منو عندها فكرة عن هندسة الكمبيوتر بجامعة الكويت

[دموع ألماس]

بنات انا افكر ادخل هندسة الكمبيوتر بس خايفة ما اطلع منها
اخاف انها صعبة

انا معدلي 80

وهذا اللي مكتوب عن تخصص هندسة الكمبيوتر في الموقع
قسم هندسة الكمبيوتر


يغطي منهج هندسة الكمبيوتر الذي تم تبنيه في جامعة الكويت الروافد الأساسية في مجال الكمبيوتر من جانب مكونات بناء الكمبيوتر والبرمجيات والنظريات المتعلقة بحقل الكمبيوتر ، لذا فخريج البرنامج يكون ذو خلفية متكاملة تؤهله للعمل وتنمية اهتماماته في مختلف تفرعات مجالات علم وهندسة وتكنولوجيا الكمبيوتر ومقررات البرنامج تغطي مواضيع الدوائر المنطقية والرقمية والميكروبروسسرز وبناء الكمبيوتر من حيث تصميم مكوناته وأجزائه وشبكات الكمبيوتر مع خلفية هندسية وخاصة أساسيات هندسة الكهرباء والإلكترونيات وكل ذلك بالتوازي مع مختبرات عملية في تلك المواضيع

مجالات عمل الخريج
يستطيع مهندس الكمبيوتر العمل في أي مجال له علاقة بالكمبيوتر من مهندس اتصالات حاسوبية إلى مدرس علم الكمبيوتر في مدراس التربية ، ومراكز الكمبيوتر في الوزارات والشركات والبنوك وشركات أجهزة الكمبيوتر هي في حاجة شديدة للمؤهلين في حقل الكمبيوتر ولا ننسى ذوي الطموح الشخصي في العمل الحر في مجال بيع وصيانة الأجهزة والبرامج وإنتاج البرامج الحاسوبية وكذلك هناك مجال الدراسات العليا في جامعة الكويت ومعهد الأبحاث والخارج

 

[كتكوته و اموره]

حبيبتي انصحج اول ما تنقبلين بالهندسة اخذي مادة c++ اذا حبيتيها تخصصي كمبيوتر اذا ما حبيتيها غيري

 

[noo7a]

مافي شي صعب باذن الله
ان كنتي حابه التخصص و تدرسين ما تهملين بيصير كل شي سهالات
بس حاولي تشدين حيلج اكثر و ترفعين من معدلج

 

[miss-pinksh]

الله يوفقج انشالله..وماافي شي صعب حبوبه اذا انتي عاجبج التخصص

 

[كتكوته و اموره]

اي نسيت اقولج الكمبيوتر و الكهربا وايد مداخلين مع بعض بس ترى التخصص وايد مرغوب بعد التخرج بالنسبة للبنات

 

[دموع ألماس]

يعطيكم العااافية

 

[eng_hoho]

والله تره هندسه الكمبيوتر احسن و اريح تخصص
و كل كل كل مكان يبونش و يبون يوظفونش لمن تتخرجين
والله تره صج
يعني مهندسه الكمبيوتر صج ما تتعب و اهي تدور على الوظيفه مثل باجي التخصصات
و همن معاشاتهم مثل المهندسين العاديين وايد عاليه

و التخصص بس بشكل عام مو صعب و حتى دكاترته وايد يراعوم و متفهمين ,بس عله القسم بمواد الكهربه اه منها اه
بس عادي تره لو شديتي حيلش شويه تمشين بالمواد

فسمي بسم الله و ادخلي قسم هندسه الكمبيوتر بريولش اليمين و انشاله الله يوفقش و تتخرجين

 

[eng_hoho]

هندسه الكمبيوتر موادتها بشكل عام تنقسم لعدة اقسام:
مواد البرمجه: تتعلمين لغات البرمجه مثل c++ and ****
مواد الهاردوير : computer organization and architecture
مواد الديجيتل و المايكرو بروسسر
مواد الكهربة
مواد هندسه البرمجيات software engineering هذي فيها دوره حياة تصميم البرامج و شلون تكتبين وصفها و الفنكشنز و الديزاينز

احلى ما في الكمبيوتر ان مواده متنوعه, و ما فيها حفظ وايد , و تره وايد خفيفه و حلوه

 

[شـيـخــهـ الزيـنـاتــــ }..]

الله يعطيكم العافيه بنات ..

بس كم النسبه القبول لكليه الهندسه ؟؟؟؟

 

[الورده الناعمه]

انا الي اعرفه انه 84 القبول حق الهندسه العادي
الفوري جنه 88

 

[شـيـخــهـ الزيـنـاتــــ }..]

شنو يعني الفوري و العادي ؟؟

 

[دموع ألماس]

الله يعطيكم العافية
بس يصير اجرب واذا ما اعجبني التخصص احول اي كلية ثانية او فيه تعقيدات بالتحويل

 

[شـيـخــهـ الزيـنـاتــــ }..]

رفع

 

[Mo7aSbChia]

نسبتج مثلي

بس اعتقد ما يصير يقبلونج =/

خاصتاً انه اهما يبون مكافئ ..

وعلى سالفة التحويل على حسب معدلج و على حسب المكان اللي بتحولين له

عندج تحويل حق اقسام الهندسه نفسها

وتحويل حق كليات ثانيه

وموفقه انشالله

 

[Miss.EnGiNeErA^_^]

هندسه الكمبيوتر حلوووه وموشرط انج تحبين ماده الــسي ++ بس اهياا رياضيات ومنطق...ونااخذ مواد من الكهربااا...

اذا كان معدلج الثانويه مع المكافئ 84 ان شاء الله تنقبليــن.....

واول كورسين رااح تدرسينهم بالعلوومـــ ...

انتي دخلي الهندسه وبعدين فكري احسن لج..لانج تشوفين المواد ع الطبيعهــ....^___^

بالتوفيق....لاتطولين عليناا نبيج بتجمع المهندساااتـــ....

 

[sindrella]

حبيبتي إنتي إذا حابه التخصص بتشوفينه سهل

بس انتي شدي حيلج و امتحني قدرات لأنهم ياخذوون المكافئ


و بالتوفيق