منو عندها نفس هالسياره؟؟ تنصحيني فيه ولا اوخر عنه

[esTanosh]

السلام عليكم


بصراحه انا تعبت فريت على اكثر من وكاله

ومالقيت شي يقعد راااسييييييي


بالبدايه انا طالبه وابيلي جيب يعني اقزره طول فتره الدراسه

عشان جذي ابيلي جيب سعره متواضع يعني مو فوق ال8 لانه سبق وقلت اني طالبه مااشتغل لي اشتغلت فتحتلي سياره غاليه



انا بصراحه احب الجيب لانه حاليا استخدم برادو ووايد حلو فتعودت علي الشي المرتفع ماحب الصالون فوايد حبيت جيب كابتيفا شفر منو عندها نفسه؟؟؟


حلو ولا لا ا؟؟

انا عجبني حجمه حسيته بناتي بحت
بس ابوي حبطني وقاالي تجميع كوري يعني مش ولا بد :0bee2e8d89:


وانا ابيلي سياره تمشي وياي لي 6 سنين جدام واكثر ​

 

[تنايفـ]

الله يوفقج ويسهل عليج حبيبتي
ماجربت الجيب الي تكلمتي عنه بس بنت عمتي عندها جيب هونداي سانتافيه اسود .. هذي صورته

اتوقع اتوقع انه سعره بحدود الـ 8 الاف مو متاكده والله .. تقول سلس وايد حلو وتكيفه بارد وكشناته مريحة .. مادري وايد وايد تحبه روحي معرض الهونداي وشوفيه والله يعطيج خير سيارتج اليديدة ويكافيج شرها
​

 

[miss_Ba6oOo6a]

جربي فوورد ايدج او سكيب حلوين اشكالهم
والشفر شفته حلوووووووو وستايله بناتي وايد ماخذينه
وفيه الانفوي
هالسيايير جن 8 واقل واذا عندج اكثر
انا عندي المورانو الصراحه عجيبه وكادتها كد لووووووول

 

[شيــوخه]

انا ماعرف الجيد الي تقولين عنه

بس انا استخدم جيب تيوتا فور تنر واييييييييييد ممتز مشاءالله

ماعمره قال اي

انصحج فيه مدام انج متعوده على شركه تيوتا

 

[esTanosh]

تنايف مشكوورا حياتي على الدعوه الحلوه ماقصرتي
وي هونداي كوري واسعااره 8 :\ وايد عليه بصراحه
صج انا سمعت وايد بنات يمدحون هالسياره بس مادشت مزاجي :\

مس بطبوبطه الفورد عند خالي وايد حلوه صح بس سعرها جنه 9
والمورانو اينن عليج بالعافيه بس هم غالي سعره فوق ال12 اعتقد

شيوخا مشكوره حياتي على النصيحه بس انا ملليت من تيويتا :\ صج البرادو قمه ومريح بس ابيلي سياره مجكنمه ليما الله يسهل واتوضف وافج لي كاين


بنات هذا اهو الجيب



سعره واصل 6 ونص بصراحه انا شفته بالوكاله بعيوني وااااااايد حلو بس في واحد الله يهديه خرعني :\ يااني جان يقولي ترا فاجها حق بنتي وخرطيه حدها

 

[صآعده تحت}..]

عجيبه وفخمه

وعندي نفسها

وعلى فكره ميزتها عن الجمس جيب والطوارق والهوندا

انها مقعدين قدام

وورا مقعد طويل

ووراه مقعد طويل

واسعه وشرحه وماتاخذ بانزين واجد عكس الطوارق تشرب بانزين

والله يكتب لج الي فيه الخير اهم شي استخيري

 

[صآعده تحت}..]

تبين سعرها بالضبط بالضبط؟؟

6 و800 كانه

واذا زدتي مقعدين ورا اخر شى اضافيين تصير 7 و100 او 7 الاف بالاقصاد

ولو كاش اكيد ارخص بواجد

 

[esTanosh]

صاعده تحت الحين مسوين عروض ب6ونص

انزين دام عندج السياره انتي اي لون؟؟ انا عجبني الذهبي لانه كاانت معرووضه فماشفت الالوان الثانيه
بس ودي على الاسوووووود اانا احب الاسوود


شكلي بتكل على الله واخذها

 

[شيــوخه]

الله يوفقج صراحه خوش جيب حلوو شكله

وخاصه لا ياج اسود او ذهبي

موفقه ان شاءالله

 

[Heaven Light]

والله حلوة انا عاجبتني بس عاد مو مجربتها احنا البنات ما يهمنا الا الشكل ..


