منو راح حق زلمسي ؟؟؟؟؟؟؟؟؟؟؟؟

[عنايد]

مشاركة: منو راح حق زلمسي ؟؟؟؟؟؟؟؟؟؟؟؟

رفرف عاد انا مو ناقصه تشيش هههههههههههه
يسلمووووووو قلبي

 

[%هايـــــــدي%]

مشاركة: منو راح حق زلمسي ؟؟؟؟؟؟؟؟؟؟؟؟

ما راح اقوول شي بس ابنزل الصووور

وللامانه هذي الصوور منقوله

هذا الفندق جراند هوتل الي على البحيررره

 

[نفيشه]

مشاركة: منو راح حق زلمسي ؟؟؟؟؟؟؟؟؟؟؟؟

مثل ما قالوا البنات اتينن وفيها هالبحيرة اللي ترد الروح وحولها المباني والفنادق والسوق والكافيهات بس حوالينها التجمع يصير وتشوفين هالعالم بالمراكب التاجير وبالحديقة قاعدين وشغل عدل وحتى مو كبيرة المنطقة اللي تضيعين فيها لا ملمومه حيل واتينن والناس حبوبين والجو ساعات بارد وساعات ربيعي بس ماكو حر كلش واذا ماتحبين الفنادق تقدرين تاجرين بواحد من هالبيوت اللي ايننون وانصحج تاجرين فوق شوي علشان المنظر من البلكون يصير احلى

 

[ألوان الطيف]

مشاركة: منو راح حق زلمسي ؟؟؟؟؟؟؟؟؟؟؟؟

النمسا عجيييييييييييبه ومثل ما يقولون جنة الله بأرضه !!

وصج زلمسي رووووووووعه احنا كان فندقنا يطل على بحيرة بين الجبال

صج تيين هالدولة و لا تطوفكم الزحلاقيات اللي بين الجبال

وجان تعرفون فيلم ذ ساوند أوف ميوزك ( لحن الحياة ) كان في رحلة يورونج كل الأماكن اللي يمثلون فيها في منطقة سالزبورك

انا أمي منقبه كاانوا وااااااااايد يخزون !!!!!!

بس انتي مالج شغل فيهم وتمتعي برحلتج

 

[ألوان الطيف]

مشاركة: منو راح حق زلمسي ؟؟؟؟؟؟؟؟؟؟؟؟

الله هايدي رحنا نفس هالمكان واااااااي وناسه تشوقت

 

[بدرووووووووووه]

مشاركة: منو راح حق زلمسي ؟؟؟؟؟؟؟؟؟؟؟؟

ما شاء الله .... عسي ربي يرزقني واروح اشوفها عاد انا اموت على هالسوالف خصوصا اذا الديرة باردة وفيها مطر وغيوم وهالسوالف واااااااااااااااااااااااي عورني قلبي


اييييييييييييييييييييييييييييييييييييييييييييييييييييييييييييييييه الله كريم بس يبيلة ريال معاك يوسع صدرك ونفسه حلوة ويحب الغشرة علشان تكمل الروحة

بس بغيت اسأل اللي راحوا انتو رحلتكم مخططينها مع مكت سياحي مع التوصيل والمترجم ولا عادي عارفين الديرة ومضبطين اموركم

 

[al7reyaa]

مشاركة: منو راح حق زلمسي ؟؟؟؟؟؟؟؟؟؟؟؟

عليكم بالعافيه والله يرزقنا رحله ثانيه


احنى رحنا مع قروب فكككه عليهم الفندق والرحلات طبعا اذا بتروحين تدفعين حزة الحزه بس لا اطوفين ولا رحله ترى وناسه وانا اصلا اقترحت على زوجي نروح مع قروب على الاقل اهمه يدلون ويعرفون ولا تضيع علينا الايام والوقت

الله يرزقنا وياكم والمسلمين اجمعين ....

 

[لموية العسولة]

مشاركة: منو راح حق زلمسي ؟؟؟؟؟؟؟؟؟؟؟؟

كل اللي أقدر أقوله انها فعلا جنة الله على الارض

تبارك الخالق

شوقتيني ودي أرد أروحلها

احنا رحنالها بروحنا مو مع مكتب بس ماشاءالله كانت رحلة موفقة واحنا كنا قروب 11 شخص ماشاءالله

 

[ة_ة]

مشاركة: منو راح حق زلمسي ؟؟؟؟؟؟؟؟؟؟؟؟

انا سرتلهم بس ما عجبتني

كان ودي افر عمري فالبحيرة

 

[coffee]

مشاركة: منو راح حق زلمسي ؟؟؟؟؟؟؟؟؟؟؟؟

اهلين عنايد
روعه زيلامسي والاروع سالزبورغ! الناس عاديين بالتعامل لكن مع النقاب اتوقع اشوي يكشون واهمه اهون من فيينا فيينا كلش ما يواطنون المسلمين.. حاولي ما تتعاملين معاهم بس استمتعي بمناظر ديرتهم وفي اماكن تينن فركزي على المكان مو على الناس واستمتعي

 

[ظلال القرآن]

مشاركة: منو راح حق زلمسي ؟؟؟؟؟؟؟؟؟؟؟؟

بنات شخبار اىلشقق هنا لاني ناويه اروح مع عيالي ودي اسكن شقه حلوه وعلى البحيره

منو عندها فكره تعطيني اسامي الشقق الفندقيه

 

[NaBiLa]

مشاركة: منو راح حق زلمسي ؟؟؟؟؟؟؟؟؟؟؟؟

فعلا زلمسي عجيبة وما أقدر أضيف شيء على اللي قالوه البنات

 

[عنايد]

مشاركة: منو راح حق زلمسي ؟؟؟؟؟؟؟؟؟؟؟؟

مشكورين حبايب قلبي عالمرور ماقصرتوو

 

[Queen-q8]

مشاركة: منو راح حق زلمسي ؟؟؟؟؟؟؟؟؟؟؟؟

شوفي ظلال القرآن انا العام رحت رحلة مع مكتب سياحي راعيه مصري اسمه ابو اسلام السعر كاتن وايد حلووو واهو بالتعامل وايييد تمام

المكتب يسويلج رحلات مع مدن ثانية مثل ميونيخ و سالزبورج وفيينا وطبعا زل آم سي ...

