منو عندها ومجربتها ( كواية البخار ) نفس اللي بالمحلات

[Om_Ksha]

والله خوش شي انا من زمااااااان كنت مفكره آخذها بس مادري لهيت ونسيت ,, يبيله والله الحين اغلب هدومي عليهم علامت الاوتي المثلث !! والله حرام


انشالله اشتريها استقريتو علا ماركه معينه !

 

[دلع حياتي]

حتى انا باشتريها عشان فساتين السهره والعبايه:ada:

 

[pink-bunny]

خواتي شنو احسن ماركه.؟ وانا شريت وحده من كيف كيفها قررت انها ماتشتغل والله ماسويت فيها شي..! واي وحده يكون معاها اداه للوبر.؟؟

 

[sara999]

ويييييييييييييييييييييييييي انا عندي ثنتين شحلاتهم يهبلون
انا شريتهم حق الشيله وانفعوني يوم ماعندي خدامه اغسل الملابس ونعلقهم والي نبي نلبسه واحنا واقفين بسرعه نكويهم وخلاص تفكج من كسار الظهر

 

[أم حمادين]

بنات انا اقولكم احسن نوع
انا وحده مااحب اضرب اووتي بس ذيك المرة توهقت وخدامتي كانت عند امي وكنت بطلع واضطرييت اضرب اهدومي
امي من مده يابتها لي من يوريكا ماركتها ديكسون مال البخار لونه احمر
بس والله وقسمن بالله شنو عجيبه ضربت قميصي الللنن
وملفعي الشيفون وبنطروني جنز
وبعدين ضربت اهدوم ريلي امبيه عجيبه جنج تضربين باوتيعادي فيها استاند علقت لهدوم وضربتهم اوتي
انصحكم روحوا اخذوها وراح تدعولي

 

[ياعشيري جعلك السلال]

عجيبه حق العبي والي ما يصلح حق الاوتي العادي

 

[Killer^Girl]

وايد زينه انا عندي من برنسس من الغانم

 

[SUN SHAINE]

بصراحه وايد مفيده انا عندي وحده وكل ملابسي اكويهم فيه...

 

[حلم الطفولة]

آنا الي عندي كوايها وايد زين بس احس لما ارفعها صار بخارها يخف حيل .. ولازم انادي بنتي ترفع الهوز حق اكمل
ودي أشتري ثانيه ..الخوات اللي دفع البخار في جهازها قوي تقول لنا اسم الماركه ومن أي محل شاريتها يزاكم الله كل خير .

 

[q8yah]

للرفع
بنات عفيه شنو احسن ماركة ماتخترب ودفع البخار فيها قوي؟؟؟
انا جربت برنس حدها مو شي

 

[كبسة جلكسي]

من زمااااااان خاااااااااااااااطري اشتريها بس متردده
لاني صج تعبت من كوي هدوووم رجلي حدهااااااااا تكسر الظهر

بس شنو احسن شي للملابس العاديه

 

[الحنان الدافئ]

تفيدكم حتى لمن تغسلون الستاير فكرة

 

[**الخفوق**]

انا عندي وحده وشاريتها لعبايتي حلوه للملابس الخفيفه بس ماتمشي الحال مع الملابس الثقيله وماتنفع للكسرات بس بناتي والله يكوون ملابسهم المدرسه فيها جربت ماركتين الهايونداي والماجيك والاخيره عندي احسن استعمال وان شاء الله اكون فدتج حبيبتي

 

[blue rain]

يعني نقدر نكوي فيها الملابس العاديه مثل ملابس المدرسه والا بس الشيفون والعبي؟؟؟؟

 

[زري منثور]

رووووعه

نصيحه أشتريهااا

 

["النووور"]

انا بعد شريتها حق العبي لأن ما أثق بنظافة اللاندري
بصراحه حلوه تكوي عدل وماتسوي لمعه طبعا
بس انا أحب تكون عباتي لمن تنضرب أوتي يصير فيها خط على الجوانب مال الأوتي
وخط على الكموم بس البخار ماتسوي هالخط بس عالأقل تلبسينها وانتي مرتاحه من نظافتها
وبالنسبة حق التعلق انا اللي عندي فيها علاق أعلق العباية عليها واضربها أوتي

 

[addict to me]

احب كوااي البخار مريح وسريع

عندنا بالبيت مليون وحده كل ماتقدم وحده نشتري ثانيه

اخر شي راسين عليه
ما اعرف من وين ماركتها برنس تنفتح بالريل (الرجل)
وقبلها شارين من يوريكا وحده فيها شاشه وتايمر حق البخار

واخر شي شارين وحده من اليكترو زان حق السفر كبر الغلايه الصغيره بس بخارها مشاءالله قوي

 

[ليالي نجد]

ما استغني عنها ابدا

ارتحت من حرق الملافع والعبي والهدوم الخفيفه

حتى خدامتي ارتاحت عليها واذا خربت اتحن على راااااااااااسي لحد ما اصلحها

انا مرتين اشتري .. مره اشتريت من الغانم وحده بس من زماااااان قولي من سبع سنوات وما طولت عندي بعدين اشتريت من السيتي سنتر وحده لونها اصفر وبخارها قوي وفيها درجات لقوة البخار بصراحه عجيييييييييييييييييبه حتى ملابس عيالي وهدوم زوجي تكويهم

 

[eman12]

شوفى حبيبتى انا كانت عندى وحده واختربت بس عمليه وزوينه وكفااااااااية ماتحرق الملابس
المهم ذاك اليوم رحت الكترو وزان اللي بالري وشفت نفسه بس صغير واااااااااايد عملي وحبيته للسفر والشاليه والصراحه عجيب وقوى دفع البخار المهم حبيبتى تلاقينه بالكترو الوزان نفس شكل الغلاية صغير ومعاها بروشين وسعره 6 دنلنير الا كسوووووووور بس عجيب

 

[q8yah]

اي شكلها يشوق الصغيره وعمليه للسفر بس بخشها عن خدامتي لاتستسهلها وتخلي العوده لووول