​

 

[اميرة-بطبعي]

سيارتييييييييييييييي

حده الجيب عجيب انا خذيته اول مانزل 2008 شهر 11
يهههببببببل وسواقته عجييبة بس اهم شي السيرفس لااا تقطعينه
تكيفها بارد ماشاءالله بس عيبها مافي تكيف حق اللي يقعدون ورا
من جذي احتمال كبير اغيرها معنا ماودي بس ولدي وخدامته خاااسو بالحر هههههههههههههههه
بس حلو وخفيف وبانزينه الترس جنه 4 وكسور
حييل احلى من الطوارق ..
واي استفسار انا حاظرة

 

[عروسه new]

حتى انا عاجبتني وسويت سيرج بالنت الاغلب يذمه

بس خااطري فيهااا

وهم الفورد ايدج عجييييبه
بس ب10 وشي جنه

استخيررري

 

[ام شملاني]

اختي احنا عندنا ايها من 3 سنوات وما شاءالله كل شي فيها زين الحمدالله بس اهم شي السيرفيس اكون منتظم واحنا انسافر فيها البحرين و السعوديه و الحمدالله الله اتمم عليها لين الحين ما اشتكت
الله اوفقج و صلي استخاره قبل احسن

 

[صآعده تحت}..]

انا ذهبي لونه طافي يجنن واللون الصدفي الى كانه ابيض على لمعه شوي هم بعد خطير احلا من الذهبي

والاسود يعطي فخامه

صح انها مافيها تكييف ورا بس مو من كبر السياره اهي موشاحنه كل مكان يبيله مكيف

لا مجرد مانبطل الى قدام يبرد على كل السياره

واستخيري بس ترا الفورد مو ب 10 لا كانها 8 وشي

ودامهم مسوين عليها خصم استغلي هالفرصه

انا صراحه انصحج فيها وبجداره

 

[esTanosh]

مشكورين بنات ماقصروا خلاص قررت اخذها ان شاء الله

صاعده تحت انا اشوف منها بشوارع من جدام مايكون فيها اللسلفر؟؟؟ فاهمه علي صعدي فوق الصوره وشوفي من تحت يكون في سلفر صوب الدعاميه
الي اشوفها بالشوارع ماكو من جدام كلها سوده؟؟

يعني اهيا تيي جذي ولا انا اضيف عليها الاكسسوارات؟



الي تسال عن فورد الايدج سعره 8وو800

 

[صآعده تحت}..]

لامعاها السلفر

مو انتي الى تضيفينه

الى ضفناه اذكر الكرسي الى اخر شى الطويل

الفورد والجمس هم شركات حلوه وقويه بس انا الى خلاني افضلها عنهم الكرسي الاضافي الى ورا

تكفي 8 اشخاص بعكس الى ذكرتهم 5 بالكثير

واستخيري واسالي الى عندهم جيوب صغيره من شركات ثانيه

اللي يسال مايضيع وانا اختج

وموفقه خير

 

[krkooora]

قبل سنه بالضبط هالسيارة اللي تقولين عنها كان سعرها 5 و شي بسيط
طبعا كاش

و على فكرة ترا ماكو تكيف حق اللي المقعد الخلفي التكيف بس صاير جدام اقصد الفتحات مالوت التكيف

وترا جدا عاديه
و الاخت اللي تقول فخمه وينها وين الفخامه حدها حدهااااا عاديه

و انا انصحج انتي متعوده على تويوتا اهيا السيارة الوحيده اللي تعمر سنين و عمليه و لا تقول اح
و مثل مستواها اللكزس و الياباني كـ كل ...
يعني لا تتوقعين الشفر بتريحج لانه امريكي و معروف الامريكي تركيب السيارة شغل الالات
و قالولي بعد انه صوت القار كله تسمعينه و
وانتي بالامريكي .. كلشششش مو شي

شوفي جيب مازدا اليديد عند رفيجتي حدها تمدحه بس سوري مادري جم سعره ...

استخيري ...

 

[~.ąvȍƈaȚ.~]

والله انا نفس حالتج قاعده افكر بالكاتيفا

بصراحه شكله وايد حلو و بناتي .. بس في ناس يمدحونه و يذمونه

و انا توني سايقه فبأجر يمكن مو اشتريها p: اذا شريتيها قوليلنا تجربتج مع السياره عشان نستفيد و الله يوفقج انشاالله
و يعطيج خيرها و يكفيج شرها و يحفظج

 

[اميره1980]

ما عندي خبر عن هالسيارة صراحة
اب
اب
لعيونج