منو عندها خبرة ببيوت خيطان المشاع ... شريته و توهقت :( امانه ساعدوني

[yam_yam]

السلام عليكم


حبايبي من قبل جم سنه شريت 3 بيوت بخيطان نظام المشاع
و الحين جيت ابي ابيعهم قالي الريال انه لازم تجيبين الوثيقة الشرعيه مالتهم مادري الاصليه
يعني لازم البيت ينفرز و ينفصل عن باقي البيوت


ولازم شهاده اوصاف للبيت انه ماعليه مخالفات و لا مايعطوني الملكية مالت البيت
و المشكله انه موراضين يعطوني اياها كلللش و مابقا واحد ماكلمته و في ناس قالولي لازم تدفعين فلوس عشان تطلع الورقة و انا ماني عارفة الطريقة


اماه عليكم احد عنده فكره عن هالبيوت او طريقة الحصول على ورقة الاوصاف للبيت ؟؟

ساعدوني قولولي شنو اسوي او وين اروح
ماكو وحده فيكم ريلها دلال او ببلدية الفروانية أو شي ؟؟
يساعدني ​

 

[lolwah]

للا سف ماعرف
سالي المكاتب عن الطريقه او شوفي ريال من اهلج يتعامل معاهم احسن

 

[روزيتا]

انا اشتغل بالبلديه

الاحد اسال لج ان شاء الله وما يصير خاطرج الا طيب

التفاصيل دزيها على الخاص وانا احاول اسال لج بالفروانيه لانى بالعاصمه حبوبه بس بحاول

 

[dl3_wl3]

انا بعطيج رقم مكتب عقار وساليه99881541

 

[أسرار الطبيعة]

البلدية تطلع لك كل شي إذا تقصدين الكروكي أو أوصاف البيت
وإن شاء الله مو متوهقه دام أنه عقار وفي خيطان
بالتوفيق وعسى الله يسهل أمرك

 

[عجينه]

ماعندي فكره >>>>الله يكون بعونج ويحل لج هالازمه عاجلا غير اجل انشالله

 

[bint_looda]

سئلي المكاتب اكيد عندهم فكره ربي يوفقج ويفرجها عليج دنيا واخر