انصحج اذا انتوا عايلة وريلج شاطر اجروا سيارة وافتروا احسن من القطارات وتشقل الاغراض وممكن تسكنون بسالزبورج وتروحون زل ام سي ...

بس ديري بالج ترى وايد عليها 4 ايام يعني اذا تبين اسبوع حطي ببالج بتملين ولازم تسوين جدول لج ...


الاهم انج لا تنسين تروحين مرتفعات كابرووون مع الثلج والتلفريك ابو 3 مراحل ,,,

والزحلاقية الصيفية
والشلالات ...

اهم شيء ضبطي الرحلة وسوي لج انتي برم=نامج من موقع العرب المسافرون

وهالمكتب اسمه فيه الشرق جنه ناسيته بس اهو بالدولية بين المكاتب ومكتبه صغير اكيد بسوي عروووض هالسنه لان العام وايدد راحوا وياه ...

الفنادق اللي يحطها لكم وايد زينه وزل ام سي يحط شقة بس اكدي عليه تكووون نظيفة وقريبة من البحيرة ...

 

[sadan]

مشاركة: منو راح حق زلمسي ؟؟؟؟؟؟؟؟؟؟؟؟

هلا عنايد انا زرت زلمسى 4 مرات روعة بس طبعا اول مرة مو مثل المرة الاخيرة لان اقولج بصراحة ان اللى بيخربها ربعنا منا وفينا وتصرفاتهم ولان الشعب طيب ومسالم بدى ربعنا يتمادون واهم بالمقابل يعاندون

انا فعلا حسيت فرق وايد بين هالسنين

عموما الديرة وايد حلوة وعشان جذيه انا اسكن بمنطقة اسمها كابرون ربع ساعة بالباص بالكثير الى زلمسى

هادية واجمل وايد من زلمسى وما فيها هيصة العرب

اذا رحتى اخذى بروشور او كتيب للرحلات وامشى عليه وانت تستانسن وادعيلى

 

[ورد طائفي]

مشاركة: منو راح حق زلمسي ؟؟؟؟؟؟؟؟؟؟؟؟

السلام عليكم,,,,,,,,,
بصراحه ما اقدر اضيف على البنات لانهم ماشاءالله عطوج كل شي بصراحه
انا رحت زلمسي تقريبا من 5 سنين بصراحه روعه وفعلا جنه الله بالارض وانا برأيي الشخصي لا تسكنين الفندق الي عند البحيره روحي منتجع هناك اسمه زلاباخ المنتجع فنادقه على شكل اكواخ اطول فندق عباره عن 3 ادوار المنتجع بداخله حيوانات اليفه مثل البقر الخرفان الماعز وفيه بعد تلفريك
انا رحت وسكنت هناك بالمنتجع بفندق والله نسيت اسمه بس المنتجع كله فنادق بالطريقه الي شرحتها لج وتخيلي لما تقعدين الصبح وتشوفين المراعي الي حواليج وربي بدون مبالغه صرت كأني هايدي تذكريها الي اول تطلع بالتلفزيون واحنا نتابعها ,,,,,,,, كذلك عندهم محل لتأجير القواري والسياكل ,,,,,
وعندهم سوبر ماركت واتصالات ومكتبه بس كل شي موجود على شكل ريفي الله لما تفتحين البلكونه وتلقين الورد الطبيعي بالبلكونه والله روعه والاروع منظر البقر لما يصير المغرب ينزلووون من فوق الجبال الى الارض وكل بقره رابطين برقبتها جرس اتصدقين شوقتيني اعيد الذكريات ,,,,,,
بس هم ارجع واقول ترا زلمسي وايد عليها 4 ايام اذا كنتي بروحج مع ابو العيال بس اذا كنتي مع قروب لا والله اسبوع ما تكفي وانا انصحج روحي مع قروب وايد اونس تتعرفين على ناس وما يضيق خلقج
وهم ارد واقول فينا ثم فينا ثم فينا ليالي الانس في فينا
فينا احلى من سالزبورج وزلمسي بس ما في مانع تروحين يومين زلمسي ما تخسرين شي
رحلة سعيده باذن الله

 

[ظلال القرآن]

مشاركة: منو راح حق زلمسي ؟؟؟؟؟؟؟؟؟؟؟؟

والله ما ادري اروح ولا انثبر بالكويت معاي 4 يهال اخاف يننوني ويخبون على السفره

 

[@Miss Dio@]

مشاركة: منو راح حق زلمسي ؟؟؟؟؟؟؟؟؟؟؟؟

http://www.travel4arab.com/vb/showthread.php?t=35207

 

[coffee]

مشاركة: منو راح حق زلمسي ؟؟؟؟؟؟؟؟؟؟؟؟

ظلال القران دام معاج يهال انصحج تنقين سفريات سنعه وتروحين مع قروب

 

[عنايد]

مشاركة: منو راح حق زلمسي ؟؟؟؟؟؟؟؟؟؟؟؟

يعطيكم الف عافيه حبايب قلبي ماقصرتو بس شكلي ماراح اسافر هالسنه على كثر مامدحتوها وشوقتوني لها يالله الخيره فيما اختاره الله
ان شاء الله البنات اللي يبون يروحون لها هالسنه يستانسون فيها آمين