منو عندها ومجربتها ( كواية البخار ) نفس اللي بالمحلات

[شكليطه]

صراحه انا النوعيه اللي عندي فااااااشله فاااااااااااااشله فاااااااشله

شرريناها اول مانزلت يمكن حول ال100 دينار سعرها
اتوقع ماخذينها من الغانم اذا ماني غلطانه

اول عيب: بخارها يطلع ريحه غريبه!!!!
ثاني عيب: الهوز مالها مايطول ليما فوق......يعني تتبهدلين وانتي تكوين الملابس اذا كانوا طوال ومعلقتهم
ثالث عيب: حتى لو شديتي حيلج وصرتي طنطل ورفعتي الهوز لي فوق....يبدا البخار يقطع معاج والدفع ماله مو قوي
رابع عيب: البخار ساعات يطشر ماي ويخرب لج الحراير..ومادري شلون يصير الخام


لكن بالمقابل انا شريت اوتي بخار صغيير وكنت كاتبه عنه موضوع.......يهبل .....دفع البخار قوي.....مايقطر ماي......ينحط بالجنطه.....ووزنه خفيف


لكن للاسف يقولون منقطع

 

[مرة العقيد]

واللة وايد زينة وعجبتني فكرة المعطر بالماي صج حلوة

 

[soOos]

موجوده بسيرز ب28 دينار وانا استخدمها حق تعطير الغرف والكبتات اخلط مع الماي كمفورت البنفسجي وابخر الكبتات والصالات حتى جارتي تقولي ريحة شقتج واصله الممرات

 

[شكليطه]

موجوده بسيرز ب28 دينار وانا استخدمها حق تعطير الغرف والكبتات اخلط مع الماي كمفورت البنفسجي وابخر الكبتات والصالات حتى جارتي تقولي ريحة شقتج واصله الممرات

خوش فكره طريقة التعطير
بس شلون تسوينها اختي؟

يعني بس تحركينها بالهوا والا تكوين فيها الاثاث؟

 

[soOos]

تدورين فيها بالغرف وتكوين الستاير وتمررينها عالكراسي والفراش وتبطلين باب الكبت وتخلينه يبخر شوي وشوفي الريحه تتم يوم كامل

 

[شكليطه]

يعطييييج العافيه

بجربها الحييييييين

اموت على ريحه الكومفورت


عالاقل خل احرك المكينه شوي......صارت علاق

 

[q8y-moon]

انا كنت متاذيه من خداماتي كل شوي حارقينلي عبايه ولا مبين في طبع الاوتي اللمعه وانا العبي مالتي والله غاليه اموت حرررررره
بعد عمري ابوي يابها لي من الامارت هديه صج صج انفعتنييييييييي بس حسافه الهوز مالها انقض وقام يطلع منه ماي
وتخيلو بجم خذاها
5 دنانيربس

 

[غير كل الناس]

انا استخدمها حلوه حق العبي

 

[نطوووعه]

شكليطه شنهي ماركة اللي مووزينه؟؟ و الزينه الحين بشوووف موضووعج عنها بس متى اخر مره سالتي فيها عنها و قالولج مقطوووعه؟؟


و بنات كل وحده تمدح اووتييها البخاار ختقووول مركته بليز لان محتاجه اشتريلي وااحد

 

[غجرية]

عملـــــيــة انصحج فيها

 

[شكليطه]

ههههههههههههههههههههههههههههههههههههههههههههه نطوووووووع جان سألتي قبل

امس عصصصصصصصصصصصصصصصصصصصصصصصصصصصبت وحذفتها بالسكه


رحت الله يسلمج اجرب طريقه سوس......وحطيت الكومفورت (بعد مو كوفورت نوعيه ثانيه يايبتها من المانيا) ......واشغالها

والله ماطولت دقيقتين جان يوقف البخار


قلت ميخالف يمكن على دفعات


خليتها مشتغله وقلت بروح اسويلي قهوة وانا راده لها عشان اشممممممممم الريحه الفواحه


الله وكيلج رديت والا اهي واقفه والهوز مالها بااااااااااااااااااااااارد يعني ماشتغلت


عصبت وقلت حق الصبي يقطها بالسكه




بالنسبه حق النوعيه الزينه........والله اخر مره قبل 5 شهور تقريبا


وسوري دورت ماعرفت اطلع موضوعي القديم لان فيه اسم الشركه ورقم التلفون


خل اجيك عندي بالغرفه......يمكن اكون خاشه الاعلان للحين (خبله من كثر ماكنت احب هالاوتي وادوره متحسفه اقط اعلانه)

بس والله يستاهل ولد حلال..........كرفته كرف اليهد مع ان مكتوب للاستخدام الشخصي مو التجاري

 

[شكليطه]

هذا الرابط حق نطوعه خاصه
ولكل البنات عموما



صورة الاوتي البخار اللي احبه وما استغني عنه.....حتى بالسفر....اول شي ينحط بالجنطه اهو ...قبل الهدوم حتى


http://q8yat.net/showthread.php?t=21655

 

[bnt_kwt]

up
up
up

 

[حروف]

توكلي عالله وأخذيها

تهبل ماشاء الله اهي متعبه اذا طولتي بالاوتي بس احسن بوايد من الاوتي العادي لانها ماتحرق الملابس

انا خذيتها من سيتي سنتر ب18 عاديه ... وفي اللي بسرعات معينه بشي وثلاثين على مااعتقد

 

[james546613]

انا شايفتها عند اليوسفي -واختي يابتلي من تايلند بس ماجربتها

 

[د-سوسه]

حبيبتي اذا ليلحين ماشريتي اخذي من الكنروزان الاوتي الي عالبخار نفس الفكره بضبط بس بدون الستاند اتعلقين الملابس بالعلاق العادي وتشغلين الاوتي ونتي واقفه نكوين -مادري شرحي واضح ولا لا -وبخمس دنانيير وشوي

 

[faati]

مشكورين خواتي ..على التجارب
دايما لما ادش الالكترونيات اوقف عنده خاطري فيه ..

سؤال : تخلون الخادمه تستعمل والا بس على ايدكم؟؟


صفحة 66 من كتالوج الكتروزان في نوعين
http://www.electrozan.com/Default.html

 

[Happy& butifull]

ذكرني موضوعج بوحدة تتشيحط شايفة نفسها ان عندها هالكواية صج ناس موشايفة نعمه يعني في احد بالكويت مايقدر يشتريها الا اللي مايبيها كلها 36 دينار.

 

[AFRoDiT]

انا عندي وحده وقمممممة الراحه ..

توفر على خدامتج وقت وااايد عشان تشوف شغل ثاني بدال لا تجابل الأوتي ..

وسهولتها تخلي أفراد الأسره كل واحد يكوي حق نفسه قبل لايطلع إذا مستعيل ولا شي ..

أحسن ما خدامتج تحرق جن لبس بالاوتي , ولا كل شوي الاوتي خربان
هذي بس عبيها ماي و خليها تسخن شوي ومرريها ع اللبس بدقيقه الموضوع منتهي ..


والي عندي من يوريكا أعتقد بالعشرينات حسب مااذكر

 

[zalabia-n]

انا عندي منها من زمان وفايدتي اكوي فيها البدلات الغالية وقمصان النوم والملافع واي شي تكون خامته حرير او نايلون او شيفون الصراحة ماأستغنى عنها