منو راح دزني باريس ودزني فلوريدا ؟؟

[طوق الياسمين]

مافي مقارنه يمكن حجمها 5 بالميه من حجم حديقه فلوريدا
تخلصينها بيوم واحد الحديقتين واصلا الاستدويوز تسكر الساعه 6 على خبري مب مثل امريكا ومافي العاب ناريه خيال مثل فلوريدا اصلا مافي مقارنه واذكر مره كان هوا ومطر سكرو كل الالعاب الخارجيه ماخلو الا لعبه ويني ذا بو وكم لعبه بس حتى ظلعنا منها مع ان كان العصر

 

[حبيبه زوجي 1]

انزين بنات ولا ضيقتو خلقي انا حاجز هناك اربع ليالي انزين ابي اسال عن سعر التذاكر جم للكبار ة
و الصغار واشلون الجو هناك براد ولا حر اذا جذي نخليس يومين دزني و يومين نقضيها بالشانز تمشي و نشوف باريس

 

[om l3yal]

حبيبتي يومين هم وايد عليها خليها يوم ونص وباجي اليوم روحي الاوت ليت يمها يمكن يفرق عشر دقايق حليو راح تستانسين فيه اذا انتي من ربع التسوق
والشانز ما انصحج في كلش ملش بس شحاطة وقعدة بالكافيهات وتخزز بالعالم

 

[حبيبه زوجي 1]

هلا حبيبتي ام العيال مشكوره على الرد انزين ابي اسالج في محل عطور في باريس قالولي عنه انتي تختارين العطر الي تبينه و تعبينه يعني تسويلج خلطه خاصه فيج و علبه بعد تعرفين وين مكانه و بالنسبه لرحلتنا لدزني وين نروح انا حاط الاوت لت بالحسبه بس باجي يومين وين نقضيهم و بالنسبه للاوت لت في محل لوي فيتون ولا لا

 

[a7laa-_-zozo]

مادري والله!

 

[عبير-الشرق]

ديزني باريس حديقتين وحده للعروض والثانيه للالعاب واذا تبين تركبين كل الاعاب مايمديج يوم لان الطابور طويل وياخذ من الوقت بس ركبو الالعاب المميزه ولاتروحين لها بالويك اند لانها تصير اكثر زحمه بس اذا سكنتي بفندقها 2 يومين حدها

 

[دمثة]

الصراحه حق اطفال ديزني هونج كونج روعه انا وايد استانست فيهااا

 

[ذهبة بحرينية]

انا ما رحت الي بفلوريدا بس رحت بباريس وقعدت فيها 4 ايام واااااااايد حلوة اختي تقول الي بفلوريدا اكبر بس الصراحة شي رهيب وايد استانسنا صحيح ان زحمة بس السير يمشي ما توقفين وايد يعني يادوبج 5 دقايق بالكيو وهو ماشي والصراحة ديزني لاند حلوة ويلا عليج بها

 

[الأميرة كيرارا]

آنا مو رايحة ديزني فلوريدا بس توني رادة من ديزني باريس مو كبيرة و أعتقد 3 ايام كافي عليها
بس بغيت أفيدج بالتذاكر
إحنا لما رحنا بغينا عرض التذاكر بو 3 أيام المفروض يكون الشخص ب 151 يورو
بس طلع مو متوفر و طلع عندهم تذكرة مفتوحة طول السنة ماعدا 30 يوم بالسنة على ما أذكر أيام معينة من عندهم
و التذكرة ب 139 يورو للشخص يعني أرخص من العرض الي بغيته
بس لما تروحين تحجزين التذاكر اخذي جوازاتكم معاج حق الكل حتى اليهال عشان تاخذون التذكرة المفتوحة

 

[HaYoOoMa]

تهببببببببل دززني باريس

احنا رحنالها 9 الصبح والساعه 6 طلعنا منها خلصناها كلها انا وريلي

 

[فنيسيااا]

مشكورين يعطيكم العافيه

 

[ام _خلودي]

مافيه مجال مقارنه ديزني فلوريد اكبر ديزني بالعالم