منو سمع عن تخصص هندسة كيميائية بالتكنولوجيا ؟؟

[أميرة طفولتي]

السلام عليكم :eh_s(17):



،



كانوا كاتبين بالجريدة من فترة عن تخصص يديد بيفتح بالتكنولوجيا وهو هندسة كيميائية (( بكالوريوس )) مو دبلوم ..
وفعلا بالتخصصات الي نزلت بالتكنولوجيا موجود هالتخصص وطالبين نسبة قبول 75%
منو سمع عنه ؟ وشنو تعرفون عن هالتخصص ؟


و السؤال الحين ؟
هل خريج هالتخصص شهادته تعادل شهادة خريج كلية الهندسة جامعة الكويت ؟
وهل مسماه الوظيفي راح يكون مهندس نفس خريج الجامعة ؟


لأن بكالوريوس التربية الأساسية شهادتها تعادل كلية التربية جامعة الكويت
وبالنهاية بالمسمى الوظيفي نفس الشي !

فهل هالتخصص نفس الطريقة ؟


بليز بنات السالفة فيها مستقبل الي عندها معلومه أكيدة لا تبخل علي فيها
والي مو متأكده ولا عليها أمر ترفع الموضوع

 

[miss.42]

و عليكم السلام

هلا حبووبة اي مو جوود هالتخصص بالتكنولوجيا بس للاسف غسلي اييدج منه لانه للشباب بس

مادري ليش مسويين تفرقه بينا بالتخصصات ،، اغلب التخصصات للشباب و ٤ تخصصات بس متاحه للبنات

اي البكالاريوس تعادل شهادة جامعة الكويت و المسمى الوظيفي فيه اختلاف بسيط

اللي يتخرج من الجامعه مسماه مهندس اما اللي يتخرج من التكنولوجيا ( بكالريوس ) مسماه مهندس تكنولوجي و الفرق انه احنا دراستنا نظري و عملي و نطبق اما جامعة الكويت دراستهم نظرية ،، بس انا مو متاكده اذا طبقوا البكالريوس على التخصص او لا

بس ان شاءالله راح يتطبق في المستقبل

 

[miss.42]

طبقو الباكالريوس على الهندسة الكيميائية و التخصص للشباب فقط و نسبة القبول من ٧٥٪

 

[أميرة طفولتي]

مشكوووووووووره حبيبتي ماقصرتي :*

كنت كنت أسأل حق أخوي ..

بالضبط مثل ماقلتي الجامعي أكاديمي والتكنولوجي فني
بس هالشي مايفرق بالديوان لمن يقدمون على الوظايف اثنينهم لهم نفس المسمى ( مهندس )
ونفس الكوادر صح ؟ لأن الديوان راح يسجلهم نفس المسمى عدل ؟

 

[miss.42]

اي حبووبة نفس الشي

 

[bent]

بالكـــــــــــويت و بديوان الخدمه المدنيه ابشــــــرج مافي شي اسمه ( مهندس اكاديمي ومهندس تكنولوجي )

تتخرجين بكاليريوس هندسه ( بغض النظر اكاديمي ولا تكنولوجي ) تتوظفين مهندسه ومسماج مهندسه مبتدئ وكادر المهندسيين يمشيلج

اذا هالشي بيصير اشوفه في المدى البعيد يعني يبيلهم 10 سنين عشان الناس تتفتح على هالشغلات

لان الجامعات الخاصه يخرجون مهندسيين تكنولوجين والتجار ربعهم ف ما يبون يخربون تجارتهم

 

[Maryam_]

انزين ماكو تخصص هندسه حق البنات