منو راح حق زلمسي ؟؟؟؟؟؟؟؟؟؟؟؟

[عنايد]

السلام عليكم ورحمة الله وبركاته
شلونكم حبايب قلبي؟؟
منو فيكم راحت حق زلمسي ؟؟؟
وصج انها مثل مايقولون رووعه؟؟
الديره امان ولا لا ؟؟ يعني ممكن احنا الخليجيين نروح لها عادي خصوصا ان في منا المنقبات وانتو عارفين الاحراجات؟؟

 

[عسولة الكويت]

مشاركة: منو راح حق زلمسي ؟؟؟؟؟؟؟؟؟؟؟؟

[FONT=Century Gothic]هلا عنايد انا رحت زيلامسي الصيف اللي طاف

الصراحه زيلامسي روعه فعلا هي جنة الله في أرضه

وبالنسبة للنقاب شكثر النقابات هناك وخواتنا السعوديات كانوا لابسين نقاب بيج وملفع بيج وعبايه بيج يعني ماكانوا لابسين اسود باسود سألت وحده بالفندق قالت لي خايفين يتهمونهم بالارهاب ماادري صج والا تتغشمر ..؟؟؟
بس الوضع عادي وامان حيييل وشعب طيب وحبوب واذا تبين اي شي عن زيلامسي انا بالخدمه عارفتها شبر شبر ...

وانشالله تروحين لها وتردين بالسلامه .....[/FONT]

 

[على البال]

مشاركة: منو راح حق زلمسي ؟؟؟؟؟؟؟؟؟؟؟؟

أختي عنايد آنا رحت زلمسي قبل كم سنه هي عباره عن قريه صغيره تقع على بحيره محاطه بالجبال وسبحان الله آآآآآآآآآآآآآآآآيه في الجمال والثلوج تغطي رؤوس الجبال ودرجة الحراره في الصيف ما تتعدى 9درجات في الصيف وبالنسبه للامان آمنه جدا جدا وفيهامنقبات وخليجيات وايد
ومافيها المناظر اللي بالي بالك لان عدد سكانها قليل أما ملاهي الاطفال فما كان فيها ذاك الوقت ماأدري عن الحين بس فيها تلفريك أما الفنادق فيها الجراند هوتيل 5نجوم ليلته ب45دينار والمطاعم كنا مطيحين عند مطعم تركي عنده خووووووووووش مشاوي حلال وخبز تنور كما يوجد شقق مفروشه أسعارها 15دينار باليله وأقرب مدينه لها سالزبورج تبعد 45دقيقه بالقطار وكلمة زالم سي تعني (بحيرة البجع )آنا أقوول يبيله زلمسي :d

 

[yam_yam]

مشاركة: منو راح حق زلمسي ؟؟؟؟؟؟؟؟؟؟؟؟

أنا رحت لها قبل 10 سنوات أيام ماكان فيها عرب كلش
و العام رحت ها بصراحة ودي أروح لها كل سنة
و أحىلى شي فيها الرحلة اللي من فينا لزلمسي مناظر و لا أروع من كذا
حلوة روحيلها و أنتي متطمنة و شعبها ماله شغل بشي

 

[sHa6o0ra]

مشاركة: منو راح حق زلمسي ؟؟؟؟؟؟؟؟؟؟؟؟

زلمسي جنه وتهبل لكن لايحوشج عيايزهم فيهم حقد على المسلمين بس جيل الشباب عندهم زينين

الفنادق راح تلاقين كل العرب متكودين بجم فندق لان باجي الفنادق غالبا مايقبلون عرب واحنا صارتلنا سالفه مع فندقين

عيايزهم فيهم عنصريه مو طبيعيه

بس الديره حلوه استانسوا فيها ولا يهمكم عيايزهم

روحوا الجبل السكي وايد حلو عندهم لان الجو دافي مو برد برد .. وعندهم زحلاقيه من فوق الجبل لي تحت حلوه تصعدولها بالتلفريك

