا من ألفين وحطبه ....

 

[برونزية]

انا امس صار فيني نفس الموقف نص ساعة وانا ادقدق هرنات ولا اكو فايدة
جان اطلع من المحطة بدون بانزين

 

[softlady]

برونزيه انا قمت اطر من اي احد سكتي


يسلموو الي ردووااا