منو سافرت مع عيالها عندي كذا استفسار

[ديرتي الغاليه]

النمساويه <<<<<<<<حطمتيني وهذيلا عيالج كبار ويفهمون اشلون عيالي واااااااااااااي لا والله بهون ...انا هذا اللي خايفه منه يزعجون الناس اللي بالطياره او تكون كل الانظار علينا فشششششششششله <<<بس قلبي ما يطاوعنى اروح واخلي الثانين يا حياتي يفهمون ويفقدوني

 

[ArEEj]

لالا ابدا مستحيل أخذ نصهم واخلى نصهم
يا كلهم يا مو لازم
من صجج والله يزعلون عليج
وبعدين هذى تفرقه اسميها

والله نصيحه أخذيهم عيالج كبار
وبعدين هذى تجربه اذا عجبتج تعيدينها
واذا ما اعجبتج توووبه

 

[فرحه عمر]

اخذيهم عادي بس راح يتململ ان حركتكم مو خفيفه مثل قبل و يمكن باللييل ماتاخذون راحتكم_03ba:
ههههههههههه
المهم اذا السفره دوله قريبه او بعيده من الوناسه بيصدعون راسج قرقه وحركه اول مره يسافرون ماينلامون
اذا قريبه يمكن تتعبين شوي اول الوقت بعدين يهدون
اذا بعيده حدهم ساعه الاربع تلاقينهم سكتو والصغار نامو ويعتمد على شركه الطيران من ناحيه الافلام والالعاب نصيحه خلي الكبار يقعدون مع ابوهم وقعدي مع الصغار

اهممممممممم شيييييييييييييي وديري بالج عدل مدل لا تتحسفين قد شعر راسج (( ادري خرعتج ))
الصغار اللي 4 و 3 سنين مسكيهم عدل (((( عدل)))) ترى بهالعمر مايميزون اذا شافو شي يفلتون حتى من ايدج واقصد يفلتون ركض (( ياحبهم للفلته والتخرع بهالعمر))
يعني لاتمسكينهم خواتهم ترى بعدهم يهال انا ريلي مسكته بنتي ونوعه بااااااااااااااااااااااااااااااااااااارد والله الله ستر عليها بغت تندعم والله قلت رااااااااااااحت بنتي بس الله ستر و حفظها بس مايسوى خرعتي

 

[كويتيه ذربه]

حبيبتي صج السفر مع اليهال يمكن تعب شويه بس صدقيني طول عمرهم راح يتذكرون السفره لان اليهال ذاكرتهم احسن منا انا عيالي تعودوا قبل ياذون بس الحين صاروا هم يحبون السفر ودايما يتذكرون كل سفره وين راحوا

 

[روح الرياض]

مثل ماقالو الاخوات الكبار معهم الجيم والوان والصغير الله يعينك عليه مالك الا دواء كحه يخمده

في الرحله ولازم عربانه عشان مايفلت منك في المول وبنفس الوقت تحطين اكياس الشوبنج


:s141:

 

[ديرتي الغاليه]

فرحة عمر>>>>>وااااااااااي اهم بروحهم قرقره الله يعيني لايفشلوني بالطياره بكثر الاسئله هههههههههه

انا رايحه للهند للاسف هذا حظهم وهذا الي اخترناه نبي طبيعه ومشكلتنا كله نروح للاراضي الخضراء والشلالات والمنتجعات المائيه الله يستر لايطيحون فيها طفراتي ولدي بو3 سنين حرج وايد .......


كويتيه ذربه >>>>اي والله ميتين عيالي علي السفره خصوصا بنتى الكبيره كل ماخذت تحن علي ايه تسافرون وتخلونا دايما انتم جذيه تعور قلبي<بعوضنا بالهند اخخخخخخخخخخ بخليها تكره السفر هههههههه

روح الرياض >>>>>للاسف انا رايحه للهند فما اعتقد عندهم مولات سنعه وفكره العربانه زوجي شايلها من راسه يقول مستحيييييييل اخذها

 

[bnt_7waa]

الله يعيييييييييييييييييييينج

انا جربت يهاال بالسفر وكلش كلش مو شي

 

[حلوى البحرين]

الله يغينج على الاربعه وصغار بعد شوفى وسمعى كلامى**1-اسكنو بشقه فندقيه احسن 2-ودنى عربانه 3- اذا تحبين تودين خدامه اريح لج4- سافروا دول قريبه مو مسافات طويله بالطياره 5- لاتسافرين لما يكبرون ولاحقه على كل شى

 

[همسQ8]

اجربتها مع ولدي عمرة 3 سنوات حلوه والله يعافي psp
وبس هل المرة ودي اخذ ولدي مولود وخدامتي شرايكم زوجي يبي الصغير يروح معنا وانا ماودي ؟

 

[ساره الاماراتيه]