الصراحه منطقه حلوه ماتتطوف

 

[ana_tolip]

مشاركة: منو راح حق زلمسي ؟؟؟؟؟؟؟؟؟؟؟؟

انا ر حتها العام وااااااااااااااااااايد حلوة جنة كافي الخضرة والبحيرة
ولا فيها خوف لا من ارهاب ولاشي عادي ومحد له شغل بالثاني
حتى سوقهم كان حلو
بس المناظر الطبيعية والبحيره والجو وايد احلس
​

 

[طوق البنفسج]

مشاركة: منو راح حق زلمسي ؟؟؟؟؟؟؟؟؟؟؟؟

زلمسي اتينن انا رحتلها 2003 اتهبل جو وطبيعه و اماكن و شعب و رومانسيه فضيعه اذا تبين معلومات احنا بالخدمه

 

[ام أحمدووه]

مشاركة: منو راح حق زلمسي ؟؟؟؟؟؟؟؟؟؟؟؟

زلمسي باختصار جنة الله على الارض

 

[lolo77]

مشاركة: منو راح حق زلمسي ؟؟؟؟؟؟؟؟؟؟؟؟

اي انا بعد سمعت عنها
انا مو رايحة بس حيل اتشوقت
كنت سامعها عنها اول والحين انتوا بعد شيشتونا
شكلها روعه وايد
انشالله يكتبلنا سفرة حلوة مثل هذي

 

[رفرف]

مشاركة: منو راح حق زلمسي ؟؟؟؟؟؟؟؟؟؟؟؟

اي والله جنة الله في ارضه سبحان الله اتينن احلى مكان بالدنيا ماظن في مكان طبيعته احلى منها ....

والناس مالهم شغل باحد وحبوبين ...
وعادي في منقبات ومتحجبات لأن الديرة سياحية فمتعودين على العرب عادي ...

 

[ألماسه]

مشاركة: منو راح حق زلمسي ؟؟؟؟؟؟؟؟؟؟؟؟

شي فوق الخيال هاذي زلمسي مع اني رحت كذا دولة أوروبية بس مثل زلمسي ما شفت.لا تطوفك رحلة الزحليقيات ورحلة الثلج ورحلة الشلالات ورحلة كل ثلاثاء حق مدينة البندقية (فينيسيا) في ايطاليا وزلمسي أمان وناسة ولا يطوفك مطعم جمال الهندي عنده برياني ربيان ماذقت نفسه

 

[مواســم]

مشاركة: منو راح حق زلمسي ؟؟؟؟؟؟؟؟؟؟؟؟

السلام عليكم ورحمة الله
احببت ان اعطي بعض المعلو مات عن فنادق زي لام سي ومواقعها
1--salzburgerhof وهو فندق 5 نجوم كبير جدا وفخم وقريب من البحيره واليكم الرابط
http://www.salzburgerhof.at/
2-- فندق .fischerwirt وهو فندق 4 نجوم واغلب المكاتب السياحيه متعامله معه لكن موقعه في وسط السنتر في ازقه ضيقه جدا ومزدحمه جدا وفي محلات تحته وكافيهات لكن وقت الحر اعتقد يكون حارولو تفتح الشباك المباني تحيط به من كل جهه والشوارع اللي تحيط به في غاية الضيق اليكم الرابط
http://www.fischerwirt.com/
3- فندق هيتز مان 4 نجوم يقع وسط السنتر تحته الماكدونا لدز وانا مار شفت الشبابيك مفتوحه والمراوح شغاله يعني وقت الحرفي مروحه بس ماهو على طله على شوارع اوسع بسنه عن الشارع اللي يقع فيه fischerwirt وهذا الرابط حق الفندق
http://www.zellamsee-hotel.at/
4- فندق 4 نجوم zum-hirschen وهو يقع في وسط السنتر في جنب هيتز مان وغرفه حلوةه كما في الموقع الرابط
http://www.zum-hirschen.at/ والفندق ماهو كبير مره


