منو زارت امستردام ؟!

[Petty Boop]

مرحبا بنات ,,أنا و زوجي نفكر نزور امستردام هالصيف

بس ابي مساعدة من اي وحده زارت هالعاصمة وين سكنت نبي فندق 5 نجوم و يكون بسوق يعني موقعه حلو و معروف

واي معلومات تفيدنا و نفكر نزور ديرة ثانية قريبة على امستردام بس ماندري وين ؟!

وجزاها الله الف خير الي تساعدني و مشكوريين مقدما:eh_s(22):

 

[_زينه_]

فندقنا كان اسمه اوكورا واايد حلو بس مو بالسنتر

تقدرين تروحين كولون بالمانيا قريبه من امستردام

 

[أمانيQ8]

والله توني حجزت الفندق اسمه Sofitel Amsterdam The Grand بالسنتر وكل شي يمه وفوق هذا يطل على النهر مباشره دشي عليه وشوفيه

حتى شكله غريب جنه اثري طبعا اهلنا العام جربوه ووايد امدحوه واهو خمس نجوم وبالتوفيق
هذا السايت دشي شوفيه
http://www.sofitel.com/gb/booking/hotels-list.shtml

 

[Petty Boop]

مشكوريين حبيباتي ماتقصرون انشالله بجييك عليهم

 

[أمانيQ8]

اذا ماتعرفين تبحثين لاسمح الله هذي الصور دشي على طول على هالرابط
http://realtravel.com/hp-284003-amsterdam_photos_of-sofitel_amsterdam_the_grand

 

[Petty Boop]

مشكورة حبيبتي اماني :*

 

[Hello_kitty]

http://www.q8yat.com/t721127.html

اقري هذا التقرير في معلومات وايد عن هولندا وبلجيكا ان شا الله تستفيدين منه

 

[جوري 2007]

اختيار موفق

امستردام تهبل وايد حبيتها ، بس هولندا يبيلها بلجيكا ماتنراح بروحهاااا

وهم بلجيكا تونس

فندقنا مادري اشكان اسمه بس كان بعيد مانصحج فيه

 

[بخـــارى]

هلا حبوبه
انا كنت بالصيف هناك
فندقنا اسمه انتي هوتيل وايد حلوintel hotel
واي استفسار انا حاضره

 

[بخـــارى]

صج وروحي بلجيكا
ساعتين بالسياره
واحلى مناظر تمر عليج بالنسبه لاوروبا

 

[احلى عواشة]

بلييييييز بنات ابي معلومات عن هولندا و بلجيكا
انا وزوجي ببببببسسسسسسس
10 ايام شلون اقسمها
فنادق اماكن قرى كل شي

 

[عاشقه لولو]

انا العام رحت هولندا مشالله تينن والله سوينا خطه انا وزوجي كانت عجيبه احنا كنا مثلكم 10 ايام سكنا 3 ايام بامستردام بفندق فكتوريا حلووو لانه بالسنتر يعني عند السوق وثلاث ايام بدنهاخ بفندق كروان بلازا دنهاخ تبعد عند امستردام ساعه تقريبا بس منطقه هاديه وحلوه وبعدها ردينا امستردام بفندق اكورا حلوووو حيييييل اينن بس خمس دقايق بالتاكسي للسنتر

 

[كويتية أصيله]

أنصج بفندق فيكتوريا بالسنتر في أمستردام بس ترى أمستردام كلها جنوس ومخدرات ما أحبها دايما أطب فيها إن و آوت.... بس الأحسن دان هيغ رووووعه ساحليه فندق كور هاوس..... ولا تطوفين بلجيكا ... المانيا دوزلدورف رووعه بالقطار من دان هيغ.... بس أمستردام آنااااا شخصيا ما تعجبني بقولج معلومه عندهم من كثر ما المخدرات منتشره عندهم عادي المدمن ياخذ جرعته ويروح الطبيب يعطيه الجرعه هذي معلومه عرفتها من خلال زياراتي لها......وعندهم أحتفال جنوس يمرون مثل المسيره قطيعه تقطعهم يلوعون الجبد......وعندهم احتفال مفاصيخ هم بعد أرف الله يأرفهم.......بس ما يمنع تقعدين فيها يومين...............

دان هيغ رووووووووووعه وأمان أغلب العوائل يحبونها روحي سوق الجبن وقرية الصيادين

 

[فجورتي الحلوه]

انا ان شاء الله هالصيف بهولندا بس ماراح اروح امستردام لانها خطره كلها مخدرات وجنوس وعادي عندهم المخدرات بالشارع ماانصحج فيها
احنا بنطب بمطار بروكسل ببلجيكا وبناخذ قطار ساعه ماسترخت بهولندا هالمنطقه حيل حلوه وشرحه انصحج فيها

 

[dalo0oa121]

بصراحة اختي بيتي تعجبني مواضيعج وانا من الماتبعين لها

استمري وان شاء الله تستانين بالبلد

 

[new woman]

انا قعدت بفندق كروان بلازا خلف السنتر سعره حلو و10 دقايق مشي انتي بالسنتر

روحي المدينة المصغره مالت نوترداام

وفي اكشاك حق الرحلات رخيصة تاخذج من الفندق واتردج وااايد حلو ومرتب

في اكشاك حق صمون الفلافل اعتقد اسمه معاذ وااايد عجيب

واحلا شيء اكل البطاط الشبس عجييييييييييييييييب

وفي رحلات بالطراريد تفتر فيج بالسنتر

وتنقلاتج تكون كله بالقطار احلا وونس روحي مدينة الملاهي هناك بمنطقة alestaad اعتقد جذي اتيين مثل ديزني

بس الديرة ما تنفع حق يهال لأن المناظر اللي بالشارع تحتاااج رقاابة