منو عندها افكار يديده وحلوة حق النون

[ملكة زماني]

:tek:

قووووة بنااااااااااااااااااااااات


اشلونكم


اظن الموضوع امبين من عنوانه

بغيت افكار حلوة ويدة حق النون

نون ولدي قرب اسم الله عليه

وابي شي يديد وحلو


_03BA:ياللله منو الشاطرة اللي بتساعدني:klhfl:ولها هدية حلوة

 

[أم الكتاكيت]

ليش ما تسوين بنيادا ترا يطلع شي عجيب :

اذا تبين الطريقة بالتفصيل راسليني على الخاص و اعلمج

 

[ملكة زماني]

هلا ام الكتاكيت

نورتي الموضوع حبوبة : )

شنو بنيادا؟؟؟؟؟

 

[Om-Bashaar]

اي والله شنو بنيادا؟؟ ياليت اتفيدينا حبيبتي

 

[alooooa]

مرحبا شنو يعني بنيادا؟؟؟

 

[خاشووقه]

ما مر على نون فناتك
كله افكاره تقليديه
بس يا ليت أم الكتاكيت تفيدنا شنوو نيادا ؟؟

 

[supermarket]

شنو بنيادا؟؟

انا احب النون يكون بالطريقة التقليدية لان اليهال يستانسون لما ايمعون الحلاو

بس الفناتق بالحلويات وشغلات صغيرة ( مفاجات ) من بومية مثل التفافيخ _ خواتم - شباصات

يعني اي شي عنونو مايعور مع الحذف

 

[Swan]

اي والله حلوة فكرة البنيادا
موجوده عند بارتي لاند اللي بالمرينا والشويخ

طريقتها : انج تحشين الحلاو في مجسم وتعلقينه واليهال يجرب كل واحد منهم واهو مغمض عيونه يطق المجسم بعصايه لحد ما يقدر واحد منهم انه يكسر المجسم ويطيح الحلاو واليهال كلهم يركضون ويمعونه
هذي طريقه الاجانب بالنوون

 

[ام فجور 2008]

فناتق والله هالاجانب

 

[supermarket]

اي سوان اعرفه

على بالي شي يديد

مشكووورة على التوضيح

 

[Swan]

هلا والله
العفو سوبر ماكت

 

[^kloOot^]

اذكر سوووه هالطريقه في بيتزا اكسبريس حفله عيدميلاد

 

[قلبوو انا]

شنووو النون ؟؟


حق ايش ؟؟

مااعرفه

 

[chocosign]

حلوة الفكرة
مع اني افضل طريقة النون التقليديه احلى

 

[أم دناش]

حلاة النون على الطريقة القديمة يعني تحذف واليهال يمعون

 

[كشوخه]

شوفي حبيبتي تقدرين تسوين النون العادي اللي اهوه حلاو وكاكاو يعني بكل اشكاله ، بس الألعاب تقسمينهم العاب البنات والعاب الأولاد وتحطين كل قسم بعلبه كبيره أو كرتون حلو للبنات لونه وردي مثلا وتترسينه العاب البنات من طقه بو 100 ، ونفس الشي الأولاد كرتون حلو أزرق وتحطين فيه الألعاب ، بعدين عقب ماتكتين النون وتخلصين نادي البنات وخلي كل وحده تاخذ اللعبة اللي تبيها من الكرتون ونفس الشي الأولاد صدقيني بيستانسون ، اما بالنسبة للمكسرات ما انصحج تحطينها مع النون اخذي المكسرات وحطيهم في أكياس حلوه وربطيهم بشرايط ووزعيه على الحريم الكبار لأن اليهال ماياكلون مكسرات وحرام ينقط بالأرض ... وان شاء الله تعجبج فكرتي ... حبيت اشارك وافيدج

 

[ASQ Group]

السلام عليكم

إذا للحين دورين فكرة حق النون

شرايج بعربانات الجمعية تحطين فيها الحلاو والكاكاو وألعاب من بومية وتغلفينها بورق سولوفان وريبونات ألوان الصيف (الأصفر الفوشي البرتقالي) شكلهم حلو وذرب


إذا احتجتي أي شي أنا حاضرة

 

[RegaLoS]

البينيادا

 

[sagittarians]

انا سويت نون حق ولدي فيه شي يديد
غير الكاكاو و الحلاو و العاب بو 100 فلس
حطيت مع الخرده عمله اجنبيه ( باوند) و حطيت على وحده من الالعاب ستيكرز باسم ولدي
عقب ما قليت النون قتلهم اللي يلقا الباوند اعطيه 10 دنانير و اللي لقا الستيكرز عطيته قوطي مكنتوش كبير

 

[الفاتنة]

معروف عني عند اهلي وكل ربعي اني متميزة بحفلات النون احم احم

حبيبتي راسليني على الخاص لان الافكار الله يشهد متعوب عليها