5- فندق tirolerhof تايرول هوف 4 نجوم فخم وكبير وعباره عن 3 مباني وشف غرفه في الموقع حلوه ومن تحت الفندق هناك مجرى صغير للماء وترى هذا الفندق وفندق هيتز مان وفندق.zum-hirschen قريبه من بعض بس كلها ماتطل على طله فهي في وسط السنتر في موقع واحد اليك الرابط
http://www.tirolerhof.co.at/
6- فندق جراند وهو افضل فندق دخلته من جوى حلو مره ويطل على البحيره على طول وجلسلته حلوه ايضاوخلفه حديقه صغيره فيها العاب خفيفه للاطفال واغلب جلسلت الناس وخاصة الخليج فيها اليكم الرابط
http://www.grandhotel-zellamsee.at/
6- فندق سي هوتل4 نجوم رائع طلته جنان وعلى البحيره رأسا ياما وياما جلست فيه وتناولت الشاي في اجواء خياليه بس لاحظت انه ماهو مزدحم ابدا ولمن سألت ما كان فل وترى فيه فلل قيمتها قرابة1000 ريال سعودي بس عيبه القطار يمر من تحته مباشرة اليك الرابط ويقع بعد الملاهي المائيه اللي خلف الحديقه اللي وراء الجراندالمكان هادي جدا ولا زحمة ولا ازعاج مثل الفنادق اللي في السنتر الرابط
http://www.zellamsee.at/seehotel/

7- فندق رومانتيك romantik الفندق قديم جدا ومرممينه اقرب للبحيرة من هيتز مان وفيشر رايت ومن تايرول هوف قريب من الحديقه اللي خلف الجراند دخلنا غرفه عباره عن سويت غرفتين غرفة النوم واسعه جدا وفيها جلسة كنب وبلكونه والغرفه الثانيه اصغر بس فيها سريرين واحد كبير شوي واحد اصغر وحمامين الله يكرمكم وبالطفال بمبلغ مايوصل 500 ريال اليكم الرابط
http://www.romantik-hotel.at/
8- فندق نيو بوست في وسط السنتر لكن في مكان افضل شوي من غيره وفي شقق فندقيه مجهزه بالكامل ماعدا الغساله وهو كبير عباره عن اكثر من مبنى وتحت محلات وعن يمينه محل لشخص تركي يبع الفواكهه والخضروات والخبز التركي واللارز والمعكرونها والجبن بالزعتروالزيتون والدجاج واللحم والاحظ اغلب الخليج اللي عندهم شقق يشترون منهلانه مسلم ويطبخون في البيت
اليكم الرابطhttp://www.neuepost.at/
- 9- فندق Sporthotel Alpin هذا الفندق يقع عند التلفريك اللي مكتوب عليه city press ميزة هالفندق انه ماهو بعيد عن السنتر في نفس الوقت ماهووسط الزحمة والازعاج وغرفه تراها حلوه واسعه كم هو واضح من الموقع اليك الرابط http://www.hotelalpin.com/