انا السنه الي طافت رحت ماليزيا مع ريلي وبناتي ثنتين 8و7 سنين وخليت الصغير عند عمتي ..ابدا ما تعبوني واستانسا وااايد ومثل ماقالت الاخت خذتلهم شنطه صغيره للمطار ...شبس وحلاوى وخذتلهم كتاب يديد كله في مسابقات وتلوين والعاب كل وحده بكتابه وكنا لما نرجع من الطلعه كل وحده ماسكه كتابها وتحل وتلعب ...بس بصراحه افتقدت ولدي الصغير كان عمره سنه ونصف ..واكتشفت لما رجعت انه مرض وتعب وااايد

عشان جيه السنه قال لي ريلي ..اول ولدج يركب الطياره بعدين انتي ..وانا بيني وبينكم مب هاين عليه اخليه يعني باخذه معاي ..بس المشكله السنه بنروح استراليا يعني طيران 16 ساعه ...صدق صدق الله يعيني ..مع ان ولدي حبوب وهادي وجنتل يعني ما يلعوزني في الطلعات بس بعد خايفه وساعات اقول باخذ الخدمه معاي ..بس بصراحه التكاليف بتزيد الدبل ....لين الحين ما قررنا الاكيد ويسير خير ..بس الاكيد اني اذا سافرت ما بسافر بدونه

 

[فرحه عمر]

فرحة عمر>>>>>وااااااااااي اهم بروحهم قرقره الله يعيني لايفشلوني بالطياره بكثر الاسئله هههههههههه

انا رايحه للهند للاسف هذا حظهم وهذا الي اخترناه نبي طبيعه ومشكلتنا كله نروح للاراضي الخضراء والشلالات والمنتجعات المائيه الله يستر لايطيحون فيها طفراتي ولدي بو3 سنين حرج وايد .......


كويتيه ذربه >>>>اي والله ميتين عيالي علي السفره خصوصا بنتى الكبيره كل ماخذت تحن علي ايه تسافرون وتخلونا دايما انتم جذيه تعور قلبي<بعوضنا بالهند اخخخخخخخخخخ بخليها تكره السفر هههههههه

روح الرياض >>>>>للاسف انا رايحه للهند فما اعتقد عندهم مولات سنعه وفكره العربانه زوجي شايلها من راسه يقول مستحيييييييل اخذها

ههههههههههههههههههههههه سالفه العربانه سالفه
قلت حق ريلي خل ناخذ عربانه قال مالج امل البنت كبيره و كانو مذركير مسوين عرض مو طبيعي على 12 دينار الوحده
قلت خلاص حبيبي براحتك بس انا مافيني اشيلها 00طبعا اهو متحمس جان يقول لاتحاتينها انا اشيلها :eh_s(15):
قلتله قدها ؟؟؟ قال مااااااالج شغل فيها
طبعا اول يومين بسنغافوره يكابر الريال اليوم الثالث قالي ماشفتي محل يبيع عربانه ههههههههههههههههههههه
طلعت علينه الوحده ب 32 نفسها نفسها اللي بمذركير بالكويت بس فرع سنغافوره
ومن عقبها اول مايحرص عليه العربانه هههههههههه خليه يجرب

 

[b.m.f.j]

حبيبتي اخذيهم وتوكلي على الله انا اخذ عيالي كل مكان معاي لاخدامه ولا بطيخ:cxxxp:بس حلو تعبهم
ومره رحت امريكا 13 ساعة طيران بروحي بدون ابوهم مع بناتي سنه و3سنوات
وترسيلهم جناط العاب وتلوين بس شي يديد (الجنطة والالعاب) لايشوفونهم الا بالطيارة عشان يتفاجئون فيهم ومشالله بناتج كبار :klhfl:
حسسيهم بالمسئولية قوليلهم انتوا حريم وتساعدون امكم وصدقيني بيستانسون سويتها بعيالي الصيف اللي فات خذيتهم 3 معاي اعمارهم 7 و 4 و1 الحمدالله استانست لانهم لو مو معاي جان بجي وكل شوي ادور كرت تلفون وكل ماشوف ياهل اشتاقلهم واضيق خلق زوجي :0bee2e8d89:
انتي حسسيهم انهم كبار وصدقيني بيستانسون بهالشي وبساعدونج بكل شي
ولا تخلين العربانه ترى ضرورية حيل اخذي الخفيفه حيل اللي سعرها 6 واذا خلصتي قطيها هناك لأن اسعار العربانات بره الكويت غاليه
وكنت العب لعبه مع بناتي _03BA: والعبها حتى هني بالكويت اسمها لعبة (الخدامه)
اقولهم يلا احنا خدم ولازم ترتبون وتنظفون ونقعد نتكلم مثل الخدم والله يحبون هاللعبه وانا المستفيده:dfgl: