منو سمع هن تحليل الشعر او هير سكان ؟

[سويس رول]

:eh_s(8): مرحبا يبنات انا سويت تحليل دم وعينة من شعرى عند المختبر الألمانى الى بالجابرية ب 80 دينار من اسبوعين وطلعت النتيجة اليوم ورحت استلمتها ولا ششوف بلالالالالالالالالالالالالاوى انا شعرى خفيف حده ومايطول وجاف ومو حلو وانا فيى غدة خاملة بس خنقولكم عن النتيحة طلع دمى زين والحديد والكلوسترول والكبد والكلى وكل شى يتعلق بالدم حتى الغدة مو مأثر الحمدلله بس طلع السبب شنو المعادن الثقيلة الى تعتبر سموم وايد وايد وايد عالية عندى مثل الزئبق والكالسيوم والرصاص والزرنيخ البيريليوم الألمنيوم المغنيسيوم المنغنيز وشغلات وايد بعد وعطونى فيتامينات لازم اخذهم لمدة ست شهور ومنعونى من الماى العادى لازم ماى صحة والأسماك المعلبة والزيبق مسبب لى تعب عام عاد صج انا ماشبع نوم وكله تعبانة حتى زوجى كله يتحلطم يقولى تنمبل ماتشبيعين نوم وكسل الحين عرفت السبب وباخذ الفيتمامينات واشوف وقالتلى راح اشوف نتيجة خلا الاشهر الأولى وترى يودون العينة بسويسرا وهذا كلام الدكتور السوسيرى وبس حبيت اقولكم الى حابة تجرب وانا حاضر للأستفسارت بس باجر الرد لما اكون بالدوام سلالالالالالالالالالالالام

 

[7abebat elq8]

سويس رول الله يسلمج و ان شالله الفيتامينات تييب نتيجه حلوه معاج
ابي اسألج وين صاير المختبر و جم رقمه خليني اروح اسوي تحليل شعري بيحت و ما صار ثقيل مثل الاول

 

[زيـنـه]

وانا فيى غدة خاملة

اذا فيج كسل و نوم .. جان سويتي تحليل الغده الدرقيه .. لان ممكن يكون عندج خمول فيها و اهي تسبب الجفاف و زيادة الوزن و النوم و الكسل .
و علاجها حبوب من دكتور الغدد و الهرمونات .
و الفيتامينات زينه بس ديري بالج ترى كل شي يزيد عن حده ينقلب ضده .. يعني مو تاخذينهم على طول .
و ما تشوفين شر و ان شاء الله تتحسن امورج .

 

[نورالدنيا***]

ما تشوفين شر حبيبتي
اذا تبين تنقين جسمج من السموم بلشي اكلج بالفاكهه والماي وبعدها بساعه اكلي اكل صحي صراحة الصحة اهم شي
تدرين قريت عن فوايد الخيار في تنقية الجسم من السموم مع اني دايما اقول مامنه فايدة
طلع فيه فوايد وفيه فوليك اسيد وب9 ويحميج من الامساك اعتقد انت اتعانين من الامساك صح لان السموم اللي بينت فيج تري من الامساك طيحيله خيار ورقي واي تعبت قرقت وايد

 

[جوريه]

والله الفيتامينات تسنع الشعر بس تفتح الشهه على الاخر الله يعينننننننننننج

 

[سويس رول]

مشكورين على الردود ياحلوين انا اصلاً فينى غدة بس الى مأثر على السموم مو الغدة وعنوانهم الجابرية بجانب ماكدونالد ورقمهم 5351968 / 5315464 المختبر الكويتى الألمانى اذا على زيادة الوزن انا بسوى ريجيم باجر موعدى عند دكتور تغذية