10 -نجي للفنادق اللي بعيده عن السنتر فوق في الجبل اللي توقعت انا قبل ما اروح انه بعيد وفي قطعه جبل ولاتيني وكم مبنى وخلاص اتريه غير كذا مكان حيوي جدا وكل شي حواليك وانا عندي افضل ابعدعن الزحمه ولمن يكون حر فوق ابرد وطلت الفنادق هناك حلوة لان الطبيعه تحتضنها
مثلlatini لاتيني 4 نجوم حلو وفيه العاب خفيفه للاطفال وغرفه نظيفه وتطل على مناظر خيال وبعيد عن الزحام والازقه الضيقه اللي تجيب الكتمه لكن الغرف بصراحه صغيره شويه مقابله فندق جاست هوف 3 نجوم وهو تبع لاتيني
وانا لو رجعت ما اسكن في لاتيني بصراحه على نظافة غرفه الا اني احس انه غرفه صغيره شويه واحيانا يكون برد تقفل البلكونه تنكتم تفتحها تبرد
اليك الرابطhttp://www.latini.at/
11-فندق كيندر هوتل دخلت هالفندق رائئئئئئئئئئئئئئئئئئع وفخم وغالي يقع في نفس منطقة لاتيني غير كذا له مبنى كبير جدا للاطفال العاب وقصص وتلاوين وحمامات ومسبح وكل مايريده الطفل وحديقه اخذ الفندق مساحه جدا كبيره بس غالي وكان فل رائئئئع اليك الرابط
http://www.kinderhotel-hagleitner.comوموقعه وانت رايح لموقف الباص اللي عند لاتيني اللي قبله المكتبه لف يمين
12- فندق كاثرينا شكله من بره جدا حلو وفخم يقع في نفس المنطقه اليك الرابطhttp://www.hotel-katharina.at/
13 - فندقlpenblick فندق فخم وكبير وشفت الغرف في الموقع حلوه وهو على الطريق الى لاتيني وتحته موقف باص للروحه والرجعه ويطل على طبيعه حلوه مره
http://www.alpenblick.at
يعني ا لفناد ق اللي ذكرتهم الى النقطه 9 وسط البلد وماهي بعيد عن البحيره ومن رقم 10 فوق عند لاتيني فوق اتمنى اني قدمت الفائده للجميع تقبلو تحياتي

للامانه منقول

 

[الحــــــلا كله]

مشاركة: منو راح حق زلمسي ؟؟؟؟؟؟؟؟؟؟؟؟

والله شوقتوني اروح لها

 

[كويتية أمورة]

مشاركة: منو راح حق زلمسي ؟؟؟؟؟؟؟؟؟؟؟؟

وين هالمدينة؟؟؟<<<<<<< حدي دايخة وداشة عرض خخخخخخخخ
لايكون بالتشيك؟؟ انا اخاف من هالديرة يقولون الرياييل يستخفون لاراحولها واذا واحد رايحلها مع ربعه عرفي بيخربط خخخخخخخخ

 

[رفرف]

مشاركة: منو راح حق زلمسي ؟؟؟؟؟؟؟؟؟؟؟؟

امورة لا مو بالتشيك ...

بالنمسا


الله ياني احب هالديرة ودي كل سنة اروح

 

[كويتية أمورة]

مشاركة: منو راح حق زلمسي ؟؟؟؟؟؟؟؟؟؟؟؟

الله النمسا حلوة بس التشيك يع يع حق الخراب والفصاعه نوووووووو

 

[عنايد]

مشاركة: منو راح حق زلمسي ؟؟؟؟؟؟؟؟؟؟؟؟

مشكورين حبايب قلبي ماقصرتو كفيتو ووفيتو
واااااااااي شيشتووووني ودي اشوفها
بس اتمنى الفائده عمت الجميع والكل استفاد

 

[روزالكويت]

مشاركة: منو راح حق زلمسي ؟؟؟؟؟؟؟؟؟؟؟؟

قلبى عنايد من العام وانتى تطرين زلمسي ونفسج تسافرين لها
يارب تروحين لها تستانسين وتردين بالسلامه
عفيه اخذينى بشوف البجع والبحيره والجبال ياااااااااااااى شوقتونى يابنات

 

[عنايد]

مشاركة: منو راح حق زلمسي ؟؟؟؟؟؟؟؟؟؟؟؟

لووووووووول روز فضحتيني خليها بيني وبينج :d
هههههههههههههههه

 

[رفرف]

مشاركة: منو راح حق زلمسي ؟؟؟؟؟؟؟؟؟؟؟؟

عنايد شرايج تاخذين طله هني ؟؟؟

http://www.q8yat.net/showthread.php?t=10239&highlight=%DF%C7%C8%D1%E6%E4